سرقت مالي وقلبي

البارت 28

اميرة: رجعت عليه اباوع بعيونة يمكن كرهتة بس مستحيل اكدر اكرهة بس ما اعرف شنو خلاني ارجع اتمعن بشكلة وكأنه اودع ملامحة
تعرف شي عمر ألانسان ألي يحب مراح يأذي محبوبة واني حبيتك حبيتك من كل كلبي وتمنيت اسعدك بس للأسف

رامي: كلشي بداخلي نبض وكأنه اول مرة ينبض وكأنه اول مرة اسمع كلمة احبك وكأنه اول مرة احب احساسي بهاي اللحظة مينوصف
جنت شاك بيها تحبني بس مو متأكد بس هسة تأكدت وبوقت وظرف غير مناسب
تمنيت اكللها اتركي كلشي ورة ضهرج وابقي يمي انسي كلشي وابدي من جديد تمنيت اكللها فلوس الدنيا كلها تروحلج فدوة بس الينكسر ميتصلح
وكلمتي ما اكدر اتراجع عنها
اتملكني السكوت بوقت عيوني جانت تسولف احساسي.
عينها بعيني شفت كلشي وقريت كلشي بعينها
لمعة الحب ألي بعينها تجبرني اسامحها لو مو سارقة لو قاتلة بس انتهى كلشي

اميرة: ما اعرف شلون طلعت من الساني هالكلمة بلحظات انهيار عصبي وكره وحقد
معقولة لان كرهتة كتلة حبيتك
ما اعرف افسر شعوري كل ألي عرفتة اني اعترفت وهو انصدم وصار لازم اطلع واكطع الامل وانسى حياتي كلها بهذا البيت وابدي من جديد...
من بعد صفنة طويلة تبادلناها...
مع السلامة استاذ رامي

رامي: بدت تمشي وخطواتها تبتعد مني وتتقرب من الباب ألي راح تطلع منة ويمكن بدون رجعة.
شي دفعني يريدني اوكفها واحضنها وابجي بحضنها واعتذرلها رغم خطأها.
اميرة

اميرة: انداريت عليه بكل برود ويأس

رامي: استغفر الله
لا هيج الله وياج

اميرة: طلعت من البيت وظليت امشي وامشي وامشي حتى فلوس ماعندي أأجر سيارة
وين اروح وين انطي وجهي ما ادري مستحيل ارجع لاهلي لو لعمامي
ماكو غير سعدون اروحلة احجيلة قصتي وبلكت يساعدني هذا الحل الوحيد ألي باقيلي
ظليت امشي شوية شوية تذكرت الطريق وصلت المحل محلة بس مو مطعم
حرت ادخل لو ارجع ظليت ٥ دقايق افكر طلع هو من المحل شايل بأيدة نركيلة شافني

سعدون: انصدمت شفت اميرة كبالي حلم علم.
اميرة 😳

اميرة: شلونك سعدون

سعدون: هلا بيج هلا وين هالغيبة ماشفناج بعد

اميرة: الدنيا تاخذني وتجيبني

سعدون: خيرج شو متغيرة وين جنتي

اميرة: سولفتلة كلشي صار وياية اسولف وابجي

سعدون: تحجين صدك كل هذا صار وياج واني اكول مالج ذكر بالمنطقة ولا شفتج بعد

اميرة: هو هذا ألي صار وياية

سعدون: وهسة المطلوب مني شنو

اميرة: خليني ارجع اشتغل وياك واوعدك ماراح تلكة مني بس الخير

سعدون: اميرة اني مو قصة شغلتج وياية وبكتيني اصلآ السالفة متهمني ومسامحج عليها واتمنى اساعدج بس دتشوفين المطعم شغلة وكف وكلبتة كوفي شوب يعني بس شباب شترديني اشغلج بين الشباب هم الله مايرضاها