اميرة: اصيح اريد ادك بالباب محد يرد علية
تعبت ونمت ورة الباب
رامي: الوقت اتأخر واني افتر بالشارع تعبان نفسيتي تعبانة رحت لبيت رانيا وصلت دكيت الباب
رانيا: نايمين اني والجهال واسمع الباب تندك فزيت شغلت الضوة الساعة ب 2:30
ظليت حايرة وخايفة منو هذا ألي جاينا بهيج وقت عقلي ظل يودي ويجيب
ظل الباب يندك
رحت يم الباب صحت بصوت ناصي منو
رامي: اني رامي افتحي رانيا
رانيا: اخوية شجابة بهل وكت
فتحت الباب
خير خوية شبيك مريض تعبان مو عوايدك تجي هيج وكت
رامي: تعبان تعبان خليني افوت
رانيا: اي اي فوت
فات جوة رحت جبتلة مي
رامي: رحم الله والديج
رانيا: هسة احجيلي شبيك
رامي: ماكو شي افرشيلي اريد انام تعبان
رانيا: غير افتهم بالاول شبيك
رامي: مو وكتها عود بعدين اسولفلج
رانيا: اوووف.
رحت جبتلة فراش فرشتلة ونام
واني رجعت لمكاني طفيت الضوة بس ظليت كاعدة الليل كلة مانايمة قلقت عليه وضعة مو طبيعي
رامي: نمت لهناك حلمت حلم
روان واميرة يتعاركن وروان ضربتها لاميرة وماتت
فزيت مفزوع كل ظني حقيقة
استغفر الله
باوعت ع الساعة بموبايلي ساعة ب 6
كعدت صفنت انعاد الشريط مال البارحة كلة كدامي
كمت غسلت وجهي
دخلت لرانيا
رانيا رانيا
رانيا: نايمة وكعدني رامي
ها خوية
رامي: اني طالع للبيت مو يظل بالج
رانيا: زين زين بس خابرني طمني عليك
رامي: ان شاء الله مع السلامة
رانيا: الله وياك حبيبي..
رامي: رجعت للبيت صعدت كبل لغرفتي
فتحت الباب بس متنفتح كلها اكو شي وراها
اميرة: حسيت واني نايمة جسمي يهتز وشي يضرب بخاصرتي
كعدت شفت احد يريد يفتح الباب
سحلت روحي من ورة الباب سحل جسمي كلة يوجعني وجهي يوجعني عيوني ثكيلة
منتبهت منو دخل بس اكيد هو
رامي: ماحبيت هيج يصير ولا حبيت نوصل لهل مرحلة احساس بداخلي يكلي سامحها لتأذيها بس الواقع لازم تتعاقب وتتأدب وتحسب حساب لكل تصرف
دخلت شفتها بمنظر ماحبيت اشوفها بيه
وجها وارم شعرها مخربط ايدها زركة...
كعدت ع الجرباية صرت بضهرها
ماكو اي ردة فعل منها
صنم وكاعد راسها منزلتة وايدها ع الكاع
هااا اتمنى تستفادين من هذا الدرس
اميرة: ماعندي اي شي اكولة ولا اريد اتعب نفسي واحجي وياه
شكد شفت حقراء بحياتي بس مشفت مثل حقارتة وقساوتة..
اريد اروح للحمام
أنت تقرأ
سرقت مالي وقلبي
Romanceهو شخص غامض متسلط وقوي وهي فتاة سارقة مشاغبة تجمعهم الصدفة لتلعب دورها فهل ياترى من سينتصر ؟؟
