اميرة: انة من دكت عرفت هاي ام سبعة وسبعين المسمومة النوب صوتها يلعلع بالمبايل ولا تستحي ما ادري ع شني متحملها..
اكلك استاد بروح الوالدة هاي روان مدري شسمها عود صدك حبيبتك
رامي: ليوين تردين توصلين
اميرة: موش هي دايمآ تكول انة حبيبتة ردت اعرف منك هي صدك حبيبتك
رامي: اي نعم حبيبتي
اميرة: انة ضجت كلش من هيج كال انة ادري هي حبيبتة بس ضجت من كالها..
عود راح تتزوجون
رامي: اذا اكو قسمة
اميرة: هااا بس هي مالايكتلك انت وين وهي وين انة ما اشوفن بيناتكم زواج
رامي: وانتي شمدريج شنو تقرين المستقبل
اميرة: لا اعوذ بالله بس انة ما احس بيناتكم زواج
رامي: حسيت بيها غيرانة من روان..
الله كريم كلشي قسمة ونصيب
اميرة: استاد انت تحبها هواي
رامي: كافي اسئلة اريد ارتاح
اميرة: ع امرك..
سكتت بس انة ضايجة مدري غيرانة هيج شعور اول مرة يصير بية
كمت لميت الغراض وغسلتهن وحميت الجاي راسي يوجعني
اصبلك جاي
رامي: صبيلي ياريت
ورثت جكارة احس اعصابي تهدأ من ادخن
اميرة: اختنكت من ريحة الجكاير شكثر يدخن هالزلمة
رحت يمة وجريتها من ايدة
بس جكاير عاد انت ولد شاب ومرتب شلك بهل مرض تريد تموت
رامي: استغربت من تصرفها رغم تجاوزت حدودها ومو من حقها بس بنفس الوقت حسيت بأهتمامها حبيت هالشي اول شخص يهتم بية من بعد امي الله يرحمها حتى روان ألي المفروض هي حبيبتي ما احسها مهتمة بية وبصحتي كل همها المظاهر والفلوس...
اميرة: مدري شجاني وهيج سويت بس انة صدك خايفة عليه..
اترك هالجكارة ترة هاي سم يموتك كلها امراض يا استاد هسة شني انت ماتعرف حتى انة اعلمك....
قبل مايجاوب ركضت للطباخ طفيتة وانة اصب بالجاي واسولف وياه
رامي: خلي اموت ياريت لو اموت اخلص من هالتعب والقهر
اميرة: خليت الجاي كبالة..
اسم الله عليك من عمري ع عمرك
واليحبونك شني ذنبهم لو متت
رامي: ومنو يحبني
اميرة: هااا يعني اصدقائك معارفك
رامي: حاولت اتغابى عليها حاس اكو بداخلها شي بس متكدر تحجي
ما اعرف احد وماعندي اصدقاء بس اصدقاء عمل وصديقي المقرب صفاء
اميرة: هااا بس هم اكو ناس تحبك
رامي: منو روان
اميرة: لا خايب انت شعاجبك منها هاي اصلآ ماتحبك
رامي: هههههه وشلون عرفتي متحبني
اميرة: احساسي يكلي هيج ماتحبك تحب فلوسك
أنت تقرأ
سرقت مالي وقلبي
Romanceهو شخص غامض متسلط وقوي وهي فتاة سارقة مشاغبة تجمعهم الصدفة لتلعب دورها فهل ياترى من سينتصر ؟؟
