هيامي وعشقي

البارت الثاني

هيام
خلصت مراسيم الزفة بابسط مايكون ماسووا عرس هي جانت وليمة غدا وبعدين العصر زفوا العرسان للفندق ورجعنا احنا للبيت اني وهند ووالدتي ويا علي .
تعبنا كلش اني وهند من الشغل وطلعنا غرفتنا حتى نرتاح شوية تمددت على السرير ماادري ليش صورة لؤي الشاب ابو عيون جريئة مادا تروح من بالي ابد وياتري شعنده ويا اميرة وليش اميرة من شافتني ركضت على السريع
حاولت قدر الامكان ابعده عن افكاري وانشغل باي شي ثاني .
مرت ايام واصلا نسيت شكله وتناسيت كل اللي صار وبيوم اخويه احمد طلب مني اسوي جاي لان صديقه جاي عنده هو وابن عمي عامر .
سويت الجاي ووكفت بباب الاستقبال وباوعت من طرف الباب شفته هو انصدمت هو لؤي وعامر كاعدين يسولفون ويا اخوية طرقت الباب بهدوء اجا احمد حتى يستلم صينية الجاي من عندي انطيته الصينية بس هو استوقفني
_ اوكفي هيام صديقي لؤي عنده مشغل ملابس جاهزة يعني معمل صغير عنده نقص بالايدي العاملة محتاج اثنين بنات يشتغلون يمه ياريت تدورين صديقاتج او اي وحدة تحب تشتغل .
_ ماشي اوكي راح ادور .
اخذ الصينية ودخل واني رجعت للمطبخ صبيتلي استكان جاي وكعدت افكر .
ليش اني ماشتغل ااني محتاجة فلوس حتى اتحضر للكلية اني اعرف اخيط شغلات بسيطة وحتى اعرف اسوي تصاميم حلوة بس لازم اقنع اهلي لان مااظنهم يوافقون بس لازم احاول .

،*************
وبالليل حجيت ويا ماما وحاولت اقنعها بس هي كالتلي الراي الاول والاخير لاخوانك ...لازم احاولىاني محتاجة للشغلة واخيرا بالليل شفت احمد كاعد بالحديقة ويا تمارا تقربت منهم
_ شداتسون مثل طيور الحب داتتهامسون
احمد _ انتي ماتجوزين من هاي سوالفج
تمارا _ ليش احمد اصلا هيام سوالفها تخبل
هيام _ اموت على اللي تفهمني
احمد _ شتريدين خاتونه احجي وفضيها
هيام _ عفية حمادة اريد اكولك شي بس لا تتعصب
احمد _ احجي شرايدة ....فلوس ..من عيني اشكد رايدة
هيام _ يسلملي عينك اخوية لا مارايدة فلوس ماتقصر ....بس الموضوع ....صديقك لؤي مو هو كاللك تدور له على عاملات ...اني اريد اشتغل بس بالصيف الله يخليك
احمد _ اذا محتاجة فلوس اني انطيج عليش الشغل
هيام _ اخوية المسالة مو مسالة فلوس اني اريد اشغل وقتي بالصيف وهم افيد نفسي الله يخليك اخوية . تدخلت تمارا
تمارا _ عفية بالسباعية والله اني اشجعج
احمد _ خليني افكر بالموضوع واحجي ويا بابا .
هيام _ على راحتك حمادة .

حسيت براحة من حجيت ويا احمد وهو مامانع

ورا ايام فاتحته لاحمد مرة ثانية ومابدى معارضة بس قدملي لائحة بالشروط بان مااتاخر وادير بالي على نفسي ولبسي وبان هووراح يوصلني ويجيبني رغم انه المشغل قريب من عدنا وافقت على كل شروطه وهو جان مخابر احمد وكايله عليه ورا ابدي اداوم من باجر .

الصبح كمت واني كلي نشاط وحيوية يمكن الادرينالين عندي دايشتغل زايد احاسيس مختلفة خوف على فرح على رهبة اتريكنا اني واحمد وطلعنا للمشغل ماجان كلش بعيد عن بيتنا وصلنا المشغل جان بيت من طابقين اول مادخلنا شفت قاعة جبيرة بيها هواية مكاين خياطة منها الكبيرة ومنها الصغيرة والبنات جانن هواية اتصور ١٢ او١٣ وحدة كل وحدة مشغولة بشغلة معينه انداريت شفت غرفة عازليها بالجام كزاز وشفت لؤي بيها وكاعد على مكتبه ومن اندار وشافنا طلع من غرفته بسرعة واجا باتجاهنا رحب بينا وطلب منا نرافقه لغرفته رحنا ويا هو كعد على المكتب ماله واحنا كعدنا على القنفات بدو هم يحجون على الشغل ورا اشوية داس على زر يمكن الجرس جان دخلت وحدة من العاملات دخلت طلب من عدها تجيبلنا الجاي وماهي دقايق وجابت الجاي اخوية اول ماشرب جايه استاذن من لؤي بان يطلع
احمد _ ترة مااوصيك لؤي لان انت ماتحتاج وصاية هاي اختي الصغيرة مدلله واخر العنقود
هي تحب تشغل وقتها والا اني ماشجعها على الشغل لان ماتحتاجه اني رايح وهيام بامانتك
لؤي _ هيام على راسي انشالله وامانتك مصونه انشالله .
طلع اخويه ورا ماصافحه لؤي ووصله للباب ورجع للغرفة وكعد مقابيلي على القنفة
لؤي _ هيام اسمعيني راح اخليج تتعرفين على البنات واني متاكد راح تحبيهن وتندمجين وياهن الشغل عدنا اهم شي بيه مو ممل راح تكضوها شقة وضحك وسوالف والاهم من كلشي الشغل يمشي مضبوط
طلعنا وياه وعرفني على البنات وخبرته باني اسوي تصاميم مال ملابس طلب من عندي اجيب له التصاميم حتى يشوفها .

لؤي
اني شاب عمري ٣١ سنه طويل نوعا ما ووسيم الى حد ما جنت اشتغل بالحلة خياط نسائي لان جنت اسكن بالحلة ويا اهلي وجان عندي محل صغير بس جنت احس بان طموحي اكبر من هذا المحل جان ببالي فكرة مشروع ملابس جاهزة نسائية بس هذا المشروع ماينجح بالحلة . جمعت كل فلوسي واشتريت بيت ببغداد طابقين
الطابق الاول سويته مشغل صغير بالبداية والطابق الثاني كمسكن الي
وشوية شويه زودت المكاين والعاملين وبدا الشغل يكبر . واستقريت .وبيوم جنت معزوم بعرس ابن عمتي عامر وشفتها شفت بنية كتلة نارية بشعرها الاحمر الناري وعيونها الملونه وبشرتها الوردية من اصطدمت بيه وهي مشغولة بموبايلها سحرتني بشكلها وجسمها وبراءتها ظلت صورتها ببالي ماتغيب .
بنت عمتي اميرة احسها داتميل اليه بكل مكان اشوفها كدامي وبالليل اصر عامر انه ابات ببيتهم لانه الصبح هو راح يحتاجني النوم جان مفاركني طلعت بالليل للحديقة حتى ادخن شويه واشتم هوا ومن ردت ادخل من باب المطبخ شفت اميرة واكفة بالمطبخ داتباوعلي بطريقة غريبة
لؤي _ شعندج كاعدة لحد هسة
اميرة _ عندي فد موضوع اريد احجيه وياك
لؤي _بشنو يتعلق الموضوع
اميرة _ المضوع يتعلق بيك
كالت كلامها ولزمتني من ذراعي لزمتها من زندها اريد ابعدها عني شفت هيام واكفه بباب المطبخ وتباوعلي ورا شويه حست اميرة عليها وطلعت بسرعة بقت هيام واكفة مصدومه .