رامي: ما اعرف ما اعرف دخت معقولة هي ألي ماخذة الفلوس.
ظليت حاير اليوم كلة
ثاني يوم من الصبح اخذت السوار ورحت لبيتهم دكيت عليها مرة ومرتين وعشرة متجاوب
دزيتلها رسالة حبيبي اني جوة اباب بيتكم مشتاقلج اطلعيلي
بهاي الحالة متأكد راح تطلع
روان: جنت نايمة وفزيت ع رنة الموبايل كوة فتحت عيني دا اشوف منو داك علية
وكفت ع حيلي من شفت رامي يتصل بية
ظليت افتر بالغرفة ولشتي ترجف وعقلي يجيب ويودي لا بية اجاوبة ولا بية اغلقة ولا بية اسدة بوجهة بكل الاحوال راح يتأكد اني دا اشوف المكالمات
لهناك سكت الموبايل اجة اشعار رسايل كبل فتهتها قريت الرسالة اخذت نفس هدأت
الحمد لله مكاشفني واحتمال وكعت براس اميرة واتخلص منها ورجعلي
اي يرامي اصبرلي والجاي اقوى واحلى
راح امشيك ع عجين متلخبطوش
رحت غسلت وبدلت ورتبت نفسي وتعطرت ونزلت فتحت الباب
هلو حبيبي صباح الخير
رامي: صباح النور
روان: خير حبي شو جايني من الصبح هيج مشتاقلي
رامي: كوة ماسك اعصابي
ما اريد اتعصب واخسر كلشي...
اي حبي مشتاقلج
روان: اطمأنيت اكثر
اتفضل قلبي
رامي: زاد فضلج بس اني حاب اتريك وياج بمطعم حلو نعيد الايام الراحت اني كلش مشتاقلج ومتلهف لشوفتج
روان: صدك والله امووراه دقايق البس واجيك...
رامي: شيصبرني ع تفاهتج بنت ال...
استغفر الله ربي اذا يطلع شكي بمحلة معناها مصيبة معناها اني تهمت انسان بريء..
انتظرت بالسيارة
لحد ما اجتي
روان: ها حبيبي اتأخرت عليك
رامي: لا حبي عادي كل وقتي الج اليوم
روان: ياكلبي انت شذكرك بية اني حيل زعلانة عليك من ذاك الموقف
رامي: تحركت السيارة واني اسولف وياها ومن كد عصبيتي لازم الستيرن بقوة ما اريد افقد..
اعذريني حبيبي واني اليوم اجيت اعتذرلج لان انتي صح اميرة طلعت سارقة وسرقتني وانهزمت واني راح ابلغ عليها
روان: فرحت فرحة متنوصف يعني الخطة مالتي مشت صح واني صرت بعيدة عن الانظار والشك..
يااا صدك رامي ليش هيج مو كتلك من البداية ممرتاحتلها ومو خوش ابنية جنت تعاند
رامي: اسف حبيبتي بس اني كلت هي خلك خدامة شعندي وياها
روان: بس لتزعل مني انت جنت كلش منسجم وياها وهذا الشي خلاني كلش اغار وافكر أأذيها من غيرتي بس تركتها هي وربها
رامي: اهنا صار عندي دليل اقوى اغار وافكر أأذيها من غيرتي
اهنا لزمت راس الخيط
ظليت ساكت
روان: وين ماخذني متشوف ابتعدنا كلش
رامي: اي قلبي مو اني مكتلج المطعم شوية بأطراف بغداد مطعم جديد وراح تعجبج وجباتهم
أنت تقرأ
سرقت مالي وقلبي
Romanceهو شخص غامض متسلط وقوي وهي فتاة سارقة مشاغبة تجمعهم الصدفة لتلعب دورها فهل ياترى من سينتصر ؟؟
