هيامي وعشقي

البارت الخامس عشر

هيام

الصبح حسيت على ثقل فوكايه  وبوسات تتوزع على خدي ...ووجهي ...اريد اتحرك مااكدر لمساته صارت جريئة اكثر ...
هيام _ يوسف الله يخليك نعسانه بعدني ماشابعة نوم
يوسف _ انتي ابقي نايمه ماعليج ...صارلي سنه متعذب من وراج وتكوليلي نعسانه ...لاتخليني اتهور ومااخليج تطلعين من باب الغرفة ....
هيام _ انت حباب ماتسويها ....عفية بس انام شويه
بس هو ابد ولا كانه احجي وياه ......سحبني وكلبني على ظهري ...واخذ شفتي ويبوس بيه ..
بوساته جانت عنيفة ...حسيت بشفتي راح تنشلع ....حسيت عض شفتي صيحت ....ردت اوخره عني مااكدر ...لزم ايديه قوي بايده واتقربلي ......بشكل اعنف من قبل.......... وورا ماخلص ...دموعي نزلت كمت ابجي .....اجا يمي كعد بصفي خله ايده على جتفي وضحك
يوسف _ هاي شبيج ....هاي اول مرة اشوف وحدة تبجي .ورا.............هاي الونسة
قربني منه اكثر وباس راسي ...وضحك مرة لاخ وكال
يوسف _ يلا كومي بلا دلع خلي نسبح ونروح نتريك كلش جوعان .....احس روحي اليوم عريس وبصباحية العرس .
نزلنا حضرت الريوك ويا عمتي ....وكل شويه يوسف  يتشاقى ويا مصطفى واحسه كلش سعيد ....جنت احس هاي الفرحة والسعادة ...تبرد كلبي وتخليني سعيدة لسعادته اتمنى اشوفه بقمة سعادته ...
حتى عمتي حست بيه منطلق اليوم زايد
ام يوسف _ اشوفك اليوم ...منطلق وفرحان ..ربي يسعدك ياعريس .      هو باوعلي
و غمزلي بعينه .....اني ابتسمت من خجلي مااعرف شاسوي ...حاولت اشغل روحي ..واغير الموضوع سالت  واني موجهه كلامي للكل
هيام _ منو يريد جاي اصبله
عمتي قاطعتني
_كعدي انتي اني راح اصب
سرى _ احس اليوم ماادري هذولة الاثنين مدللين زايد عن اللزوم اني بديت اغار .
ام يوسف _ لا تغارين حبيبتي باجر عكبه تتزوجين واتدلعي واتتدللي براحتج
سرى _ يارب بس هو وينه
خنزرها يوسف
_ ولج انتي ماتستحين تحجين هالحجي كدامنا
سرى _ وليش استحي اكو احد غريب بيناتنا  ماكو
حلا _ اني اتاخرت على المدرسة والسايق مال الخط اليوم مايجي  منو راح يوصلني
مصطفى _ اني راح اوصلج الاول وبعدين راح اوصل سرى وهيام .
يوسف _انت اخذ سرى بس وياك ...هيام اليوم ماتداوم راح اخذ هيام وامي عدنا مشوار طالعين
مصطفى _ اي خير انشالله يلا كومي حلا .
استغربت ....صارلي سنه كاملة ماطالعة ويا يوسف ..هزيت راسي وايدي متسائلة وين نروح
جاوبني _ اعرف الفضول يقرا عندج الف هسة
اول شي راح نروح نتسوك اني وياج وماما اني اعرف مامتسوكين من زمان ....وبعدين راح نروح ..اشوفكم البوتيك اللي دايشتغلون عمال الديكور بيه . امه كلش فرحت ....وبوسته من خده
_ ربي يبارك بيك ويوفقك ويوسع رزقك ويصير قدم سعد عليكم والسنه الجاية اشوف بحظنكم طفل .    بوس ايد امه وباوعلي ...وكاللي
_ وانتي ماراح تباركيلي ....
خجلت من حجيه واني زين اعرف شيريد ابتسمت وكلت
_ الف مبروك وانشالله تشوف كل الخير
يوسف _ مبروك على الناشف مايفيد . خنزرته واني ااشرله بمعنى عيب
هيام _ يوسف .
ام يوسف _ لاتخجلها يوسف انت ماتعرف زوجتك اشكد خجوله ....اصلا ابد ماتشبه بنات هالوكت ...اني اول ماتزوجتوا جنت ماخذة غير فكرة عليها عبالي سكوتها ..وهدوءها تكبر وغرور .بس بمرور الايام عرفت معدنها الاصيل
والله يبارك بالبطن اللي جابتج وربتج فعلا وردة مال الله .
يوسف باوعلي بفخر وحب وابتسم وكال
_ ماما لاتغيرين الموضوع.....اني زوجتي وزين اعرفها بس ماتنازل عن حقي ....مبروك على الناشف مااريد
ام يوسف _ خوش لعد راح اطلع من المطبخ واخذي راحتج كومي بوسي لرجلج وباركيله
عمتي طلعت من المطبخ وسرى جانت طالعه قبلها تبدل
كمت مجبورة واني الخجل راح يموتني ...اقتربت من عنده ...وبسته من خده ....سحبني لحظنه وكعدني على رجليه وهو يكول
_ شنو هالبوسه الاخويه مامقبوله ...
_ عيب يوسف احد راح يجي ...يشوفنا
_ خلي يشوفنا قابل شنو انتي زوجتي مو غريبة
اخذني بحظنه وبوسني وكال
_ يلة كومي روحي بدلي خلي نطلع .

طلعنا اني وعمتي ويوسف للمول  واشترينا هوايه غراض ...وجان يوسف كل مايعجبه شي يخليه بالسلة ...ورا ماخلصنا مسواك اخذنا للبوتيك مالته جان العمال يشتغلون بيه جان كلش جبير  وكام يشوفنا ..ويكول هنا ركن الاحذية وهنا ركن الملابس ..وراح يوظف مجموعة من الشباب والشابات وراح يخلي محاسب ...وهو ماراح يكون متواجد ...
خلصنا كلشي ورجعنا للبيت جانت الساعة بالثلاثه ...جاب يوسف غدا جاهز وياه همين
وصلنا للبيت جانت حلا بالمطبخ راجعة من الدوام وعلى ماجهزنا السفرة دخلت سرى ومصطفى ..اتغدينا سوا ...صارلنا فترة هوايه محرومين من هاللمه والراحة .

ورا يومين طلبت من يوسف اروح ازور بيت اهلي وطلبت تجي ويايا سرى ......لان اخويه اياد الضابط من يوم اللي شافها لسرى بالمستشفى والمرتين اللي زارنا بيهم وهو معجب بيها وطلب مني اجيبها ويايه حتى يفاتحها بموضوع الزواج  وافقت وفعلا رحنا لبيت اهلي جانت زيارة قصيرة ...وماخليت اياد اخويه يستفرد بسرى لان اعرف اخويه مو راحة خليته يحجي وياها  كدامي ....بس سرى خدودها صارن حمر من الخجل وطلبت من عدنا نخليها تفكر فترة .....جنا رايحين العصر ماما لحت علينا نبقى للعشا وماكدرنا نبقى وصلنا اياد بسيارته لبيتنا وبعدين راح .

جنت احس بسرى مياله لاياد اخويه ومعجبه بيه بس سرى كلش كتومه اتوقعت ورا يومين تجاوبني بالموافقة ...وجنت خايفة من رد فعل اهل سرى امها واخوانها ياترى يوافقون لولا ...

************

يوسف
اكثر من سنه مرت على الحادثة اللي غيرت كل حياتي .....ومن اليوم اللي رجعت من السفر ..واني مشتاق لحظنها ...هيامي وعشقي كله ....اشوف بعيونها كل الحب واللهفة اللي اريده ومن اريد اتقرب منها ...تراوغني وتحاول تشغلني ....ومن  انام وياها ...تبجي وتبتعد صحيح اني بالفراش مرات اكون عنيف ..وياها وااذيها بس هذا موسبب يخليها تتصرف هيجي .

وذاك اليوم دخلت الغرفة ..جانت داترتب بالملابس مالة الكنتور ....جانت لابسة بنطلون جينز وتيشيرت وردي البنطلون جان لازك على جسمها وشعرها جانت شادته ذيل حصان ليورا ...اقتربت من عدها لفيت ايديىعلى خصرها   مديت ايدي فكيت الشريط اللي جانت لافة بيها شعرها ونزل شعرها كله ...حاولت تفلت من عندي داتجر ايدي حتى ابعدعنها
شددت ايدي على خصرها ولفيتها اليه وكلتلها بكل برود
يوسف _ ليش داتحاولين تستفزيني ....خليت ايدي على شعرها وشديتها اليه بقوة وطبقت شفايفي على شفايفها .....اندمجت ويايا ...ابتعدت شويه عن شفاهها    وهمست باذنها _ بوساتج لذيذة ...مثلج ..مااشبع منه
ضحكت ....ضحكة طفوليه وهمست باذني
_ اشكد صاير منحرف ....
_ وشكو بيها خلي ننحرف مادام الانحراف هلكد حلو .
_ يوسف
_ عمره
_ اكو فد موضوع اريد احجي بيه وياك  .جاوبني
_ الدنيا ربيع والجو بديع قفل لي على كل المواضيع ......جرني وياه وهو يغني ...وذبني على الفراش .