هيام
الصبح اليوم يوسف طلع للشغل واني جنت داارضع رهف وعمتي جانت طالعة للسوك ٠
سمعت صياح جوا صحت على حلا تبقى يم رهف ونزلت شفت فاتن داتصيح ومصطفى لازمها من زندها ومبين ضاربها اقتربت من عدهم ....
_ شكو شبيكم خير
دفعها مصطفى على القنفة وطلب يحجي ويايه بالمطبخ
مصطفى _ احجي وياها لفاتن خلي تعقل وتبطل هالخبالات ترى والله ماتلوم غير نفسها اطلكها واخلص منها يوميه مطلعتلي طلابه ...ويوميه قوانه جديدة .
_ انت اتوكل وروح على شغلك ...اني احجي وياها .
_ احجي وياها الله يخليج ولو ادري الحجي مايفيد .
هو طلع واني رحتلها لغرفتها
_ انتي ليش هيجي تسوين ويا رجلج ترة هو يحبج ...كافي خبالات وكعدي راحه ...ترة مصطفى خوش رجال ويحبج ..كافي عصبية .
_ شوف منو داتنصحني ..روحي انتي حلي مشاكلج انتي
_ يامشاكل عن شنو تحجين اني ماعندي اي مشاكل ويازوجيى
_ طبعا انتي نايمه ورجليج بالشمس ...ماتعرفين شي مفهمة العالم كلها انه زواجج مثالي وانه انني ماعندج اي مشاكل ...روحي لحكي لروحج ترة زوجج يخونج ....عنده علاقة ويا وحدة اسمها مها ..ومو بس هسه حتى ببداية زواجج جانت عنده علاقات وجان يلتقي بيهن بالفيلا مالته اللي بيها رفض تتزوجين بيها وتبقين هنا حتى ياخذ راحته .
_ انتي تكذبين ماكو هيج شي .
_ حتى اثبتلج الصحيح راح ادزلج الصور والرسايل اللي بينهم .
_ يلة دزيها
انصدمت بحجيها وحسيت بالوجع بصدري ....نفسي تلعب ..احس بقلبي ينزف ....طلعت غرفتي اخذت بنتي من حلا اخذتها باحضاني وبجيت ....معقوله كل الحب اللي يحبه الي تطلع كذبه معقوله اني جنت مخدوعة فيه كل هالمدة مامعقوله ..
شويه واجتي رسايل لموبايلي ....لزمت الموبايل وفتحت الرسايل فاتن دازتلي ...فتحت الرسايل وانصدمت صدمة عمري وحدة من الرسايل صورة يوسف ويا ابنية مخلين راسهم يم بعض
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
والرسايل الاخرى سكرين شوت للرسائل الغراميه بينهم ...بعدني مامصدكة او اريد مااصدك
نزلت ويا بنتي جوا ودخلت المطبخ خليتها على الكرسي مالتها رجعت عمتي من السوك .
ورغم انه الالم دايعصرني عصر بس حاولت مايبين عليه شي
على العشا رجع ....ماحجيت شي وياه لازم اتاكد .....هاي الحيه فاتن احتمال تكذب ..
بس لا ماتصور هالشي ...اكيد اكو شي ماكو دخان بليا نار ....دخل للغرفة وكبل للحمام سبح وطلع راد يتقرب مني اتجاهلته وشلت بنتي بحظني .....ونزلت ...للمطبخ انطيت رهف لعمتي وجان العشا متحضر نقلت كل شي على الميز ...نزل يوسف واحس دايراقبني .وكانه حس اكو شي بس ماحجا كملنا العشا ...التفتلي يوسف وهو يشيل وياه رهف
_هيام جيبيلي الجاي فوك .....
_ ماشي هسة
صبيتله الجاي واخذته اله بغرفتنا ..خليت الجاي على الطاولة ...واخذت رهف منه وخليتها بفراشها حتى تنام
هو شرب الجاي واتقرب مني اني جنت كاعدة على الجربايه خلا ايده على كتفي وقربني اله
_ حاسس بيج مو طبيعية ..اكو شي
_ لا ماكو شي اني نعسانه واريد انام
_ اللي يشوفج الايام الفايته ..عبالك فراشه ...ويشوفج هسة شبيج اليوم مو على بعضج
عفته ودخلت الفراش وانطيته ظهري
هو اتقرب مني ودارني عليه ...وكعد يبوسني ..بوسات رقيقة ماتفاعلت حسيت بيه واتذكرت قذارته ... ...ودموعي نزلت درت وجههي عنه هو حس بية اتوقف وكال
_ اشبيج ماتكوليلي لخاطر الله شنو هالبجي . بعدته عني وادفع بيه حتى يوخر مني
_ الله يخليك عوفني مااريدك ..ماحبك روحلها هي مها صاحبتك .
استغرب من حجيي
_ هاي شكاعد داتخربطين انتي واعيه شداتلغين
_ اي واعية تحب اشوفك صوركم
_ منو دخل هالحجي بعقلك
_ مايهم منو .المهم اني بعد مااريدك .. طلكني ...
فجاة صار عصبي وصاح بيه ولزمني من زندي يجر بيه من على السرير
_ هالكلام مااريد اسمعه منو كاللج هالحجي
_ مو مهم
امتدت ايده لشعري وجرني من شعري وقربني منه
_ انتي اليوم ماناويه تجيبيها لبر .....اي اعرفها لمها بس مو مثل مانتي يتصورها عقلج ...شدني من شعري قوي وذبني على الفراش وهجم عليه ..كلبني على بطني
كل مرة يوعدني مايسويها ويرجع كل مرة ياذيني ويغصبني عليها ...كمت احاول اقاومه وادفر بيه بس مايفيد ....اغتصبني مرة لاخ من ورا ......جنت ارافس وابجي وهو مطوك ركبتي بذراعه وشويه باقي يخنكني الهوا مادااكدر اتنفسه ...واخيرا خلص وعافني ....حسيت بقذارته وبانو انسان ماجنت اعرفه قبل معقوله هذا الانسان الحنون اكو بداخله وحش ....مايتوانى عن شي حتى الخيانه ...ورا ماسبح وطلع من الحمام اخذ موبايلي من على المير حتى يتاكد من الصور منو دازها ...جنت منزويه بزاويه واني ابجي ومخبيه راسي بين ايديه ....هو نزل جوا شويه وبعدين دخل الغرفة واجا باتجاهي راد يكومني من الكاع رفضت وبعدته عني .....بعد عني ودخل الفراش حتى ينام ..
بقيت سهرانه للصبح ماتغمضلي جفن اريد بس يطلع الضو .....سبحت وصليت ولملمت ملابسي وملابس بنتي وهو بعده نايم ....اخذت جنطتي وشلت بنتي وهي نايمه ونزلت طلعت من البيت
كبل على بيت اهلي .
***********
وصلت بيت اهلي ...استقبلتني امي جانت الوحيدة اللي كاعدة ....بجيت بحظنها ....اخذت من رهف واخذتها لغرفتها خلتها على الجربايه ...ابويه جان رايح للصلاة ...كعدتني يمها بالمطبخ ...حجيتلها كل شي ...اخذتني باحضانها ....تحاول تهديني ...
_ كومي بنتي صعدي لغرفتج روحي نامي واني ادير بالي على رهف ..
صعدت فوك لغرفتي القديمه دخلت فراشي وقفلت موبايلي ..ونمت
أنت تقرأ
هيامي وعشقي
Literatura Femininaقصة بلهجة عراقية رومانسية جريئة تتحدث عن مشكلة توجد في مجتمعاتنا ولكن يتم جعلها بطي الكتمان .
