هيامي وعشقي

البارت الثامن عشر

هيام
حياتي مشت عادية....علاقتي بيوسف اتحسنت ...هو مشغول هوايه بين شغله بالشركة والاشراف على البوتيك ..مصطفى اتخرج ...وراح يستلم الاشراف على البوتيك ...هند اختي تزوجت وماسوت عرس كبل طلعت لشهر العسل ويا زوجها لتركيا ....
سرى داتستعد للعرس ويا اياد اخويه ...ومشغولين بالتحضيرات....واني ورا شهر راح يبدي الدوام وصرت مرحلة ثالثة اتمنى اخلص واتخرج قبل يوم .....
جنت كاعدة العصر ماعندي شي خابرت يوسف

كلتله كلش ضايجه وماعندي خلك اريد اطلع اشتم هوا ...صارلي هوايه ماطالعة ...اقترح عليه نطلع نتعشى برا اني وياه ومن سالني
_ تحبين نروح لمطعم معين لو عادي اي مطعم ؟
_ اي مطعم بس لا المطعم اللي جنا نروح عليه قبل الخطبه .
سمعته يضحك ....
_واشمعنى مو ذاك المطعم
_ مااحبه بيه ذكريات ماحلوة بعدين اني اريد اروح مكان ازدحام بيه ناس مو بس وحدنا كاعدين .
_ اوكي ماشي جاي عليج بالستة
_ ماشي مع السلامه .

بالسته جنت حاضرة لبست فستان اسود وبيه ورود حمر ...وخليت مكياج ولبست كعب عالي ..نادرا مالبس ..بس من اطلع ويا يوسف البسه مجبورة لان هو طويل ...ومالبست حجاب لان اني مامتعودة ولاكدرت اتعود عليه لما جبرني البسه الفترة الماضية بس هسه لان مزاجه تمام ونفسيته متحسنه وواثق من حاله ومني فمايحجي ..اذا مالبست ..وخصوصا من اطلع وياه مايحجي
خابرني على الموبايل وخبرني بانه داينتظرني بالباب ..نزلت سلمت على عمتي
_ عمه اني رايحة ....ماغيرتي رايج ماناويه تجين ويانه .؟
_ لا حبيبتي انتو روحو اتونسو ا الله وياكم
_ماتريدين اجيبلكم اكل ويايه
_ لا ابد هستوني حضرت العشا روحو ا الف عافية عليكم .
طلعت شفته دا ينتظرني بالسيارة دخلت سلمت عليه ...بوسني من خدي وكال
_،اشعجب ملابسة شال .....ضحكتله بغنج ....
_ غلس اليوم حبيبي .....الله يخليك ...
ماجاوبني وساق السيارة ....عرفت بانو وافق
وصلنا المطعم جان مطعم كلش حلو وجديد مفتوح مبين .....دخلنا ..شوفونا طاولتنا ...جابو الاكل ..وبدينا ناكل ....وبلحظة رفعت عيني ....جانت اكو طاوله مقابيلي على الجهة اللاخ ....اباوع ولد شاب ووياه طفلة ماان رفع راسه ...والتقت عيوننا شافني ...اي هو هذا لؤي ...اللي جان عنده مشغل .....حسيت بالصدمة ...رفع يوسف عينه بعيني وكال
_ هيام شنو اكو شي
_ لا ماكو شي
ورة شويه هم رفعت عيني اشو ...لؤي كام من مكانه هو والطفلة واتجهوا الينا ..اني ارتبكت بس لا جاي علينا ....اتقدم وصار يمنا
_ السلام عليكم ....اسف ..اضوجكم بس كلت اسلم ...يوسف كام على حيله واني هم كمت ....مصدومة اتقدم
_ هلو اشلونج هيام اخبارج ..؟
باوعلي يوسف بنظرة تساؤل ...
هيام _ اني اسفة اعرفكم على بعض ....هذا زوجي يوسف ........وهذا استاذ لؤي صديق اخويه احمد ....
سلموا اثنيناتهم على بعض ...التفتلي لؤي وهو يقدملي الطفلة
_ هيام هاي بنتي صفاء اللي جنت احجيلج عنها
اقتربت من صفاء وبستها بخدها
اترخص لؤي واعتذر عن ازعاجنا ورجع لمكانه .
حسيت بيوسف ...
كاعد على اعصابه بس مايريد يبين عليه ...حتى الاكل داياكل وهو ضايج وبدون نفس
سالته
_ حبيبي اكو شي ..احسك مو تمام
_ لا ماكو شي ...بس صارلج اشكد تعرفينه لهذا الشخص ...واصدقاء اخوانج عادي عندج ميانه وياهم هيجي ..
_،جنت بالاعدادية وعرفته صديق اخويه وابن عمي ....ويصير ابن خال ابن عمي ..وماعندي ميانه وياه
_لعد اشلون يكولج هاي بنتي صفاء اللي حجيتلج عنها
_ يوسف انت من كل عقلك ...هذا متزوج ومخلف وكبير بالعمر ...بس حتى اريحك هو جان عنده مشغل خياطة ...واني جنت اشتغل يمه من جنت صغيرة وماجنت وحدي جنا ١٢ ابنية نشتغل هناك
_ وجمالة جنتي تشتغلين يمه .....هسة ورا شوية ورا مانتعمق بالموضوع راح يطلع جانت عندج علاقة حب ...وياه
_ يوسف ارجوك ماكو داعي لهالكلام ...انت هسة معصب وماداتعرف شداتحجي خلي نطلع نروح للبيت .
طلب الحساب ...ودفعه وطلعنا .
وطول الطريق ابد مايحجي ويايه ...واني كلامه واتهاماته اليه بالمطعم غثتني هوايه ...حسيت بنفسي مخنوكه وحسيته كلش عصبي ...حتى سياقته جانت سريعة دعيت بس نوصل البيت بخير وسلامة .
وصلنا البيت صعدت لغرفتي هو ورا شويه صعد...بدلت ملابسي ردت ادخل الفراش لزمني من زندي ونتر بيه بعصبية ..
_ هسة اريد اعرف قصة هالرجال شنو وياج
_ ياقصة الله يخليك ...اشبيك بعدين فرضا حتى لو مثل ماتكول ....اني لعد ليش اتزوجتك الك واختاريتك انت .
لزمني من شعري وقربني اله
_ لاتنكرين جنتي مجبورة تتزوجيني .
_ اخ عوف شعري ....اشو رجعت لهمجيتك مرة ثانية ..ابعد عني ....
_ اني همجي بنت ...
ضربني راشدي وكعني على السرير ولزمني من ايد وحدة بركبتي
_ هسة اشوفج الهمجي شيسوي
ردت اختنك ...عاف ركبتي وهجم عليه ...بكل وحشية ....غصبني على شغلات ..رجعني بيها لذكريات جنت اريد انساها ...وعبالي هو اتغير
علمودي مثل ماوعدني ...حسيت بروحي تتالم قبل جسمي ...اغتصبني من ورا اكثر من مرة.
حسيت بروحي كلش رخيصة .
ورا ماكمل ركضت حبست روحي بالحمام .خايفة منه ...بجيت هوايه حسيت الدموع نشفن من عيني .....بالزور كدرت اسبح ...طلعت شفته ...داينشف شعره الظاهر سابح بالحمام اللي برة
لبست على السريع .....واخذت المخدة مالتي والبطانيه وتمددت على وحدة من القنفات الموجوده بالغرفة وحاولت انام .
باوعلي وضحك بخباثة
_ ياطير وين ماتطير ...بالاخير ترجع لعشك .
ماجاوبته دفنت راسي جوا البطانية حاولت انام ماكدرت .
الصبح نزلت حتى احضر الريوك ويا عمتي شافتني عمتي باوعتلي
_ شبيه عيونج مورمه ...مبين باجيه ....خو ماكو شي .
_ لا عمه ماكو شي ....اني كلت هالحجي ودموعي نزلن ....مااريد احد يعرف ...
_ اكيد هذا يوسف مزعلج ....ابني واعرفه ...عصبي ..بس انتي هم لازم على كيفج من تشوفينه عصبي لاتحجين وياه ... يامحلاتكم البارحة والله انضربتو بعين ..مسحي دموعج الله عليج هو راح يتندم ويجي يصالحج
مسحت دموعي ....ورا ماشفته نزل من فوك ...كعد ...يتريك عمتي كعدت ونزلت سرى وحلا ..كعدوا كلهم اني ماكعدت جنت اشغل نفسي بصب الجاي الهم...صاح بلا مايباوعلي ...
_ جيبيلي حليب ماشرب جاي .
ماجاوبته ..جبت صبيت الحليب وخليته كدامه ...شرب من الكوب ....
_ ..شنو هذا جايبتلي حليب بارد ....اريده دافي
الكل استغربوا على طريقة حجيه ويايه ...سخنت الحليب وخليته كدامه ...وبلا مايشربه طلع .