#واقع_حال
زفوچ وامچ هلهلت
وأنه امي بالله توسلت
بلكت ترد عافيتي💔
#9#
نور" الو .
عزيز" شلونج نور؟
نور" الحمدلله انت شلونك؟
عزيز" مو زين.
نور" ليش شكو شصاير؟
عزيز" نونة لا تزوجين بهاء انة اگدر اوگف بطريقج واخرب كلشي بس ماريد مشاكل.
نور" دموعي نزلت وإني اسمعة. وليش شبي بهاء؟
عزيز" ماريدج تتأذين بحياتج بهاء مايستاهلج انتي نور بت عمي تستاهلين رجال يصونج ويقدرج صدكيني بهاء مو خوش زلمة.
نور" شدتحجي عزيز احنة بعد شهر زواجنة .
عزيز" اطفري النهر مادامة ضيگ اسمعيني بس هل مرة نور لا تشلعين گلبي.
نور" يابعد گلبي گلبك شبيدي غير انت عفتني.
عزيز" نور تسمعيني؟
نور" أي دا اسمعك.
عزيز" انة قريت عيونج نور من تباركتلج انتي ما راضية بهذا بهاء ولا تحبينة لا تخربين حياتج بالعناد.
نور" والحل؟ سألتة وتصورت يكولي اني اخطبج.
عزيز" الحل عوفي وانة ازوجج واحد من عمامنة يسوة رأس بهاء.
نور" تزوجني واحد عزيز؟ شنو انت معندك إحساس؟ لعبة بيدك أني!
عزيز" مافهمتي قصدي ولج صار شهر من نخطبتي لليوم نار مشتعلة بگلبي اعرفج ماتردينة بس هيج عناد.
نور" لا أريدة واحبة ولتدخل بحياتي بعد فاهم اطلع من حياتي بااي. شمرت الموبايل وبجيت كل ما اكول نسيتة ارجع أفكر بي يرجع گلبي يدگلة وهوة بكل برود يريد يزوجني الواحد ع مزاجة ياااحقير ياااحقير أناني خبييث صرخت وبجيت ونمت وكأنما النوم ملجأ هروب من الواقع.
حسن" نور نونة.
نور" ها حبيبي.
حسن" جنت نايم من تعشو وگعدت جوعان.
نور" أي يعمري هسة بيش الساعة؟
حسن" بالوحدة.
نور" هسة أنزل اسويلك بيض.
حسن" رح انتظرج بالمطبخ.
نور: نزلت سويت بيض وجاي اني هم جوعانة اكلنة أني وحسوني.
حسن" نونة تردين الصدك أني ما أحب بهاء.
نور" هههه ليش حبيبي؟
حسن" مدري ماحبيتة مو تزعلين.
نور" اكولك سر .
حسن" كولي.
نور" ولا أني مثلك ما أحبة!
حسن" لعد ليش تزوجينة ؟
نور" مو يكولون الحب يجي بعد الزواج يمكن أحبة بعدين.
حسن" الحب يجي بعد الزواج اذا جنتي متحبين.
نور" فاجأني حسوني معقولة يعرف الي بگلبي. ومنو كلك أني أحب؟
حسن" قبل فترة من جنت نايم ع رجلج وتسولفين وي عزيز سمعت كولشي.
نور" نزلت الخبزة من حلكي ودمعت!
كام حسوني وگف يمي وحضني.
حسن" لتبجين نور ترى عزيز مبين يحبج لتزوجين بهاء.
نور" عزيز متزوج حسوني وزوجته حامل.
حسن" أي شكو بيها الشرع محلل أربعة.
نور " لا حبيبي مستحيل اخرب بيت متزوج روح نام يروحي لتشغل بالك اختك قوية.
حسن" تعالي سولفي وياي من انام روحي.
نور" أي مو تدلل روح الغرفتك اغسل ذني واجيك.
فدوة الگلبه شگد حساس حاس بية ويفكر رحت ورا سولفنة لحد ما غفة صعدت شميت شيشة العطر صرت مثل المدمنة عليها ونمت.
مرت الأيام من الكلية للبيت اتصل بهاء كال رأس الشهر زواجنة يعني بعد أسبوعين أو متبدي العطلة گوتله نأجلة شوية مقبل تعبت كولة ركض اشتريت ملابس وذهب وحجزنة صالون وقاعة بس ماكو فرحة بگلبي😞
شهد" نووور نزلي اجت مروة.
نور" خليها تصعد تعالي مروة.
مروة" هاي شنو ولج شطالعة تخبلين.
نور" عيونج الحلوة حبي😘
مروة" اجت وياي حماتي من سمعت اليوم حنتج رادت تشوفج.
نور" أي هلا بيها.
نزلت البنات مخبوصين رگص و ديجيتال كومني رگصت وياهن.
زينب" شوفي نور حسين زعلان عليج مابوستي اليوم
نور" اوي صدقة للزعلان تعال أبوسك والطخك بالحمرة ههههه.
خلصت الحنة اكو بنات باتو يمنة سوالف وضحك لل 2 ونمت.
عزيز" يمة انة ماشي البغداد.
الحجية" عزيز تحضر عرس بت عمك وترد لا تدخل بيهم يمة هم راضين.
عزيز" لا يمة مالي شغل حجيت هواي ماسمعوني .
الحجية" يجوز الزلمة زين شمدريك.
عزيز" جا ما أتمنى ياريت احساسي غلط ويطلع خوش زلمة.
الحجية" يمة ليلة ورد مرتك بشهرها.
عزيز" أي يمة هية ليلة. بست رأسها وايدها وطلعت.
نور" گعدت تريگت ورحت للصالون اني ومروة وشهد.
علي" أهلا وسهلا هلا بعزيز عبالنة من البارحة تجون.
عزيز" والله أمس جانت عدنة طلابة والحمدلله خلصت ع خير.
زينب" اشو ولا وحدة من البنات وياك ليش خوية؟
عزيز" والله يا ام حسين ما كلت الأحد انة ماشي بس للوالدة التريد تجي يجيبها رجلها.
سعد" شوف عزيز هذا منو ؟
عزيز" هههه هذا حسين ماشاء الله كبران لك هذا يشبه عمي.
بابا" ههههه أي حبيب جدو.
علي" استريح خوية شوية ويكمل الغدة.
عزيز" ع راحتكم انة ارد اسبح وأصلي .
نور" اخذونة للقاعة كولشي حلو وكل الناس حاضرة بس مفرحانة اضحك جذب واجامل الناس.
عزيز" ها زفوها؟
سعد" أي وصلناهم للفندق واجينة.
عزيز" راحو نامو طلعت برا مخنوك من شفت نور طلعت ابدلة العرس أحس خذت روحي ومشت رفعت راسي للسمة يااارب اسعدها كون اطلع غلطان ويطلع بهاء خوش زلمة بقيت اهوج ما مرتاح اطب واطلع واحجي وي روحي شبيك عزيز هذا انت الزلمة تهزك مرة.
حسن" تريد شي قبل لا انام؟
عزيز " نام حسوني نام .
حسن" ماكدر انام ضايج ع نور"
عزيز" ليش نور هسة تزوجت ادعيلها الله يسعدهه.
حسن" نور ما تحب بهاء واليوم بالعرس هواي بجت دنك حسن وبجة.
عزيز" حضنتة آفة عليك حسن عيب الرجال يبجي تعال اكعد هنا منين جبت هذا الحجي شمدريك ماتحبة؟
حسن" اني ادري قبل فترة حجيت وياهه.
عزيز" انه هم ادري وحجيت وياهه ماردت.
حسن" كتلها لتزوجين مقتنعت.
عزيز" مايفيد هذا الحجي بعد كلشي قسمة ونصيب گوم نام ولا تفكر يلا بعد اخوك.
حسن" وانت متنام؟
عزيز" منين يجي النوم راح انتظر صلاة الفجر اصلي واطلع.
حسن" ترجع البيتكم؟
عزيز" أي وكلشي يصير خابرني ولا تحجي لأحد خوش حسوني؟
حسن" اوك تصبح ع خير.
نور " ترجيت بهاء كوتلة تعبانة أريد انام بس مسمعني كلما يتقرب مني اختنك حتى عطرة كرهتة!!
بهاء" متكوليلي شبيج نور مجبورة ع الزواج انتي؟
نور" بهاء الله يخليك عوفني اليوم ممجبورة بس خايفة وتعبانة.
بهاء" ع راحتج نور نامي دار وجها ونام.
نور" شيخلصهه ربي اول يوم ومو طايقتة هم يجي يوم واحبة.
عزيز" مانمت ولا دقيقة صار الفجر صليت وطلعت الطريق كلة جگاره ورا جگاره وصلت للبيت لگيتهم مخبوصين گالو مرتك جابت بنية.
عزيز" الحمدلله على سلامتج ليش ما خابرتوني؟
دلال" جانت الساعة ب 2 وكلنة شيجيبك.
سعاد" هاك بتك إذن بأذنها تتربة بعزكم ودلالكم.
عزيز" بسم الله ماشاء الله أخذتها اذنت بأذنها.
سعاد" شراح تسموهه؟
عزيز" نور اسمها نور.
يتبع
