هيام اولىمارجعت من المحكمة حسيت الدنيا تدور بيه ركضت على غرفتي قفلت الباب عليه وشهكت بنوبة بجي ...مااعرف ندمانه لو خسرانه اني نفسي مااعرف ليش هلانهيار وليش هالحزن انتي اللي ردتيه سويتيه انتقمتي لكرامتج بقيت ابجي احس روحي راح تطلع ...ومن القهر لعبت نفسي ركضت للحمام استفرغ . بقيت يومين ماعندي شهيه لا لاكل ولا لاي شي بالحياة ماما كل ساع تكوللي اذا هلكد تكبيه ليش اتطلكتي ؟ مااعرف اجاوبها ...ولا اجاوب نفسي مااتحملت اشوفه ويا وحدة لاخ يخونني وياها رجعت للدوام حاولت الهي روحي واخلي رهف يم امي لحد ماارجع . الايام داتمضي واني اشتاق له كل يوم اكثر بس اكابر روحي . رهف صارت كل وجودي ودنيتي ....فات على طلاقي اسبوعين واني مااعرف احس روحي موتمام ...من الناحية النفسية ومن الناحية الصحيه همين ...احس روحي دايخة ونفسي تلعب ....شكيت بروحي بس لاحامل ...ياربي حاولت اتناسى الموضوع بس من ماما تشوفني اروح استفرغ ..تسالني ..اكوللها مجرد برد بمعدتي . ومر يومين وثلاثه زارتنا سرى جابها اياد وطلع ...كعدنا شويه سوا ...ورحت للمطبخ حتى اسوي الجاي واجيبه وبقيت رهف يم سرى وامي كاعدة وياها ..واول ماصبيت الجاي بالاستكانات وخليته بالصينية واريد اطلع من باب المطبخ لزمتني الدوخة مرة ثانيه ...حاولت اتماسك حتى مابين كدامهم ......قدمت الضيافة والجاي ..وكعدت يمها التفتت سرى وباوعتلي سرى_ حبيبتي هيومي يوسف مشتاق يريد يشوف بنته صار اسبوعين من اتطلقتوا ما شايفها تقبلين اخذها ويايا وارجعها المغرب . مااعرف شصارلي من سمعت باسمه .....كلبي كام ينبض سريع والوجع اللي بصدري يضيق عليه محتاجة وجوده .جاوبتها _ سراوي اني ماعندي مانع ..بس تعرفين بعدها صغيرة وترضع اخاف تتعبج ...وتبجي _ لاتخافين عليها انتي بس حضري غراضها اياد ويايه بس اذا حسيت بيها متضايقة ارجعها ويا اياد _ ماشي فد شويه واحضرها _ هيومة اشبيج دااحس وجهج اصفر وذبلانة ...شبيج _ ماكو شي يمكن ماخذة برد . حضرت غراض رهف ...واخذتها وياها واني صعدت فوك لغرفتي ونمت .
كمت من النوم داباوع للساعة ساعة ستة المغرب ..اشكد نايمة ومادري بروحي ...نزلت جوا سالت امي عن رهف كالت ماجايبيها بعد ...لزمت تلفوني اريد اخابر سرى اندك جرس الباب ركضت افتح الباب ......بقيت مصدومه ....يوسف شايل رهف ....اول ماشافني باوعلي بعيونه ياربي اشكد مشتاقه لعيونه ....حسيته ذبلان ونحفان رغم عنه ابتسملي _ اشلونج هيام _ الحمدالله ...انت شلونك _ اني موزين بلياج .... ردت اكوله يتفضل استحيت ...اخذت منه رهف وخليتها بحظني ... _ اعذرني مااكدر اكولك اتفضل ماحد من الولد موجودين _ عادي ولايهمج اني اساسا رايح عندي شغل ديري بالج على روحج وعلى رهف ...مع السلامه _ مع السلامه . مر اكثر من شهرين ....وتخرجت من الكليه ..رهف صار عمرها سنه ...ردت اسويلها عيد ميلاد ...واني صارلي اربع اشهر فايتتني الشهريه ....اخاف اروح للطبيبة ....اختي هند عدها عيادة ....لازم اروح ...اليوم وبحجةةالعيد ميلاد كلت لامي راح اروح اشتري غراض لرهف .بدلت وخليت رهف يم امي وهيفاء اختي جانت زايرتنا ...خابرت هند واتاكدت هي بالعيادة رحتلها للعيادة ...دخلتني السكرتيرة على طول ..ومن شفتها _ قلقتيني عليج اشبيج مريضة ....وشويه وباوعت على بطني صايرلي كرش صغير ...هي طبيبة وتعرف بها المواضيع ...اشرتلي على السرير اتمدد علمود تسويلي سونا ..عدها سونار .اول ماخلت الجهاز ...لحظات صمت ...ماحجت ..شي باوعتلي وهي تضحك _ ايا ملعونه انتي حامل وماتحجين ...كومي كومي واللي ببطنج ولد همين انتي بالشهر الرابع وماتحجين _ الله عليج لاتحجين يم احد _ مايصير هيام ابوه لازم يعرف ...اسمعيني زين اول شي لازم ابوه يعرف من هسة لانه انت عدة مالتج مو ثلاث اشهر العدة مالتج للولادة ثاني شي احتمال رب العالمين خلا هالطفل رحمة الكم حتى ترجعون لبعض ..سمعيني زين لاتعاندين هاي المواضيع مابيها شغلةةعناد ابوه من حقه يعرف ...اني هسة مااحجي انتظرج انتي تحجين ...اريدج تكونين عاقلة لحكي بيتج ...قبل ماوحدة لخ تاخذه من عندج وتبقين تتندمين طول عمرج اني اختج واحبج ورايدتلج كل الخير متاكدة يوسف اتعلم زين من الدرس . طلعت من العيادة واني كلبي يريد يطير من الفرح ..مااعرف احس كلامها اجا بالصميم رجعت وصلت قريب من البيت ...شفته اي هو يوسف واكف بالباب ....وبيده هديه يمكن جايبها ل رهف علمود عيد ميلادها اقتربت من عنده سلمت عليه باوعلي شويه وباوع لبطني شويه كبرانه ...حسيت بيه حاير ومسنغرب طلبت منه يدخل اكيد بابا موجود رفض وسلمني الهديه وركب سيارته . وقبل كايطلع _ هيام بالليل اجي اخذها لرهف ماما مسويتلها عيد ميلاد بالبيت وهاي مو هديتها هاي الفستان اشتريته حتى تلبسها _ ماشي انشالله دخلت جوا كلبي راح يطير من مكانه .
يوسف
ورا ماطلعت من المحكمة الدنيا ضاقت عليه مااعرف وين اروح ...اخويه طلك مرته لخاطري لان هي سبب البلا ...اني اتوقع حتى هاي البلوة مها هي اللي دازتها عليه تخرب بيتي ...جانت نزوة يومين بحياتي خسرت بيها زوجتي وعائلتي وكلشي حلو بحياتي اني قاطع علاقتي بيها من زمان شتسوي هاي الصور يم الحيه فاتن بس اني مااكون يوسف اذا مااخذ حقي من هاي فاتن ...جانت داتحوم حواليه ومن مالكت مني فايدة لزكت بيه صاحبتها السوقية ...مثلها اكثر شي تندمت عليه بحياتي كلها هو علاقتي بمها ورا ماتم الطلاك عزمت كل العزم ارجعها لهيام اعرف بيها تحبني وتموت عليه بس تكابر ...قررت اخليها براحتها ومااضغط عليها بس مشتاك الها ولبنتي مو بيدي ومن جابتلي سرى بنتي ومن رجعت رهف شفتها من فتحتلي الباب ومليت عيني من شوفتها ومن كالتلي ماما على عيد ميلاد بنتي لان اني عادتي مااكدر احفظ التواريخ زين رحت للسوك واشتريت كل المستلزمات واشتريت لرهف فستان مال عرايس وردي وبكشاكيش ..جان كلش حلو عجبني الفستان ..وصممت اخذه الها بيدي وكفت سيارتي يم الباب نزلت شفت تاكسي وكف ونزلت منها هيام حسيتها ضعفانه ...ومسرحه شعرها ..باوعتلي بنظرة كلها حب وعتب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
باوعت على جسمها شفت كرش صغير بارز ومبين من تحت الملابس شكيت بالامر ...وجان بيدها علاكه مال ادويه ردت اسالها خفت لاتفشلني ماسالتها ..بقت بكلبي سلمتها الفستان وطلبت منها تحظر رهف باليل . ركبت سيارتي واني افكار الدنيا كلها تدور براسي .
