تحدت الطوفان الجزء الاول

الفصل التاسع عشر

الحلقة (19) رواية( تحدت الطوفان) بقلم:- أسماء أبوشادي
_________________________________
سيلين بقوة / انا هتجوز

( لم يظهر على معالم وجه محمود اي تعبير. فهو شخص ليس بالهين ابدا والكل يخشاه فهو أكبر أبناء عائلة تاج الدين. لا يتهاون مع احد ابدا ولكن هذه هي اخته الوحيدة. لها معاملة خاصة دون عن كل البشر
هي لديه في كفة والعالم اجمع في كفةً أخرى وتربح كفة سيلين دائما
وصحيح انه لديه ابنة صغيرة ولكن صادق ان قال انها يحبها اكتر من ابنته فهي أيضا ابنته وشقيقته وأحيانا امه فهي الوحيدة التي تفهمه وتعرف عنه مالا يعرفه احد حتى أمه و زوجته
ودائما ما تكون سيلين ضده في بعض الأفعال والتصرفات ولكن هي تعلم ان هذا هو طبع أخيها الذي يشبه جده إلى حد كبير )

محمود بثبات / اممممم طيب انتي دلوقتي بتبلغيني ولا بتستأذنيني

( بالطبع سيلين تفهم أسلوبه وتحفظه جيدا وتعلم أنه على علم بكل شئ )

سيلين وهي تنظر في عين أخيها / تقدر تقول الاتنين

محمود بأبتسامة ( فهو يعرف أن اخته دائما تكشفه وهذا يسعده كثيرا )/ ويا ترى حد انا أعرفه يعني حد من اللي اتقدمولك قبل كدة ولا عريس جديد

سيلين بأبتسامة مثل ابتسامته / من جهة تعرفه فأنا متأكدة انك تعرفه كويس

محمود بحيرة زائفة / امممم. ممكن يكون حد من شركائنا في العمل أو منافسينا.( وضحك بمرح ) اصلك مافيش حد شافك غير وسحرتيه يا سيلين. حتى هشام الجاسر. اللي بيكره عيلتنا عشقك من نظرة واحدة

سيلين / لا هو مش من شركائنا ولا منافسينا

وقف محمود ودار حول المكتب و وجلس بالكرسي المقابل لاخته / اومال مين.ولا اقولك استني أنا اقول ( وبنبرة استعلاء وكبرياء ) التافه اللي اسمه أمجد اللي كنتي بتخرجي وتروحي و تيجي معاه في اسكندرية. وكمان جه القاهرة هنا من يومين صح

سيلين بثبات / ايوة صح هو امجد زميلي في الشركة

محمود بحدة / ومش مكثوفة وانتي بتقولي كدة. عايزة تتجوزي الحقير ده. أنا اذا كنت سيبته قريب منك الفترة اللي كنتي فيها فأسكندرية. فده كنت سايبه يسليكي شوية مش اكتر لكن حتى انا ما اقبلش انك تشغليه خدامك. مش تتجوزيه

سيلين ببرود / مش شرط انت تقبل المهم انا اللي اقبل

محمود / ومين قالك اني هسمح بكدة بقى.

وقفت سيلين بهدوء / أنا قولتلك وبلغتك وأن شاء الله لما احدد ميعاد الفرح هبقى ابلغك علشان إذا حبيت تحضر
( واتجهت سيلين إلى الباب لكي ترحل ولكن قبل أن تخرج اوقفتها كلمات محمود الصارمة )

محمود / انا عمري ماقسيت عليكي يا سيلين ما تجبرنيش اني أقسى عليكي دلوقتي

التفتت له سيلين وتحدثت بجمود / إذا كنت فاكر نفسك انك ما قسيتش فأطمن الدنيا قامت معايا بالواجب