سرقت مالي وقلبي

البارت 30 والاخير

ربي ساعدني اصحح غلطتي
خليها بطريقي خليني اعوضها واعتذرلها
ظليت افتر بشوارع بغداد واتلفت يمنى ويسرى حتى عيوني خدعتني مدا اشوفها مدا اعرف الكاها
كل الاعرفة لازم اوصللها لو يبقى اخر يوم بعمري هالحادثة خلتني اتعلق بيها بالزايد خلتني اشتاقلها اكثر واكثر
دخت وضاق نفسي اريد المحها شوفتها صارت حلم بالنسبة ألي
اجة ع بالي الولد ألي جانت تشتغل عندة من شفتها اول مرة
حست هذا أملي هذا ألي راح يوصلني الها رد ويمكن ميعرف عنها شي
اتهسترت ما اعرف شلون افكر واتصرف
دخنت جكارة ردت اعصابي تهدأ
هدأت بعدها توجهت للمكان ألي يشتغل بيه هذا الولد ما اندل محلة بالضبط بس مو مشكلة اسأل المهم اوصل لنفس المكان
وصلت للمكان ألي شفتها بيه اول مرة تذكرت كلشي ابتسمت سوالفها وعركتها هي والولد كدامي والسانها الطويل
ما اتذكر اسم الولد بالضبط بس اعتقد اسمة سعد اسعد سعدون هيج شي
نزلت من السيارة صارت دنيا الليل
ظليت اتمشى واسأل العالم عليه
الا ان سألت ولد شاب يطلع عمرة حوالي 17 او 18 سنة
دلاني ع محلة ألي هو كوفي شوب
دخلت للكوفي ادور ع الولد اي واخيرآ شفتة واخيرآ لكيتة
السلام عليكم

سعدون: عليكم السلام
اني شايفك كبل

رامي: اي نعم شايفني وشايفك بس اني اليوم جاي وقاصدك بخدمة

سعدون: كول اغاتي

رامي: خلينا نطلع برة نسولف

سعدون: نطلع ليش لا اتفضل

رامي: طلعنا برة اسولف وية الولد وعيني ع الشارع عسى ولعل الكاها..
تتذكر البنية اميرة ألي جانت تشتغل عندك

سعدون: استغربت من سؤالة.
اي نعم شبيها

رامي: عندك علم هسة هي وين

سعدون: ليش هالسؤال

رامي: هي جانت تشتغل يمي وصار خلاف بيناتنا وطلعت مني واني حاب اعتذرلها وارجعها

سعدون: هااا اهنا الحجي
خوية الله بالخير عليك عوف البنية بحالها وخليها تعيش كافي اذية

رامي: شنو قصدك انت تعرف مكانها

سعدون: لا ما اعرف مكانها بس هي ابنية وحدانية وحايرة بعيشتها شلك بيها اذا تريد وحدة تشتغل عندك اكو غيرها هواي

رامي: اخي اترجاك اذا تعرف عنها شي لتقصر وياية كتلك اني محتاجها حيل وعندي حجي وياها

سعدون: شنو اليضمن انت مراح تأذيها

رامي: اقسملك بالله مو نيتي أأذيها بس دليني مكانها

سعدون: زين زين هسة ما اكدر ادليك الوقت ميسمح واني اريد اعزل تجيني باجر الصبح الضهر ع حسب فراغك وادليك ع مكانها

رامي: وليش مو هسة اني كلش محتاج احجي وياها اليوم قبل باجر

سعدون: لا باجر افضل