سرقت مالي وقلبي

البارت 1

حين يشاء الله يجمع بين قلبين وان كانا من قارتين مختلفتين !!

صفاء: الو رامي ضروري تجي ع الموعد اليوم

رامي: تمام تمام ولو هلكان من التعب وتسوي فضل اذا نأجل تصوير حلقة اليوم ع باجر

صفاء: الشغلة مو بأيدي اني هم مثلك تعبان بس احنة حددنا تاريخ انتهاء المسلسل وانت المخرج المفروض تلتزم بالمواعيد لحد الان مخلصين 10 حلقات ومسلسلك من المفترض ينزل بشهر تموز

رامي: ماشي بلغ الكادر ع موقع تصوير حلقة اليوم وراح اجي ع الموعد

صفاء: هسة ابلغهم تدلل

رامي: في امان الله .....

الاسم: رامي محمود
المهنة: مخرج مسلسلات
العمر: 30 عام
الطول:185
الوزن:80 مع بروز عضلات الجسم
لون البشرة: حنطي مائل للسمار
لون الشعر: اسود داكن
لون العين: اسود
المظهر: وسيم. أنيق
الطباع: عصبي .قاسي . متشبث الرأي . مستبد . عبوس . غير مجامل . انطوائي
نزيه . قليل العلاقات . يعشق العمل الذي يقوم به . غامض . صريح . يعشق النظافة الاناقة والاهتمام بالمظهر . قليل السفر
السكن: بغداد
الحالة الاجتماعية: اعزب
الحالة الاقتصادية: غني
...........

اميرة: خايب كون الله لا ينطيك شمالك تركض وراي جنك مسودن

سعدون: لج اليوم ابوج اصمطة تبوكيني اني الج بت منيهل

اميرة: خمطت محفظة سعدون وركضت بيها بس ابو الجرب لحكني التهيت احجي وياه واركض وما اشوف ألة سيارة واجت صوبي مالحكت اعبر ذاك الصوب واخلص روحي

الاسم:اميرة منيهل
المهنة: اعمال حرة 😂 سارقة
العمر: 19
الطول: 155
الوزن: 65
السكن: سابقآ العمارة حاليآ بغداد
لون الشعر: اشقر ذهبي
لون البشرة: ابيض
لون العين: اصفر
الحالة الاجتماعية: عزباء
الحالة الاقتصادية: دون المستوى
الطباع: مجنونة .مشاغبة . سارقة . مرحة . حنونة
المظهر: لا تعليق 😂
ملاحظة::: الشخصية لا تنطبق ع فئة معينة ولا تمثل غير نفسها مع اجل الاحترام لكل محافظات البلاد 😚😚

رامي: سرحت بأفكاري لكن سرعان ما انتبهت دعمت بنت جانت تركض ويركض وراها ولد نزلت اطمئن ع البنت

اميرة: اخ يمة عچوسي يايمة تفلشت..
ماحسيت ألة طحت جوة السيارة ونزل منها ولد شاب وكف كبالي تخوصرلي وعاكد حواجبة وكفت ع حيلي انفض بملابسي

رامي: انتي غبية

اميرة: شني ولك ماسمعتك

رامي: الزمي حدودج

اميرة: بعدني ما خلصت حجايتي وطكني سعدون من ورة ع راسي ركضت ختلت ورة الزلمة الدعمني

سعدون: ولج تبوكيني واني النچر

رامي: ختلت وراية وكفت كبال الولد
لو سمحت شنو الموضوع

سعدون: خوية هاي الجلبة الجربة باكت محفظتي واني عود انكسر خاطري عليها وشغلتها يمي بالمطعم تاليها تبوكني وتنهزم