رامي: هسة انصرفي اريد انام
اميرة: تصبح ع خير استاد
سديت الباب وطلعت نزلت لغرفتي وانة متعجبة ع سوالفة شلون هيج تغير وياي شلون جان يعاملني وهسة شلون يعاملني شني معقولة حباني
بعد مرور شهر
مروان: مر شهر واميرة بدت تتعلم القراءة والكتابة وعلمتها ع الموبايل بدت تغير طريقة كلامها شوية وتصير مؤدبة اكثر وكذلك لبسها بالبيت تغير كلشي صار ع ذوقي برزت انوثتها اكثر بدت تتكلم بدلع وهدوء صارت اكثر جمال واناقة وثقافة وهذا الشي يعتبر انجاز عظيم بفترة شهر كدرت اغير جزء من شخصيتها واطباعها وهذا الشي قربني منها وقربها مني اكثر بديت اتعود عليها واتعلق بيها
بالاضافة الى روان اتصلت عليها اكثر من ٤ مرات وجهازها مغلق بس حسيت نفسي مرتاح بالبعد عنها
اختي رانيا واطفالها كل يومين والثالث امر عليهم اتغدة لو اتعشة وياهم بدت تستسلم وتتقبل غياب امي
بس هذا الشي ميمنع انو نبجي عليها ونبقى طول عمرنا بحاجتها بس الحمد لله هاي ارادة الله.....
رانيا ليش متجين تعيشين وياية بيتي جبير وانتي ماعندج احد بس انتي واطفالج واني اخاف عليج باقية وحدج تعالي عيشي وياية وبيتج بيعي او أجري شنو رأيج
رانيا: لا خوية بعد كلبي الله يحفظك ويخليك خيمة ع راسي دوم
بس اني هذا بيتي متعودة عليه والناس والجيران تعرفنا وبعدين انت باجر عكبة هم تريد تتزوج تخلف مترهم ياخوية تصير مشاكل وجهالي ديكبرون خليهم ابيت ابوهم معززين مكرمين وانت متقصر عساك سالم
رامي: شنو هالحجي رانيا اني خالهم وهذا بيتهم الثاني يبقون معززين مكرمين بس هذا القرار راجع الج ما اضغط عليج اني حبيت تعيشين وياية انتي وجهالج وتملون علية البيت
رانيا: اريدك سالم يستر عليك ويطول بعمرك يكلبي
هاهية اتعودت وحدي خليني كاعدة بمكاني ولامة جهالي وانت بعد هم وراك زواج واستقرار اريدك تلتفت لنفسك العمر ديمشي وانت دتكبر واني اريد افرح بيك بس انت باقيلي بالدنيا
رامي: ان شاء الله افكر بالموضوع
رانيا: صدك شخبار روان
رامي: مدتعجبني سوالفها وتكبرها دا احسها سطحية اكثر من اللازم ومادية وتغار من اميرة
رانيا: يا اميرة الخدامة الجديدة
رامي: اي
رانيا: زين ليش دتغار منها هي حالها حال آشتي
رامي: الحجي بيناتنا اميرة حلوة حيل واصغر منها وانتي تعرفين بروان بعد
رانيا: هههههه اي دكول هيج
تتذكر امي الله يرحمها شكد جانت تنصحك منها رامي ترة الانسان الجبير بالعمر عندة نظرة بالحياة وبالناس متخطي ابد جانت ابد مترتاحلها ولا تطيقها تكول عليها ملعبة بس الله يسلمك جنت طاير بيها ومتسمع الكلام
أنت تقرأ
سرقت مالي وقلبي
Romanceهو شخص غامض متسلط وقوي وهي فتاة سارقة مشاغبة تجمعهم الصدفة لتلعب دورها فهل ياترى من سينتصر ؟؟
