اميرة: الضوة بعيوني حاولت افتح عيوني شوية
هاي انت استاد اعذرني تعبانة ومادريت بروحي ألة وانة نايمة
رامي: كومي عندي حجي وياج
اميرة: خير استاد شني شعندك وياي لايكون هم رزايل وتزمخ
رامي: دقيقتي وتجين وراية 😒
اميرة: صار استاد 😏
رامي: رحت كعدت بالاستقبال فتحت التلفزيون وظليت اكلب بالقنوات بملل ماكو شي حلو بس اخبار وبرامج تافهة
اميرة: كمت طبيت للحمام غسلت وجي وظليت افرفر بالبيت ادور عليه
بعدني ما حافظة البيت
طبيت لغرفة جبيرة وطويلة اظنها استقبال لكيتة كاعد ويباوع ع التلفزيون
خير استاد شعندك وياي
رامي: اجتي عدلت كعدتي
تعالي اكعدي
اميرة: وين اكعد
رامي: شنو هالغباء وين يعني اكعدي بأي مكان
اميرة: لا هيج دا اسأل لا تصير عصبي عليّ
هااا أهااا هل كعدت اسويلك جاي 😊
رامي: مو وكت جاي جايبج احجي وياج كلمتين مو حتى تضيفيني 😒
اميرة: 😔 صار كول شني السالفة
رامي: انتي شنو سالفتج
اميرة: شني ياسالفة مافتهمتك
رامي: ليش انتي ابغداد وليش جنتي بالشارع شنو دفعج تمدين ايدج ليش ماعندج اهل
اميرة: ها هيج ماكو شي سالفة طويلة لا يظل فكرك
انة اكومن انظف البيت ...
بعدني ماكمت وعاط بية
رامي: اكعدي 😠
اميرة: دخيلك ياعلي شمالك جفلتني شني خالة هو تحقيق
رامي: كمت اخذت كرسي حطيتة وكعدت بصفها..
ضروري اعرف حياتج ماضيج اهلج يجوز انتي مجرمة يجوز تنتمين لعصابة
اميرة: يااااااع شني هيج امبين عليّ مجرمة
رامي: ماعندي وقت لتفاهاتج سؤال جاوبي عليه كلمة ما اعيدها مرتين
اميرة: انة اهلي بالعمارة ابوي وامي تطلكوا من انة زغيرة اذكر عمري 5 سنين وصارت مشاكل وطلايب وتطلكوا
اول فال امي اخذتني من ابوي انة وخواني اثنين عبد الله ومحاسن اصغر مني
رحنا لبيت جدنا للبصرة ابو امي ماتحملني عبن انة وكحة وما انجرع النوب امي ورة سنة ردتني لابوي للعمارة
ابوي تزوج ومرتة ماتريدني وانة زغيرة يكربون عليّ كرب الزمال وابوي يحب مرتة ويصدك بحجيها وشتكلة يكلها حاضر وتامرين النوب مارادتني طردتني من بيتها هي وابوي رديت لامي للبصرة تحملت الجوع والعطش والمكاون وانة صغيرة جدي ابو امي يدك عليّ ليل ونهار مايرضى العب وي جهالهم ولا يرضى اطلع للشارع
النوب رديت لابوي عشت بالظيم عندة 10 سنين صرتلهم خدامة مرت ابوي خلفت 3 جهال وامي تزوجت
ماطقت عيشتهم وعذابهم ابوي جابني لبغداد اعيش عد عمومتي يوم عد هاذ ويود عد ذاك يومية نسوان عمومتي يتكاونن وياي خليت ونهزمت منهم ولفيت بالشارع صارلي 6 اشهر اشتغلت يم سعيدان وانت تعرف الباقي
أنت تقرأ
سرقت مالي وقلبي
Romanceهو شخص غامض متسلط وقوي وهي فتاة سارقة مشاغبة تجمعهم الصدفة لتلعب دورها فهل ياترى من سينتصر ؟؟
