سرقت مالي وقلبي

البارت 22

رامي: اممم هاي اول مرة تغلطين واسامحج ع غلطج واني مرتاح وفرحان 😉

اميرة: شني شمالك استاد 😐

رامي: لعد ما اسامحج ألة تبوسيني من خدي الثاني

اميرة: لا عيب شني خالة انسردت

رامي: شنو انسردت عندج كلمات ما افهمها

اميرة: يعني انفتكت

رامي: ها انفتكت خلفلة عليج خوش اسلوب 😒

اميرة: ياااا لا تزعل عليّ انة هيج اسلوبي

رامي: اميرة انتي ابنية شابة وحلوة وبعدج بمقتبل العمر هذا الاسلوب والتصرفات متلوكلج انتي انثى المفروض تبرزين انوثتج مو تسترجلين

اميرة: يعني شني ما افتهمتك

رامي: يعني انتي ابنية وسوالفج وتصرفاتج مال زلم

اميرة: يااااع شني اشايفني عندي شوارب

رامي: مو شرط بس تصرفاتج مو مال انثى اني اكدر اساعدج

اميرة: وشلون تساعدني

رامي: انتي لازم تتعلمين القراية والكتابة تقرين كتب تتثقفين تغيرين اسلوبج وطريقة كلامج انتي صح من الجنوب وهاي لهجتج بس هسة احنة ابغداد ولازم تتعلمين تحجين مثلي طريقة لبسج تغيريها تبرزين انوثتج اكثر اني اكدر اخذ من وقتي واساعدج واتعب وياج لحد ما تصيرين انثى

اميرة: بس انة ما اريدن اغير طبعي انة هيج مرتاحة

رامي: انتي مادام ما الج نية ترجعين لاهلج وكاعدة ابيتي معناها اني المسؤول عليج دتشوفين آشتي من اجتي من بلدها كلشي متفهم لا كلام لا طبع لا شغل متعرف شنو طبعي شنو احب شنو اكره بالاضافة اني هم تعبت وياها لحد ما صارت بهل صورة من ملابس وكلام واتكيت ونظام كل هذا اني جنت مسؤول عليه واجة الدور الج شوكت متحسين نفسج جاهزة تتغيرين اني موجود وراح اساعدج

اميرة: ها استاد بس انة شلون راح ادبرها انة كلشي ما اعرف بهل سوالف

رامي: اللهم طولج ياروح شنو هالغباء مو كتلج اني اساعدج

اميرة: چا خوش انة اقرر واردلك الخبر

رامي: اتفقنا وهذا الموبايل شوية شوية اعلمج عليه
بس هسة كومي سويلي لكمة آكلها لان حيل جوعان وعندي تصوير الظهر

اميرة: يااا تدلل استاد من عيوني.
طلع هو صعد لغرفتة وانة رديت للمطبخ سويتلة أكل وجاي وحضرتة الة ع الميز وصعدت لغرفتة اندهة ينزل يآكل...
استاد الاكل جاهر تنزل جوة تآكل يو اجيبة الك ليجاي

رامي: لا دقايق ونازل.
اتصلت بصفاء نستعجل بتصوير اخر 7 حلقات لان بعد مينتهي تصويرها راح يتم زواج صفاء وعبير بعد شهر
نهيت المكالمة وياه
ونزلت للمطبخ
لكيت آشتي واميرة يتناكرن
ها خير شكو