اميرة: مشيت وندهني
ها استاد كول
رامي: شبيج كلبتي خلقتج 😡
اميرة: لا استاد هيج ماكو شي هسة اروحن اجيبن غيرة
رامي: اوكفي 😠
اميرة: عاط بية وانة تبسمرت بمچاني...
هل وكفت كول استاد
ونزلت راسي
رامي: انطيني الكوب
اميرة: اتفضل استاد هاذ الكوب
رامي: لزمتة ركعتة بالكاع
اميرة: المسودن اخذ الكوب مني وركعة بالكاع وتطشر الكزاز وتدمرت الكاع بالجاي وانة اصطكيت بمچاني ظليت اختض مثل السعفة
رامي: نظفي الكاع وجيبيلي غيرة
اميرة: بكلبي. يمن كون دهر فرك شلون متكبر وشايف روحك ع الوادم..
شجرالك ليش هيج سويت چا انة مو رايحة اجيبن غيرة
رامي: تقربت منها دفعت الكزاز برجلي عن طريقي وكفت كبالها
مو اني ألي تكلبين خلقتج علية مفهوم
اميرة: يخزر بية وانة طكت روحي منة
ظليت اعاين بعيونة ومانزلت عيني منة
يخزر بية واخزر بي....
وانة شسويتلك وهيج تتعامل وياي انت مامجبور تتحملني كثر الله خيرك من جبتني من الشارع لبيتك وانت ماتعرفني بس مامجبور تتحملني انة طالعة من بيتك ما ابقى وياك انت واحد مسودن وشايف روحك ع الوادم وماتنحمل ولا تنجرع
رامي: اتطاولت علية بالكلام حاولت امسك اعصابي لكن مو بأيدي
وهي تحجي وعينها بعيني ضربتها راجدي..
السانج اكصة قبل متفكرين تتطاولين علية
اميرة: ضربتي راجدي فر راسي فر رجال قوي وضخم وايدة ثكيلة وانة ناعمة ماتحملت طحت بالكاع ع الكزاز وتجرحت ايدي ورجلي ظليت ابجي واعاين ع الدم من كل كتر يخر
رامي: وكعت ع الكزاز ودخل الكزاز بأيدها ورجلها ما اعرف شنو اسوي للحظة حسيت نفسي اني غلطان
كعدت ع الجرباية ظليت اباوع عليها وهي تبجي وتباوعلي
اميرة: فوك مايساعدني ويعتذر مني كعد ع جربايتة بكل برود ويعاين عليّ وانة ابجي واعاين عليه
لملمت روحي وعدلت حجابي
ملابسي كلهن دم وحالتي حالة والوجع هاج علية من كل كتر
رامي: انقهرت عليها رحت عليها...
اسف 😐
اميرة: ليش هيج تكرهني 😭
رامي: كومي
اميرة: وخر ايدك عني انة اكومن
رامي: متكدرين خليني اساعدج
اميرة: كتلك وخر ايدك عني ما اريدك تساعدني انة اساعد روحي بروحي
رامي: لتعاندين 😡
اميرة:😳
سكتت ردت علينا خبالاتة احسن الي اسكت لا يروح يخلص عليّ...
النوب شالني وحطاني ع الكرسي مالتة مال غرفتة
يافشلة الفشلة صرت بنص هدومي زلمة يشيلني زحمة بس شسوي مسودن ما اكدرلة
أنت تقرأ
سرقت مالي وقلبي
Romanceهو شخص غامض متسلط وقوي وهي فتاة سارقة مشاغبة تجمعهم الصدفة لتلعب دورها فهل ياترى من سينتصر ؟؟
