رامي: تعاليلي للمكتب بسرعة
اميرة: الو ها منو يااهو هاذ منو انت
رامي: الله الله ع كمية الغباء العندج
اني استاذ رامي تعالي للمكتب بسرعة 😠
اميرة: ها اي اجيت اجيت لا تزمخ شمالك
لبست عباتي ورحت لهاي السكتريرة
اكلج خية هاذ راني دز عليّ اكدر اطبلة
عبير: اتفضلي ادخلي
اميرة: طبيت لغرفة الاستاد شني من غرفة غير تكتل كتل النوب هو داير ظهرة ع الشباج من ذيج الصفحة
ها استاد دزيت عليّ
رامي: افتريت عليها وحطيت رجل فوك رجل
اي نعم اتفضلي استريحي
اميرة: ها وين استريح ع الكاع
رامي: لا ع الكرسي
اميرة: ها چا خوش استراحينا
اي استاد شني شردت مني
رامي: شنو اسمج
اميرة: توك اتذكرت تسألني ع اسمي
رامي: مجان يهمني اسمج بس مادام انتي اهنا راح تشتغلين ضروري اعرف اسمج شلون اتعامل وياج اذا ما اعرف اسمج
اميرة: اي هم صكد
انة اسمي اميرة
اميرة منيهل دحام
رامي: اميرة بما انه انتي ماعندج اهل ابغداد وماعندج سكن تكدرين تبقين اهنا اكو غرفة متروكة بالشركة تكدرين تعيشين بيها الى ان اوضاعج تتحسن
اميرة: من كلي هيج چن صارن عندي جناحات وطرت من الفرحة من كد فرحتي ركضت ع الزلمة اريدن ابوس ايدة
رامي: استغفر الله هاذي مجرد مساعدة لوجه الله
اميرة: الله يستر عليك ويخليلك اهل بيتك والله جنت حايرة وين اولي وين انطي وجي فضلك هذا ما انساه طول ما انة عايشة
رامي: شكرآ
كمت وكفت ظليت افتر بالمكتب
بس اكو شغلة قالقتني
اميرة: شني هاي الشغلة لا يظل فكرك انة راح اسوي كل طلباتكم
رامي: مو هاي الشغلة
اميرة: لعد شني
رامي: اني اول مرة صادفتج تعرفين شنو الموقف كان بوقتها
اميرة: هااا افتهمتك استاد
كمت وكفت حطيت عباتي ع راسي
من هالناحية اطمئن انة تبت من ذيج السالفة
رامي: متأكدة
اميرة: اي چا شني اضحك عليك
رامي: راح اخليج تحت الاختبار لمدة من الزمن وبعدها اني اقرر اذا انتي فعلآ تبتي لو دتكذبين
اميرة: خايب شمالك قابل شراح ابوكن شكر يو ملح
رامي: بس اني حتى انطيج راتب تعيشين منة لازم اتعبج زيادة مو فقط جاي وكهوة
أنت تقرأ
سرقت مالي وقلبي
Romanceهو شخص غامض متسلط وقوي وهي فتاة سارقة مشاغبة تجمعهم الصدفة لتلعب دورها فهل ياترى من سينتصر ؟؟
