#واقع_حال
كل إنسان بعمر المراهقة يحلم أحلام وردية البعض ينسجها بخيالة والبعض يتأثر بالروايات والبعض يتأثر بألأفلام ويعيش ع أمل أن يحققها وميعرف انو المكتوب يصير وكل واحد يأخذ نصيبة والأحلام تصبح سراب! أو ممكن يحقق بعضها قصتنا اليوم واقعية تتكلم ع ثلاث بنات عاشو طفولتهم بحي متواضع ياكلون سوة يطلعون يدرسون ونبدأ👇👇
نور: عمري 18 سنة طولي وسط عيوني كبار حنطاوية شكلي مرتب الحمدلله
ماعندي أخوات بس أخوة 3 الجبير علي متزوج وطالع بيت و سعد مدرس و حسن ازغر مني عمرة 15 ثالث متوسط هذا حسن
بابا يحبني هواية ومدللني لأن بنتة الوحيدة أهلة بابا من الجنوب بس يختلفون ع بابا معقدين وكولشي عدهم عيب 😒 ماما ماتت قبل خمس سنوات صار عدها سكر بسبب موت خالو الله يرحمة وماتت😢 هواية اتأثرت بموت ماما جانت الي صديقة واخت وكولشي بس راحت وعافتني الحمدلله بقيت بس اني بنص اخوتي وبابا وزوجة علي تجينة دائما حبابة وگلبها طيب *
شهد: جيران نور أحبها هواية تربينة سوة واحب اخوها المدرس سعد🙈 بس هوة ميدري ولا منتبه اني بعمر نور 18 سنة عندي أربع أخوات واثنين أخوة امي موجودة وبابا متوفي😞
مروة: جيران نور عمري 19 سنة مخطوبة الابن عمي خطوبة تقليدية ما عندي سوالف حب وكذا عندي اخت وحدة بس اعتبر نور وشهد أخواتي وعندي اثنين أخوة متزوجين *
أبو علي" نور كاعدة بابا سويت ريوك؟
نور" ليش بابا جان گعدتني؟
سعد" أي هاي يومية جان گعدتوني وانتي لو يمج عبوة متكعدين هههههه.
نور" هههههه أحلى شي نومة الصبح .
سعد" اي خل اشوف من تتزوجين اذا ميكعدج بالخمسة الفجر .
نور" لا بلة لو يموت شعدنة بالخمسة.
حسن" شبيكم تحجون يم راسي ماكو مكان غير هذا😴
سعد" كوم بدل اوصلك بطريقي للمدرسة.
نور: تريكو وطلعو مثل كل يوم غسلت المواعين والملابس وسويت غدة وسبحت اليوم كعدت البنات يمي سويت كيك وحضرت عصير وكرزات وبعد الغدة اجن شهد ومروة..
شهد" اويلي ريحة الكيك طكت بخشمي.
مروة " ههههه شگد تاكلين وميبين عليج بخت.
نور" هههههه اني شاطرة بس بالمعجنات .
شهد" لا ليش البارحة الدولمة الي دزيتيهه تخبل.
مروة " صدك نسيت اكوللكم خابر خطيبي عمر ويكول العرس بعد شهر .
نور" صددك ولج هذا خبر ينسي الف مبروك عمري من هسة أفكر شلبس.
شهد" انتي صحيح زركة بس كولشي يلوكلج ههههههه.
نور" انجبي حنطاوية مو زركة مو مثلج بيضة وفاهية عووع ههههه.
مروة" خل نشوف منو تنخطب منجن هم أريد افرح بيجن.
شهد" هوة غير يحس أستاذ سعد .
نور" هههههه كوتلج اكولة مقبلتي.
شهد" ديري بالج اموتج والله خل هوة يحس ولو هوة ثلج امداية حبيتة.
مروة" ههههه عمر هم بارد اموتني.
نور" تتذكرن من جنة بالمتوسطة شلون نحلم بفارس الأحلام هههه.
مروة " أي وأنتي تردينة وسيم ومثقف وعصبي ههههه.
شهد" وإني جنت أحلم بواحد يشبه مهند ابن التركية تاليهه حبيت سعد الاملح ههههه.
نور" دنجبي اكو أحلى من الأسمر.
بقينة نسولف للمغرب سوالف البنات متخلص لحد مارجع بابا وسعد راحو البنات صبيت عشة ونضفت وكعدنة نتابع فلم..
أبو علي" نور باجر يجون بيت عمج عدهم معاملة ابغداد يبقون يومين شمحتاجة مسواك كتبيهن السعد يجيب.
سعد" منو الي راح يجي؟
بابا" عزيز وماجد وزوجة ماجد.
نور. ما أحب عمامي ابد معقدين ومينطون حق المرة هم ماشاء الله سبع شباب وخمس بنات أربعة متزوجين و 3 عزابية والبنات كولهم متزوجات جنت اسمع من بابا عزيز مسيطر عليهم وبيدة الحل والشد بس اني مشايفتة صار ست سنوات من جنت بالأول متوسط كمت نمت من وكت حتى اكعد من وكت بابا كال لتسوين غدة نجيب سمج شوي بس هم عندي تنظيف البيت وسويت مقبلات الساعة ب 11 الصبح وصلو.
سعد" أهلا وسهلا شنو سالفتكم لتجون لتسألون آلة مناسبات لو معاملة .
عزيز" حكك ياخوية بس تعرف مشاغل هواي زرع وطلايب وفصول ماتخلص وداعتك.
بابا" أي الله يساعدك انت بعد أبوك الله يرحمة تحملت المسؤولية وانت كدها يا عزيز كفو والله.
عزيز" الله يحفظك ياعمي جا شسوي اخوتي الكبار عدهم عوائل وملتهين.
سعاد زوجة ماجد" اساعدج خية؟
نور" لا حبيبتي انتي تعبانة من الطريق غسلي وصلي ماعندي شي.
سعد" ها نور جاهز الغدة؟
نور" أي اصب.
سعد" لا رح يجون بيت علي انتظري شوية.
بابا" تعالي نور سلمي ع ولد عمج.
نور" اي بابا دخلت سلمت شفت واحد ضعيف اسمر لابس قميص ابيض وبنطرون رصاصي كالو هذا ماجد و واحد ضخم ولبسة كشخة اسود بأسود وساعة ومحبس وبيدة سبحة عرفتة عزيز.
عزيز" ماشاء الله كبرانة نور آخر مرة شفتها طفلة .
سعد" أي كبرت وصارت أم بيت هههه.
ماجد" شلونج خوية شلونج بدراسة؟
نور" الحمدلله تمام .
عزيز" راح نتعبج هل يومين نويرة بس سعاد يمج تساعدج.
نور" قهرني من كال نويرة ما أحب هذا الإسم متعودة ع نور ونونة.
بابا" لا عمي ماكو تعب هسة تجي زوجة علي هم وياهن وهذا بيتكم.
عزيز" الله يحفظك عمي أي ماكو فرق ان شاء الله.
نور. اجو بيت علي وكملنة الغدة بابا كال نكعد سوة فرشنة سفرة وكعدنة نتغدة وأني ومرت علي شبعنة ضحك ع حجيهم وبابا وعلي يخزرونة ونسكت صبيت جاي ومرت علي غسلت مواعين وكولهم نامو الظهر وطلعت موبايلي اسولف وي صديقاتي وسمعت الباب ندك لبست شالي وطلعت افتح الباب بعدني موصلت للباب وسمعت واحد صاح وووين؟
گمزت التفت اشوف عزيز وراية لابس دشداشه رصاصي وكوة فاتح عيونة جان نايم.
نور" شنو وين الباب يندك؟
عزيز" ماكو زلم تفتح الباب؟!
يتبع
#منقولة
