هيامي وعشقي

البارت الرابع

ومن هنا تبدي قصتي ويا حياتي الجديدة واللي تبتدي ويا تعرفي على يوسف ....يوسف يصير اخو سرى ....هي سرى الوحيدة بيننا اللي كلش غنية وطاكه ابوها مسؤول بالدولة وتجي للكلية ووياها سايق وحماية ......بس هي روحهها حلوة وكلش حبابة ومتواضعة لاقصى درجه ...واللي بكلبها على لسانها .....ورغم كشختها وثراءها ماشفنا بيها الغرور .....ولذلك حبيناها .....
وبفد يوم ......جنا واكفين سوا شفنا من بعيد سيارة سودة مظللة وكفت قريب علينا ونزل منها شاب طويل وهيبة وجان كلش حلو .ولابس بدلة  نيللية مبينه ماركه ...من اول مانزلت عيوننا احنا البنات مانزلت من عليه خو صديقاتي اكلنه بعيونهن اكل اقترب هو من عدنا وسلم علينا ضحكت سري وقدمته النا
_اقدم لكم بنات يوسف اخويه   اهلا يوسفىحبيبي اقدم لك صديقاتي  حنان ...وعلياء .....ومها و   هيام
اتقدم من كل وحدة وصافحها ومن وصللي مد ايده اني ابتسمت
هيام _ العفو اني اسفة مااصافح الرياجيل ...اعتذر  منك واتشرفت بمعرفتك
باوعلي بنظرة غريبة وابتسم لي
يوسف _ ولايهمج ...اهلا بيج الشرف النا
وكف شوية ويانا ....اني جنت مدنكة من الخجل بس من جنت ..اشيل عيني اشوفه يباوعلي صفح وبعيون حادة حسيته ابد مو راحة
ورا شويه استاذن من عدنا وطلع ويا اخته .

صاربين كم يوم ونشوفه بالكلية جاي وعرفت هو مهندس  متخرج من كلية الهندسة  وعنده شركة مقاولات ....طبعا المقاولات اللي تجيه اكيد عن طريق ابوه ......مايقبل غلط ....وهاي المعلومات كلها حاجيته النا  سرى اخته ...
مرات جنا كاعدين بالكافتريا  ....جان يجي يكعد ويانا حسيته شويه مغرور وشايف روحه ....طبعا على الجمال والوسامة والثراء ...اكيد راح يكون مغرور   .....وحجيه قليل بالمختصر المفيد جان كلش ثكيل ورزن .....واني بطبعي اموت على الثكيل والرزن وابو شخصية
جان كاعد ويانا بالكافتريا مالة الكلية وهو كاعد مقابيلي والتقت عيوننا ...اني مااعرف ليش هيجي اذوب بعيونه البنية الواسعة ورموشه الطويلة راح تخبلني .....غمزلي بعينه على الخفيف ...من خجلي مااعرف اتصرف .....نزلت عيوني بساع وجسمي اتخربط وكمت  ارجف ...... هالشعور اللي يداهمني مااعرفه حب لو اعجاب اني نفسي مااعرفله تفسير .
حاولت اقتل هالمشاعر قبل ماتنولد ....لان ادري المسافة بيننا بعيدة كلش ..... اني وين وهو وين

*****************
رغم انه يوم عن يوم اتعلق بيه اكثر وروحي تتعلق بيه ورغم اني مامتاكدة من مشاعره تجاهي بس بعدني خايفة ......خايفة لا يطلع بعدين متزوج او خاطب او عنده حبيبة ......
انتهت ايام الامتحانات النهائية والسنه الاولى خلصت ....وابتدت العطلة المملة والكئيبة بالنسبة الي لان بعد ماراح اكدر اشوفه ليوسف اللي صار مثل الطيف بخيالي مايفاركني ....ابتسامته الحلوة رغم ما هو كلش ثكيل ورزن ...غمزة عيونه ....شاربه ولحيته الخفيفة .....طوله الفارع وضخامته ....كلماته القليلة اللي ينتقيها بعناية ....
بالبيت الايام تمر ثقيلة ومملة نفس الروتين تنظيف وغسل مواعين وترتيب ....
وبيوم خابرتني سرى ....وتوسلت بيه اطلع وياها للمول ومناك نروح للمطعم ....بالبداية رفضت لانه اخاف اهلي مايقبلون بس من ورا الحاحها وتوسلاتها اضطريت انه اوافق ....وكالتلي راح تمر هي عليه بالسيارة حتى اتحضر ساعة خمسة العصر .....ترجيت ماما حتى توافق ....وحضرت نفسي ولبست بنطرون جينز وتيشيرت احمر ...
وخليت مكياج خفيف وخليت شعري الغجري الاحمر نازل على ظهري ....مااعرف كلبي يخفق بشدة واني انتظر احس راح اشوف يوسف ....
وفعلا توقعاتي كانت صحيحة مئة بالمئة ... اول ماخابرتني سرى وكالت بانه هم واكفين قريب البيت بس مايعرفون بيتنا بالضبط لان اني انطيتها العنوان ....نزلت من البيت وطلعت راس الفرع .....شفت سيارته ليوسف كلبي رفرف...شفته نزل من سيارته ووكف ...