هيامي وعشقي

البارت السادس والعشرون

هيام

دخلت جوا شفتها لرهف بحظن امي ...اخذتها وبوستها وطلعت الفستان جان وردي وكلش حلو جان ويا الفستان طاك وردي وحذاء وجواريب ..ويوسف من اليوم اللي تطلكنا هو يدز فلوس بيد سرى علمود الحفاظات والحليب والمستلزمات الاخرى هو الصراحة ابد مايقصر ويا بنته ...هيفاء وماما واني اتخبلنا على الفستان كلش حلو اخذتها لبنتي وديتها للحمام وسبحتها ...ولبستها الفستان وخليت الطاك واحذاء كلشي كمل وطلعت تجنن وهي مدنفشه وعيونها ملونه وبيضة ...

حضرتها حتى يجي ابوها ياخذها خابرت سرى كلتلها رهف جاهزة حتى تجي تاخذها
ورا ربع ساعة اجتي سرى واياد ...اياد اخذها من ايدي
اياد _ واي شنو هاي الدنفوشه اليوم اريد اكلها ...ربي ارزقني وحدة مثلها
سرى _ منين تجيلك وحدة مثلها واني سمرة وانت حنطي .
اياد _ مو شرط ...انتي كعدي كابلي رهوفة من تحملين راح تجيبين وحدة مثلها .
اخذوها وطلعوا ...وكلتلهم صوروها هواية بالحفلة ودزولي الصور
همستلي سرى باذني
_ ماتريدين اصورلج ابوها
_عابتلج ....يلة روحي روحي لا ابتلي بيج .

ورا ساعتين
دزتلي سرى صور رهف وحدها وراها دزتلي صور رهف ويا ابوها ....جانو كلش حلوين تمنيت اكون وياهم بس .
خابرتني سرى ...
_ هلو هيومه
_ هلو سراوي
_ عجبتج الصور ..مو
_ اي عجبتني عاشت ايدج
_ احنا جايين بالطريق ورهف نايمه بحظني تعبت هوايه ..واتونست هواية وهي جاية ومحمله بالهدايا من كل صوب وحدب
_ هههههه اي خوش واني انتظركم .
ورا ربع ساعة تقريبا وصلو ركضت للباب اتلكيتهم اخذت رهف من عدها .....ودخل اياد وهو شايل ...الهدايا وخلاها على الميز اخذت رهف لغرفتي تبعتني سرى لغرفتي ...خليت رهف بفراشها ...شفت سرى ورايا ..
_ خوفتيني ...هاي شبيج ورايه ،
_ عندي سؤال يطرح نفسه ...اشوانتي ضعفانه وطالعلج كرش صغير شنو الموضوع صارلي اسبوع محيرني هالسؤال
_ اني حامل ارتحتي

اشو هاي كامت تكمز وتهلهل ....لزمتها من حلكها اسكتها
_ولج سكتي لخاطر الله ماحد يعرف انتي اول وحدة عرفتي .
_ وناويه ماتحجين والله اموتج
_ الله عليج كافي لا تخليني اتندم من كلتلج
_ ماشي ماشي اني رايحه
طلعت سرى  من غرفتي غطيت رهف ...ونزلت حتى اودعهم ..
جانو بالصالة سالتهم
_ اسويلكم جاي لو كهوة    جاوبني اياد
_لا مااريد شي اريد ارجع للبيت تعبان
كام من مكانه ولزم ايد سرعى وودعوني وطلعوا .
طلعت لغرفتي ....دخلت فراشي وكمت اكلب بالموبايل ...اباوع للصور اللي دازتها سرى والصور القديمه اللي تجمع بيني وبين يوسف .

   ********))))))
مر يومين على العيد ميلاد ....الصبح جنت مشغولة ااكل رهف سيريلاك ..دك تلفوني باوعت شفت ..المتصل يوسف  ..خليته على الصامت ..ومااهتميت ..ورا شويه اجتني رساله  فتحت الموبايل ..( هيام اريد احجي وياج ضروري ...وين اكدر اشوفج ....واذا ماجاوبتيني خلال ربع ساعة اكون يمج .
عرفت سرى ماضامه عليه حملي وكايلتله
كتبت رسالة اله
( انتظرك بالبيت  او ببيت اياد اخويه ..مااكدر اطلع برة واعوف رهف ماما راح تطلع للسوك
خلال ثواني جاوبني
( اوكي مسافة الطريق وجايلج )
اقتربيت من ماما
_ ماما اريد اكولج فد شي
_ اتفضلي حبيبتي
_ يوم اني حامل وبالشهر الرابع .....
_ صدك  بنتي والله جنت شاكه بيج ايا ملعونه جنتي مخبيه عليه اني امج
_ قبل ايام رحت فحصت يم هند ماجنت متاكدة وسرى قبل يومين عرفت يمكن كايله ليوسف ..هسة هو جاي هنانه يريد يحجي ويايه
ماما مااعرف شاسوي حايرة ...من جهة احس نفسي مااكدر اعيش من دونه ومن جهة كرامتي ماتسمحلي ارجعله .
حظنتني ماما من شافتني ابجي ...
_ بنتي خليها على ربج ..وماطول ربج خلق بداخلج هالطفل معناه رايدلج الخير ومارايدلج التعاسة ..الرجال اعرف بيه يحبج وانتي تحبيه
والانسان مامعصوم من الغلط واني اللي اشوفه زوجج اتعلم من خطأه ...انطيله فرصة واحجي وياه ...واني طالعة للسوك وماراح اطول ...واذا تحبين ابقى وياج
_ لا ماما اخذي راحتج .ماكو داعي
وقبل مانكمل حجينا سمعت جرس الباب ماكو احد بالبيت بس اني وماما ...بابا طالع برة وتمارا رايحة بيتةاهلها واحمد بالشغل ...فتحت الباب جان يوسف ....رحبت بيه ودخلته الاستقبال
جتي امي هم رحبت بيه ...سالته
هيام _ تشرب جاي لو كهوة ؟
يوسف _ مااريد شي بس اريد احجي وياج كلمتين ... اترخصت امي من عدنا تروح للسوك وطلعت ...جبت رهف من المطبخ ...واخذها يوسف مني وخلاها بحظنه يبوسها ويحجي وياها ...
كعدت كباله اريد اسمع حجيه ..ومن شافني كعدت
_ مبروك على الحمل ....اشلون نطاج كلبج ماتكوليلي وتبشريني
_ اصلا اني عرفت بيوم عيد ميلاد رهف ....وحتى لاتكول ماكلتلي الطفل اللي ببطني ولد سويت سونار هم
_ يالله ...الحمدالله بس انتي هسة بياشهر
_ بالرابع
_ وهسة ماناويه تحنين عليه وعلى بنتج وترجعين   ترة اني هسة اكدر  ارجعج بكلمة مني لان انتي بعدج بالعدة ....بس اني اريد ترجعيلي وانتي راضية ...راح يصيرون طفلين ياظالمه ...اشلون يجيج كلبج تربيهم بعيد عن ابوهم .
_ وشنو اللي يضمن لي من ارجع ماترجع لسوالفك
_ صدكيني هيام اني اتعلمت من الدرس ....العيشة بدونكم ماتنراد الموت اهون لي .
_ خليني افكر ....
ابتسم وهو يشوفني لنت .
_ الج يومين بس وراها تنطيني قرارج
اقترب مني حاوطني بذراعه وطبع بوسه على راسي وانطاني رهف وكام من مكانه
_ اني اترخص وانتظر منج تلفون .
وصلته للباب وقفلته وراه .