#واقع_حال
#4#
نور: مو راشدي ردت اوكع بالكاع ركضت الغرفتي قفلت الباب وابجي اتصلت ع بابا وفهمتة اجو بابا وعلي وسعد سمعو السالفة من عزيز صارو ضدي كالو انتي متجاوزة ع ابن عمج وتعالي اعتذري منة كتولهم لو اموت ما اعتذر ،
بابا" كومي بابا الخاطري ابن عمج گلبة طيب ويحترم بس حجايتج عيب شنو همجي.
نور" بس بابا متوصل يضربني مالة حق .
بابا" أي جان عصبي هوة اذا عصبي ميتفاهم كومي عيب قبل ليروح.
كمت الخاطر بابا شفتة لابس دشداشه رصاصي وساعة والعطر تارس البيت ويمة جنطتة ويحجي بالموبايل من خلص.
بابا" عزيز هاي نور اجت تعتذر منك.
عزيز" لا عمي مايحتاج بعدها طفلة ماتعرف وانة هم قسيت عليها.
نور" اني
عزيز" ما يحتاج بت عمي لا تعتذرين يلا ابروني الذمة في أمان الله.
نور. مدري ليش من طلع ضايج نزلت دموعي ركضت للباب صحت عزيز.
عزيز" كولي نور .
نور" آسفة مو قصدي اتجاوز.
عزيز" انة همجي نور ولو أبقى آخر رجال بالعالم ماترضين بية مشكورة بت عمي وماقصرتي !
نور" طلع ورجعت للبيت مقهورة شجاني وهيج حجيت بس احسن حتى ليفكر بية ومو كولشي يريدة يصير خلي الله وياه مرت ايام وأني أفكر بي يربي شجاني ليش أفكر أجة بابا كال حضرو نفسكم بعد يومين نروح البيت شيخ رياض وهناك نغير جو بساتين ومي وطبيعة اني فرحت أبد مرايحة البيت عمي تحضرنة وبيت علي ويانة وطلعنة الصبح وصلنة قبل صلاة الظهر فتحو باب جبير واجة واحد ذبح طلي يمنة اني دايخة من الطريق نوب شفت دم لعبت نفسي تلكتني سعاد وبنات ما اعرفهن وزلم دخلنة بيتهم مثل القصر تلكانة عزيز كاشخ الدشداشة والسترة ونفس العطر مالتة مدري ليش من شفتة ارتاحيت دخلنة صلينة وتغدينة علي كال ورا الغدة نروح البيت عمي الثاني.
زينب" نور الحجية مرت شيخ رياض تدري تشوفج.
نور" والله عيب مسلمت عليها.
سعاد" تعاي اوديج الغرفتهه.
دخلنة غرفة جبيرة ومرتبة سلمت ع مرت عمي .
الحجية" ماشاء الله كبرانة نورة وصايرة مرة .
نور" نويرة ونورة كل يوم مغيرين اسمي سلمت عليها وكعدت فتحت خانتها طلعتلي تراچي ذهب .
نور" تسلمين عمة كولش حلوات.
الحجية" كومي لبسيهن اشوفهن عليج.
نور" هههه صار . لبستهن ع المراية وكالت فتحي شعرج خل اشوفة والبنات كولهن ضحكن.
نور" تدللين هذا شعري فتحت شعري طويل أسود.
الحجية" أي عفية لا تكصينة تاج المرة شعرها.
دك الموبايل الشبكة ضعيفة هاي مروة طلعت احجي وياهه وصارت عيني بعين عزيز شگد عيب نيست شالي.
عزيز" خلي شي ع راسج هنا زلم بالبيت.
نور" أي آسفة سديت الموبايل ودخلت للغرفة.
علي " زينب نور يلا لبسن راح نروح البيت عمي .
زينب" أي جاهزين.
نور" بدلنة وطلعنة الجو نقي يخبل اخذنة ماجد بسيارته تعشينة ورجعنة البيت الشيخ كولهم نامو وأني متغير مكاني مكدرت انام طلعت بالحوش الهوة حلو گعدت أكلب بالموبايل.
عزيز" منو طالع برة أريد اقفل الباب؟
نور" اني هسة شوية وأدخل.
عزيز" ليش مانمتي؟
نور" لأن مغيرة مكاني وعجبني اكعد هنا الجو حلو .
عزيز" اي جونة هنا نقي وريحتة حلوة.
نور" عزيز اني حاولت اتصل بيك بس استحيت.
عزيز" ليش انة موجود شوكت ماتردين.
نور" بصراحة عبالي زعلان وترددت.
عزيز" لا انة صدك همجي بس ما ازعل بساع!
نور" خرب بعد مناسي شگد عيب. لا حشاك.
عزيز" يلا روحي نامي هنا نكعد من الفجر حتى تتريكين ويانة وافركم بالبساتين.
نور" اوك تصبح ع خير 😊
نمت وگعدت الصبح ع أصواتهم ريحة الجاي والحليب وگيمر عرب وخبز حار كعدتهم حلوة تريكنة وعزيز اخذنة للبساتين مثل الجنة ريحة الأشجار والورد كل واحد مشة بصفحة عجبني اگطع برتقالة نزعت العباية خليتها ع الجنطة همزين لابسة بنطرون صعدت أخذت برتقالة وخفت أنزل اباوع ولا واحد صحت علي سعد ماكو شوية واسمع عزيز.
عزيز" وين صاعدة نور ههههه.
نور" يمة شگد عيب.
عزيز" ههههه تعاي اطيني ايدج شصعدج؟
نور" انطيتة أيدي وفلتت رجلي هوة ضخم وطويل شالني صار وجهي بوجها ضحكتة تخبل وعطرة اويلي🙈 بقى يباوع بعيوني وسمعنة صوت قريب علينة نزلني ودار وجها لبست عبايتي مطلعت برتقالة شبعت فشلات ههههه.
علي" وينج نور ندور عليج؟
عزيز " ههههه صاعدة تگطف برتقال.
نور" كولهم ضحكو علي شگد عيب رجعنة للبيت خجلانة منة وهوة يباوعلي ويضحك.
نور" دخلت للمطبخ أساعد البنات كولهم بالبيت يهابون عزيز ويحسبولة الف حساب كبار زغار وأني ابغداد اصيح علي واكولة همجي يافشلتي سويتلهم كيك وگعدنه نسولف وناكل ومتونسين .
بابا" احنة ان شاء الله الصبح راجعين البغداد.
ماجد" لا عمي شنهي بس يومين وتمشون صار سنين ماجايين.
علي" نبقى بس باجر يابة أريد اطلع وي الشباب للصيد.
بابا" أي هاي هية نبقى باجر.
ندك الباب واجة الحارس يركض ع عزيز ويكول صايرة طلابة ويردوك ركضو عزيز واخوتة شغلو السيارة وراحو.
علي" يعني بكل مشكلة عزيز يركض؟
ماجد" اي والله ياخوي لا ليلة ليل ولا نهارة نهار.
بابا" الله يساعدة مسؤولية جبيرة.
سعاد" زينب نور تعالن حبايب فرشتلجن.
نور" كمت تمددت واتراسل وي شهد ومروة واسمع صوت الزلم طلعت أركض اسمعهم يكولون واحد مصوب عزيز وشارد دخلت للمضيف اشوف عزيز كاعد وايدة ملفوفة.
بابا " عرفتو منو ؟
عزيز" هوة شرد بس انة اعرفة.
ماجد " انة هم عرفتة وباجر من الفجر اروح اخلي طلقة براسة!
عزيز" ماااجد مو هيج ياخوي انة احلها سهلة ان شاء الله.
نور" واكفة يم الباب واسمع حجيهم وصياحهم وعزيز كاعد ماجنة مصوب كامو نامو والبنات نامن واسمع واحد يون تقربت واشوف عزيز يون رحت يمة .
نور" توجعك؟
عزيز" لا بس شوية صخنت "
نور" هسة اسويلك كمادات جبت مي بارد وخاولي وگعدت اسوي كمادات وهوة يون وعيوني تصب.
عزيز" ههههه شبيج بعد بيتي جا هاي سهلة هاي ثالث مرة اصوب.
نور" شلك بشغلة الشيوخ عوفها بس مشاكل.
عزيز" خايفة علية نور؟
نور" لا قصدي أي غير ابن عمي.
عزيز" بدة يغفة ياهو الهمجي نور؟
نور" شسالفة عزيز متنسى هاي السالفة.
عزيز" انة مو عزيز اذا ماخليتج تبجين دم ع هاي حجايتج!
نور" صحيح هوة مصخن وغافي بس حجايتة خوفتني شنو تبجين دم؟
غطيتة ورحت نمت .
يتبع
