#واقع_حال
#6#
زينب" ها نامت؟
مروة" أي نامت خليت راسها ع المخدة ونزلت.
شهد" والله نصدمت خطية جانت فرحانة😞 .
زينب" هوة أني نصدمت ولا توقعت يخطب غيرهه.
مروة" يعني خطبة رسمية خاطب.
زينب" أي ويكول علي بعد أسبوع يجون البغداد يعقد محكمة.
شهد" اوووف بس لا بيتكم ويم نور.
مروة" يلا عيني اروح اني عود طمنني ع نونة.
زينب" تعشي وروحي.
مروة" مو أهلي عازمين عمر ع العشة يجوز اجة هسة.
شهد" الله وياج اني أبقى شوية يم زينب.
سعد" وين نور العشة جاهز؟
زينب" أي جاهز نور نايمة.
سعد" نور تنام المغرب شكو؟
شهد" ماكو شي راسها يوجعهه.
حسن" يلا آشيل الأكل علي خبصني.
زينب" أي أخذ السفرة.
شهد" صاعدة اشوف نور بلكي گعدت.
علي" وشكوت ناوي تزوج ان شاء الله؟
عزيز" انة جاهز ان شاء الله بعد شهر العرس.
بابا" ان شاء الله بسلامة.
سعد" هية نفسها بت شيخ سالم الي انطوهه الك.
عزيز" أي نفسها بيت شيخ سالم ناس معروفين واشراف ومالكة احسن منهم.
حسن" عاد حلوة العروس جكمة؟
عزيز" شني.
سعد" حسسن شهل الحجي؟
عزيز" ههههه يكولون حلوة بعدني ماشايفهه.
شهد " شلونج هسة؟
نور" رااسي دايخة.
زينب" لأن مماكلة هبوط عندج هسة أجيب عشة.
نور" لا تلعب نفسي ما أريد.
شهد" لعد احنة هم مناكل.
نور" اكلو بنات من اجوع أكل.
نزلن البنات يتعشن قفلت الباب طلعت صور عزيز بالموبايل وشيشة العطر وبجيت من كل گلبي.
سعد" مكعدت نور؟
شهد" كعدت هسة تنزل.
زينب" ها شو وكفتي؟
شهد" اتأخرت أريد اروح.
سعد" يلا خل اوصلج.
علي" الجاي جاهز نور وين؟
زينب" هسة تنزل هذا الجاي جاهز.
علي" شلونة حسين ههه؟
زينب" يعني انت متأكد ولد يجوز بنية؟
علي" لا هذا حسين ورا تجي بنية.
زينب" هههههه أن شاء الله.
علي" بس نخلص نروح للبيت.
زينب" أي والله تعبت أريد انام.
نور" غسلت وجهي ونزلت متكسرة راسي ثگيل لكيت البيت هدوء بيت علي راحو بابا نايم اخذتني رجلي ع الاستقبال شفت عزيز نايم نومتة حلوة ع ظهرة ومخلي ايدة ع گصتة وسعد وحسن نايمين ردت أكل ما اشتهي صعدت للغرفة نمت گعدت الصبح نزلت لكيت عزيز رايح حتى مادز وسلم علية كولهم طالعين رحت تمددت بفراش عزيز نفس العطر الي يستعملة ع المخدة اخذتها خليتهه بغرفتي شبية يربي شو كولش تعلقت بي وهوة صدوك خطب يعني هاي هية راح يصير الغيري طلعت موبايلي بدون تفكير دكيت علي من كال الو مثل الفزيت وگطعتة شمرت الموبايل دك علية شكولة هسة.
نور" الو
عزيز " هلا نور كلت الو وانگطع.
نور " أي شلونك؟
عزيز " الحمدلله شبي صوتج؟
نور" لا بس جنت نايمة.
عزيز" كولي رايدة شي؟
نور" لا بس ملكيتكم بالبيت تجون ع الغدة؟
عزيز" انة بالطريق راجع للبيت.
نور" ها توصل بسلامة.
عزيز " يسلمج ياغالية.
نور" الف مبروك عزيز.
عزيز" الله يبارك بيج يوم الالج.
نور" ههههه أشكرك.
عزيز" تدوم ضحكتج بعد بيتي.
نور" خليت أيدي ع الموبايل وبجيت متحملت.
عزيز" نور وياي؟
نور" أي وياك تسلم.
عزيز" شبي صوتج نور اذا ماتحجين هسة آرد.
نور" أي ياريت ترد تعال رد النور والله تموت بدونك....لا مبية شي بس جنت نايمة باي.
شمرت الموبايل وشمرت نفسي ع الجرباية وابجي حتى كلامة الجنوبي الجنت اتعقد منة صار عندي مثل الموسيقى حبيت كولشي بي يربي اااخ شلون أنساه.
