سرقت مالي وقلبي

البارت 15

رامي: تصبحين ع خير

اميرة: وانت من اهلة

رامي: طلعت باب المطبخ ورجعت عليها
ع فكرة بدون حجاب احلالج 😉

اميرة: ظليت باهتة بوجه الزلمة هاذ شجاه استخف عليّ اليوم
بس انة شني بكلبي كلش كلش فرحانة
النوب هو صعد وانة لملمت المطبخ وطفيت الضوة وطبيت لغرفتي الليل كلة وانة اتكلب واتذكر حجاياتة يابوية شحلاتهن
مانمت للصبح ما ادري شني من احساس حسيت
لل 6 الفجر حسيت عليه كعد ونزل من غرفتة
وانة كمت ع حيلي
ظليت اباوع ع روحي بالمراية وساعة اكولن ها اذب الحجاب وساعة اكولن لا عيب وزحمة من الزلمة النوب اخر شي لفيت حجابي ع راسي وطلعت

رامي: صارت ساعة 6 كعدت اليوم تصويرنا بغير محافظة واحتمال ما ارجع اليوم للبيت سبحت بدلت ودخلت للمطبخ لكيت آشتي بالمطبخ
صباح الخير

آشتي: صباح الخير ببا

رامي: ليش كايمة من فراشج انتي مو مريضة ادخلي ارتاحي لغرفتج

آشتي: لا ببا اني صرت زين لازم يكوم يشتغل اميرة ميعرف يشتغل وحدة اني لازم يساعدة

رامي: هههه تمام ع راحتج

آشتي: يسويلك ريوك ببا

رامي: ياريت مستعجل

اميرة: طبيت عليهم للمطبخ لكيت عطسة واكفة ع الطباخ مخدرة الجاي ودتسوي ريوك
واستاد رامي كاعد ع ميز الطعام ويلعب بالمبايل
صباح الخير

آشتي: صباح النور اميرة اكعد يسويلكم ريوك اليوم اني

رامي: رفعت راسي جنت احجي وية روان
صباح النور

اميرة: رحت لعطسة
اكلج دادة وخري من طريقي انة اسويلكم الريوك انتي ردي لغرفتج وانة اجيبة الج

آشتي: شنو ميفتهم شيحجي انت

اميرة: لزمتها من ايدها ورديتها لغرفتها
انتي ارتاحي بغرفتج وانة اجيبلج الريوك چا انتي مو مريضة مايصير تشتغلين

آشتي: ليش اني صرت زين لازم يشتغل

اميرة: طبيت وياها للغرفة احجي بصوت ناصي واعاين ع الزلمة يعاين عليّ من بعيد غرفة عطسة وغرفتي صايرات كبال المطبخ.
اكلج انة اسوي الريوك لببا وانتي عود من يطلع لشغلة عود نظفي لا تبقين ترطنين براسي
طلعت وسديت باب الغرفة
رديت للمطبخ وهو عاكد حواجبة ويخنز عليّ
اي استاد شتحب اسويلك ريوك

رامي: اباوع ع تصرفاتها هالبنية مو طبيعية جرت آشتي من ايدها ودخلتها للغرفة وطلعت..
شنو هالتصرفات مالتج

اميرة: شني استاد ياتصرف شسويت انة

رامي: ليش دخلتي آشتي لغرفتها اني طلبت منها تسويلي ريوك

اميرة: يااا استاد ع هاي موش انة كلت خطية البت مريضة ولازم انة اخدمك لبين ماتصير زينةوبعدين ماكو فرق بيني وبينها