هيامي وعشقي

البارت التاسع عشر

يوسف
من اخر مرة اتعاركنا بيها وصار اللي صار واذيتها هوايه ...كامت هيام تتجاهلني وتنام وحدها على القنفه اني الصراحة خليتها على راحتها  ..رغم مرات استفزها ..واحرك اعصابها بس هي ابد ماتجاوبني ... اني اعرف مو ذنبها هذالرجال اللي بلا اصول اجا وسلم علينا بالمطعم. بس ان_ي الغيرة عمتني .. حاولت امي هواية وياية حتى تخليني اصالحها بس اني كل مرة اكوللها انتي ابد لا تتدخلين .
دخلت الغرفة شفتها جانت طالعة من الحمام ودا تنشف شعرها ....كملت السشوار وطفته ...راحت على القنفة وبيدها موبايلها ..انشغلت بالموبايل ...اقتربت من عدها  وكفت يمها لزمتها من ذراعها وشلتها ووكفتها كدامي
_ مو كافي صارلج جم يوم مطنكرة وكالبه خلقتج ؟
جاوبتني وهي تتجاهل نظراتي
_ عوفني بحالي معليك بيه .
_ باوعي بعيني من تحجين ويايه
رفعت عيونها تباوعلى وتريد تفلت ذراعها من عندي
_ هسة انت شتريد من عندي مو كافي اللي سويته بيه
_ اريد تجين تنامين يمي ....وبحظني
_ اني مااريد هو غصب
_ بنت الحلال لاتعانديني
.
ماخليتها تكمل حجي شلتهتا وخليتها على السرير.....وماانطيتها مجال ...اخذتها بحظني وبوستها ...جانت تتجاهل بوساتي وتتمنع عني بدلال هذالشي ثارني وهيجني اكثر  ....مديت ايدي جو التيشيرت تلمست بشرتها الناعمة عبالك بشرة طفل ...وخرت شعرها عن ركبتها وانتقلت شفاهي لركبتها ...جنت عطشان ....ردت ارتوي جسمها ارتخى بين ايديه ...وتجاوبت ويايا  ..حسيت ملكت الدنيا ضميتها لصدري بقوة غبنا بغير عالم ونمت وهي جانت باحضاني

*********
هيام
الصبح كمت من النوم واني بحظن يوسف محاوطني بذراعاته اريد اتحرك مااكدر
_يوسف ...يوسف اريد اكوم .
فتح عيونه ....اه من عيونه ساحرتني عيونه حتى وهو توه كاعد من النوم ....
يوسف _ صباح الخير على اجمل هيومه شافتها عيني
_ صباح النور حبيبي ...اريد اكوم
_ ماكو ماتكومين  .رجعي نامي بعد وكت
_احبك
_ واني اموت عليج من تكونين هاديه وعاقلة
_ يعني اني غير وكت مخبلة
_ يعني .....مرات
ضربته على صدرة
_ لا لا كافي اني مخبل .
كعدت واني افك روحي منه  وكلتله
_ اوعدني بعد ماتاذيني ..ومايتكرر اللي سويته ذاك اليوم ...
_، اوعدج .وانتي اوعديني لاتطلعيني عن طوري
_ هو انت اساسا مخبل بعد شكووو
ضحك وشفت ضحكته الحلوة .
ردت اكوم من مكاني لزمني من خصري ورجعني لحظنه
_ وين رايحة بعدنا ماكملنا

****************
هيام
ورا ايام قرر انه يسافر عنده شغل ....بايطاليا ...وجان يحب اروح وياه بس اني ماعندي فيزة والشغلة مالته مستعجلة مو مال ينتظر على مااحصل فيزا ...ووعدني انه من يرجع نروح سوا  لتركيا قبل مايبدي الدوام ...
وفعلا سافر ...وكال حسبة خمسةايام ويرجع
واول ماراح للمطار ويا مصطفى كلبي انقبض .
وحسيت بنغزة بصدري ...حاولت اشغل نفسي باي شي ....اسوي معجنات... مرات اشغل نفسي بمواقع التواصل ..الفيس والسناب ...اني موكلش احب اشغل نفسي بيها دورات تمر اسبوع واني مافاتحة  الفيس .....شفت جايتني طلبات صداقة ....صار اكثر من ثلاث تيام شفت وحدة منالطلبات من صديقة اليه من ايام الدراسة ...اسمها سماح ..وافقت على الطلب فتحت الطلب الثاني جان من لؤي ....استغربت ..ومااعرف ارفض لو اوافق على الطلب ... بقيت محتارة بالطلب ....واخيرا قررت انه اوافق وفعلا وافقت على الطلب .دخلت صفحته شفت صوره وصور بنته .
مرت الايام بطيئة .
واخيرا رجع يوسف من سفره ...الفرحة ماتوسعني جنت مشتاقة له ..اني ماتحمل بعده عني يوم واحد ...هو هم جان مشتاق ..ورجع وجان جايب لنا كومة هدايا ...لكلنا ..جان جايب هديه حتى لامي وابويه ....
واتحدد عرس سرى واياد اخويه انشغلنا بالعرس وكان عرس خرافي مايقل عن عرسي ....
اتونسنا هوايه واخذنا صور ..وسرى جانت طالعة تجنن واخويه فدوة اروحله ماشالله عليهم ...ورا ماخلص العرس وصلناهم لبيتهم ....والصبح راح يطلعون شهر العسل للبنان ...
رجعنا للبيت ...اني وعمتي ويوسف ومصطفى
ومن وصلت ذبيت جنطتي وموبايلي على السرير وركضت للحمام اريد اسبح ....بماي حار ازيل التعب عن جسمي ....كملت لفيت البرنص عليه وطلعت من الحمام شفته ليوسف بعده بملابسه ...وكاعد على السرير ولازم موبايلي بيده وعيونه تذب شرار....من العصبيه ...وكفت ..هو كام من مكانه ودايشوفني الموبايل ....
_ شنو معناها هالرسايل ....اللي دازها الج هذا العار ومن ايمتى .....هو صديقج بالفيس ....ياربي مااعرف عن شنو يحجي ..اتلعثمت من خوفي .
_ انت ..ع..ن....شنو داتحجي ...اهدا شويه خلي افهم من عندك ..الله يخليك
_ يعني ماتعرفين شنو الموضوع ....دازلج طلب صداقة وموافقة عليه ...ودازلج كومة رسايل ........ومو بعيده جنتي متواعدة وياه ذاك اليوم بالمطعم ....ضربني راشدي ...طلع دم من خشمي .....لزمني من شعري ..وقربني منه
_ شنو اللي بينج وبينه احجي
_ صدكني ولاشي ..بس مجرد دز لي طلب صداقة ووافقت .
وهاي الرسايل هسة يلة اشوفها ....والدليل شوف مامجاوبه عليها
_ تخابريلي هسة هذا العار ...اشوف شديريد
_ ماعندي رقمه صدكني ....
دفعني للكاع   ووكعت ...وكام دايدور بالموبايل على رقمه ...ودايدور بالرسايل .....اني حاولت اكوم اروح على الحمام ...فتحت الباب وداريد اقفله ...فتح علي الباب قوي   انضرب وجههي بالباب قوي ووكعت وانضرب راسي بحافة المغاسل .....وانغمى عليه و ماحسيت بشي .
فتحت عيوني واني بالمستشفى وعمتي ومصطفى كاعدين يمي ...الدموع انترستذ بعيوني ومااكدر احجي
_ اشلونج بنتي ....شنو اللي صار ليش هيجي
ماكدرت اجاوبها احس بضيق بصدري داتخلي حتي انفاسي تضيق......جاوبتها بصعوبه
_ وينه يوسف اسالي ...يوسف
_ يوسف الطبيب يكول لازم يسوي تقرير للشرطة ...مادا يصدكون هو حادث ....بنتي بس كوليلي الحقيقة شنو اللي صار

ماكدرت احجي بس كلتلها 
_اسالي يوسف ..
انتظرت يجي يوسف ..ومااجا ...الطبيب اجا سالني على الحادث ...كلتله مجرد حادث وكعت بالحمام
كتبلنا الطبيب على الخروج ....خابرت على احمد اخويه يجي عليه ...استغربت عمتي .....كالتلي
_  ليش تخابرين احمد بنتي لاتكبرين الموضوع اني اعرف صاير مشكلة بيناتكم
بهالاثناء دخل يوسف ...وكانه سمع بحجينا ....
_  يوم ...عوفيها خلي تروح ترتاحلها فد يومين وترجع
باوعت عليه ...ماعنده وجه حتى يباوعلي وظل متجاهلني

**********
واخيرا رجعت لبيت اهلي ....ماما من شافتني ضربت وجهها وكامت تبجي
طمنتها مابي شي ...احمد كاللهم لا حد يحجي وياها ...خلي تروح ترتاح فوك
دخلت غرفتي القديمه ..وفتحت موبايلي اللي عمتي انطتها اليه ...ردت اقرا الرسايل اللي دازها لؤي واللي خبلت ..يوسف
قريت
( اشلونج هيام اشكرج على قبول الصداقة )
(لما شفتج بالمطعم ابد مامتغيرة انت مثل مانتي )
( حبيت اخبرج بانه اني طلكت مرتي وبنتي اخذتها مني واني كل اسبوعين اشوفها واطلعها ويايا ....اني حاليا نفسيتي كلش تعبانه حبيت افضفض شوية وياج  )
فكرت بنفسي ليش دازلي هالرسايل واني ياهو مالتي مطلك لو لا ؟
اني مااريد اسوي مشاكل واكبر الموضوع ...وخصوصا اياد معرس جديد على سرى اكيد  راح يتاثر زواجهم .
بس لازم اخلي حد للموضوع
فكرت احجي لاحمد اخويه لاني اعرفه كلش عاقل ويتصرف بحكمه .
سديت الموبايل وكمت اشوف وجهي بالمرايه
انرعبت نصف وجههي مورم وصاير بنفسجي ووحدة من عيوني صاير دم ..تلمست راسي يمكن مخيطيه ومخليله بلاستر .