سرقت مالي وقلبي

البارت 4

اميرة: ها اي خوية حقك يلة كايمة كايمة
لميت عباتي ولبستها وظليت افر بذني وين انطي وجي يربي ماكو غير اروحن لهذا المنغولي اباتن يمة بس شلون وشكلة هم تعال بيتني الليلة
ياااا والله زحمة
دخل اروحن ويحلها الف حلال
وصلت البيت ودكيت الباب محد فتح
وسمعت صوت الجلب ينبح بادن رجلية لا يروح يسويلي سالفة
خليت ونمت اباب البيت

رامي: بعد العمل الشاق رجعت للبيت نمت
كالعادة وقتت الساعة ع ال 6:30 قبل ما انام
دكت الساعة بس مابية حيل اكوم طفيتها ورجعت نمت
بعد مدة قليلة دك جهازي
بصوت مبحوح
الو

روان: الو صباح الخير حبيبي شنو بعدك نايم

رامي: صباح النور اي بعدني

روان: حبيبي حابة اشوفك اليوم حتى نتفق شوكت نبدل السيارة

رامي: ما اكدر اليوم عندي شغل وتصوير من اتفرغ احدد موعد ونلتقي

روان: يعني شنو راح ابقى انتظرك لحد متتفرغ متطلع هاي رامي اني مليت من هالوضع

رامي: عندي شغل وتأخرت لازم اكوم احضر نفسي من اتفرغ اتصل عليج
باي...

روان: لك الله ياخذك ع برود الاعصاب العندك
روح يطبك طوب عساك متفرغت.
شغلت سيارتي ورحت لشغلي

رامي: بعد هالمغثة من الصبح بعد مالي نفس اكمل نومتي
باوعت الساعة صارت 6:46
كمت من فراشي سبحت بدلت تريكت اخذت غراضي وطلعت
المفاجئة جانت اباب البيت الخارجي

اميرة: فزيت ع صوت هورت السيارة
خايبين الله لا ينطيكم فززتوني
بعيوني النوم كعدت ربطت عصابتي واحاول اشوفن من كبالي
هاذ ياهو

رامي: نزلت من سيارتي وكفت كبالها ..
شجابج اباب بيتي

اميرة: ها استاد صبحك الله بالخير..
كمت وكفت ع حيلي وانكت بعباتي واسولف وية الزلمة

رامي: صباح النور كتفت ايدي
مجاوبتيني

اميرة: سالفة طويلة وانت عندك شغل من ترد تلكاني بنفس المچين واسولفلك سالفتي

رامي: سؤال جاوبيني عليه
شجابج اباب بيتي

اميرة: ألة اكلك انة صفيت بالشارع لا بيت ولا اهل ولا فلوس ماعندي مچين انامن بي
ونمت غاد من بيتكم وندهني زلمة مثل وجك كلي ممنوع تنامين بهل مچان وانة حرت وين انامن ودكيت باب بيتكم بالليل ومحد فتحلي وجلبتكم نبحت بوجي خليت ونمت اباب بيتكم عبن انة ما اندل احد بهل ديرة كلت احسن شي انامن اهنا وهسة انة رايحة لا يظل فكرك

رامي: قصتها عجيبة غريبة عندي فضول اعرف شنو قصتها وبنفس الوقت ماعندي مزاج استمعلها....
اي وهسة

اميرة: يباوعلي بنص عين والله شايف روحة هالزلمة..
هسة انة رايحة اشوفن جارتي

رامي: اصعدي للسيارة