#واقع_حال
#7#
عزيز" التفت ها.
نور" مدري ليش من شفتة بارد فار دمي. شوف اكولك مو عبالك اني مقهورة عليك اصلا ميهمني ولتتصور مرحت للحنة لأن أغار من دلال بس أني ما أحب الهوسة.
عزيز" ومنو كلج انتي ضايجة بالعكس كون تفرحين خلصتي من واحد همجي! أنتي تردين واحد من بغداد كيكي ومايع.
نور" وشبيهم شباب بغداد باجر اخذ احسن واحد .
عزيز" ههههه انة وياج والزمن طويل بت عمي في أمان الله ✋🏻
نور" طلع دخلت للمطبخ دكيت ع وجهي شبية صرت عصبية كدامة هسة يكول مقهورة امداية امداج نور اسمع الشباب يهوسون ويرمون اووووف شيخلصهه وأرجع البغداد تعبت يربي صعدت ع السطح طلعت موبايلي وخليت سماعات حتى كولشي ما اسمع من التعب والبجي طبگت رجلية وغفيت بالگاع.
عزيز" نووور نووور يمة ماشفتي نور؟
الحجية " شفتها صعدت فوك من زمان.
عزيز" ماكو بالغرف عمي يريدهه وين راحت.
الحجية" والبنات وين شو اتأخرن ماخلصت الحنة؟
عزيز" خلصت راح ماجد يجيبهن.
وين راحت نور صعدت مرة ثانية شفت باب السطح مفتوح طلعت لگيت نور نايمة بالگاع !
عزيز" نور نووور مديت أيدي عليها فزت.
نور" شكو أني وين؟
عزيز" عشرين غرفة بالبيت آلة هنا تنامين شطلعج للسطح؟
نور" شبيك تصيح طلعت اسمع وغفيت.
عزيز" خو سمعي بالغرف صار ساعة ادور عليج عمي يريدج.
نور" أي جاية مصار شي.
عزيز" لا هواي واضح ما مقهورة!
نور" شنو قصدك؟
عزيز" ههههه انة نازل قفلي باب السطح وياج صاعدة للسطح تسمع ادري تطيرين طيور.
نور" نزل يدردم علية صدوك جنت مقهورة بس ضحكت من كال تطيرين طيور ههههه.
زينب" ها نونة شلونج؟
نور" الحمدلله شوكت اجيتو؟
زينب" هسة ونعسانة تصبحي ع خير.
نور" وأنتي بخير. اووووف كولهم نامو وإني جنت نايمة مكدر انام طلعت للحديقة الجو حلو وهدوء گعدت بالمرجوحة.
عزيز" هاي شبيها ساعة بالسطح ساعة بالحديقة . ليش ما تنامين؟
نور" اوي فززتني.
عزيز" وين جنتي صافنة.
نور" مصافنة انت ليش منمت؟
عزيز" بلة انة أفكر بالعرس انتي شعندج؟
نور" أي حقك معندي شي منعسانة.
عزيز" أي غير جنتي نايمة بالسطح.
نور" أي روح نام مدخلك.
عزيز" راح اكعد يمج شوية كعد ع المرجوحة.
نور" الله نسيت بأجر عرسة نسيت هوة مو الي بس كعد يمي وشميت عطرة ردت روحي. عزيز.
عزيز " ها نونة؟
نور" فرحان بزواجك؟
عزيز" تردين الصدك لا عادي يعني.
نور" يعني متحب دلال؟
عزيز" ماشفت واحد تزوج ع حب كلنة هيج عرسنة تقليدي.
نور" ليش الزواج ع حب مو أحلى؟
عزيز" بعد تعرفين احنة ناس همج مانعرف الحب!
نور " خرب حضي ولا ينسى هاي السالفة. لاا حشاكم.
عزيز" اكوم انام اليوم أودع العزوبية تصبحين ع خير .
نور" أي ودعهه وانت بخير.
دخلت نمت بس شلون نومة كلها كوابيس فزيت الصبح خطار وهوسة وطبخ ويحضرون للعرس وذبايح وأني أحس نفسي هم رح انذبح اليوم اووووف عزيز شلعت گلبي اباوع من الباب كاعدين يتريكون يم الحجية يضحك وضحكتة ترد روحي شسوي يربي شلون اطلعة من گلبي .
