هيامي وعشقي

البارت السابع

هيام
وفعلا ورا نص ساعة رجع بابا واحمد ......جان احمد وجهه شاحب ومبين عليه الخوف ....والدي خبرنا بانه صاير التباس بالاسامي ...وخلصت الشغلة على خير ..
استاذنت من والدتي بانه راح اطلع ويا سرى للمكتبة عدنا بحث ولاول مرة دااكذب على ماما طلبت مني انه واحد من اخواني يوصلني ...كلتلها سرى راح تجي ويا السابق عليه
صدكتني ورحت بدلت لبست فستان ناعم ونزلت شعري مثل ماهو ...وبقيت انتظر اتصال من يوسف ....ورا لحظات اجتني رسالة
( السايق دا ينتظرج على الشارع العام )
ودعت امي وطلعت مشيت لحد الشارع العام شفت سيارته المظللة ...فتحلي السايق الباب وركبت ليورا
وصلنا للمطعم ...نزلت وماان دخلت باب المطعم رحبوا بيه بشكل مبالغ واشرلي واحد حتى يوصلني للمصعد ....دخلت المصعد وصلت للطابق المطلوب انفتح الباب شفت يوسف كاعد بنفس المكان ...المكان جان خالي بس هو كاعد ارتبكت وتملكني خوف مو طبيعي وحسيت بمغص وبرودة ....اقتربت جان لابس قميص ابيض ويباوعلي بنظرة انتصار على تحدي ...جان مبين نازع جاكيته ...ياربي شنو هالجمال اللي عنده .
من شافني اقتربت كام على حيله ومدلي كرسي حتى اكعد
يوسف _ اهلا بيج هيام اشلونج
هيام _ الحمدالله
كعدت وبعده الخوف متملكني ....اجا الكابتن ...وسالنا شتحبون تطلبون ...باوعلي يوسف وهز راسه بمعنى الاستفسار شتريدين ...حسيت ريكي ناشف كتله
_ اي شي بارد ماي اوعصير بس اكل مااريد
طلب يوسف اليه عصير وطلب لنفسه فنجان كهوة ...وكالله حاليا نكتفي بهذا ..
يوسف _ اتفضلي اني دااسمعج طلبتي نحجي واني هسة دااسمعج
هيام _ بس اريد اعرف وافتهم انت شرايد.مني بالضبط
يوسف _ اني سبق وكتلج اريد نتعرف على بعض نطلع ونطب ونحجي ...سوية
هيام _ واني اكولك يوسف اسمعني اني افضل الموت على ان انزل راس اخواني ...حتى لو بعلاقة بريئة ...وياك ...
يوسف _،يعني انتي هسة دا تتحديني ودا ترجعين لنفس النقطة
هيام _ اني ماجاي اتحداك يوسف ..افهمني ...انت تقبل على اختك تطب وتطلع ويا واحد بحجة يتعرفون على بعض
يوسف _ هيام سمعيني زين انتي لاتظلين تلفين وتدورين وتلفيها عليه انتي جايه هنا اليوم حتى نتوصل لحل ولاتفاق
هيام _ صدكني قبل ماتفذ تهديداتك تلكاني اني كاتلة روحي .
يوسف _هلكد كارهتني .
هيام _ المسالة مو مسالة كره ....المساله مااريد اخيب امل اهلي بيه الموت اهون من ان انزل رووسهم واني ماعندي شي من الدنيا اغلى من سمعتي وشرفي
يوسف _ وشنو الحل برايج
نزلت راسي واني محرجه وخجلانه من الحجي اللي اريد احجيه
هيام _ تخطبني رسمي او تعقد عليه ويكون طبتنا وطلعتنا عاديه ونتعرف على بعض اكثر ..
وبعدين ان حبينا نكمل او ننفصل

باوعلي بنظرة غريبة وضحك ...وهز راسه
يوسف _ واني موافق
النادل بها الاثناء جاب العصير والقهوة
اني ماجنت متوقعة منه راح يوافق
حسيت براحة نفسية ماجنت اتصورها رغم انه ضحكته اللي ضحكها حسيت بيها استهزاء بيه
وبكلامي بس اني ارتحت نوعا ما لان راح اخلص اخواني من مشكلة جبيرة ...ومااعرف بخطبتي منه راح اذب روحي بجهنم لو بالجنه ....مااعرف عقلي مادا يستوعب شي
ارتشفت العصير ...شوية شوية وطلبت منه اترخص اروح حاول هو يبقيني نتغدا سوا رفضت طلعت لكيت السايق ينتظرني برة
ركبت السيارة ورجعت على البيت.

دخلت البيت سلمت على امي وصعدت لغرفتي شفت هند كاعدة دا تقرا سلمت عليها وجاوبتني _ اهلا هيام اشبيه وجهج اصفر خو مو مريضة صار لي يومين دااشوفج مووتمام
هيام _ لا ماكو شي يمكن مستبردة ...اشو انتي حتى بالعطلة تقرين
هند _ شاسوي موادنا صعبة ...ولازم اتحضر للسنه الجاية .
حسيت نفسي مصدعة اخذت حباية باراسيتول وكبل للفراش .

يوسف

كل يوم اتفاجأ اكثر بتصرفاتةهاي البنية الماخذة عقلي وكياني .....راح اخطبها واطلع وياها براحتي ....واطفي ناري ...واعيد اكتشافها من جديد .....اني بالنسبة الي المرأة كائن غامض ماتعرف اللي بداخلهةالا لما تتقرب منها هوايه
واني مرن عليه نسوان اشكال والوانوبس مثل
هيام ماشفت .
دخلت للبيت شفت سرى وماما كاعدين بالصالون ولاول مرةةاشوف ماما بالبيت مو من عوايدي اشوفها هواية بالبيت سلمت عليهم جاوبتني ماما بس سرى ماجاوبت ورادت تطلع زعلانه
يوسف _ سرى وين رايحة تعالي عندي موضوع راح ابلغكم بيه . اندارتلي ورجعت مكانها
ام يوسف _ خير ابني شكو
يوسف _ يوم اني قررت اخطب
ام يوسف _ يوم المنى ابني تستقر وتتزوج بس غير نعرف منو هية
يوسف _ هي تصير هيام صديقة سرى بالكليه
سرى من فرحتها ودهشتها ماعرفت تعبر
سرى _ ،صدك اخوية لو دااتتشاقى
ام يوسف _ سكتي سرى انتي اللخ منو هي ومنو اهلها واصلها وفصلها غير نعرف يله ....عفت بنات الحسب والنسب وعفت دكتورة مثل الورد ...وتريد تتزوج وحدة مانعرفها
يوسف _ يوم اني ماجاي اخذ رايج اني جاي ابلغج ...وراح ناخذ موعد من عدهم حتى نروح نخطبها .
ام يوسف _ اني هالشي  مايصرفلي راح اخابر ابوك يشوفله صرفة وياك ...
يوسف _ كيفج يوم اني بلغتج .
طلعت غرفتي صار لي فترة قافل بيتي لان بعيدة على محل شغلي وعلى بيت اهلي واني ناوي احتمال ابيعه ....بدلت ملابسي واتمددت على فراشي جسمي تعبان ومحتاج انام ....شوية واغفى رن تلفوني .... اخذت تلفوني ...والدي ....اكيد ماما مخابرته
يوسف _الو هلو ....اشلونك
ابو يوسف _ اهلا ابني ...صحيح اللي سمعته ....اخيرا راح تستقر وتريح بالي .
يوسف _ اي صحيح بابا ومنو سعيدة الحظ ..نعرفها
يوسف _ مااتصور هي صديقة سرى
ابو يوسف _ ماعليك بحجي امك ابني المهم البنية خوش ابنية وعاقلة واكيد حلوة انت ابني واعرفك زين
يوسف _ اكيد ...اكيد...... هسة اني نعسان اريد انام ومن اشوفك نحجي بالتفاصيل .
ابو يوسف _ اوكي ماشي .