#واقع_حال النهاية ان شاء الله تعجبكم آرائكم تهمني😊😘
#16#
نور" انتظرت شوية واتصلت دلال.
دلال" شوفي خية اجيج من الأخير خاف يجي عزيز وماكدر احجي.
نور" كولي اسمعج.
دلال" انة من يوم العرست عرفت عزيز ما رايدني بس هوة مابين شي صدك ما مقصر وياي بس انة أحس گلبه مو يمي وبعدين عرفت هوة جان عاشگچ .
نور" حبيبتي هذا الحجي من زمان هسة انتي زوجتة وأم بنتة.
دلال" لا خية عزيز لليوم عاشگچ وكبل يومين كال راح يمشي عليج.
نور" شنو يعني؟
دلال" يعني يريد يخطبج وانة حجيت وياه وترجيتة ولطمت وبجيت مافاد.
نور" لتبجين حبي اني مستحيل اهجم بيتكم.
دلال" انة هم كلت نور عاقلة ودارسة احجي وياهه وافهمهه خية انة يتيمة ونسوان اخوتي ماينجرعن وهنا مو مثلكم مايرضون مرة تطلك واحجيلج الصدك انة ما أتحمل عزيز يأخذ علية .
نور" والمطلوب مني شنو؟
دلال" عزيز والحجية واخوتة باجر يجونكم انة اترجاج لا توافقين بعزيز يرضيج تاخذين رجال من مرتة وبتة؟
نور" لا طبعاً.
دلال" يعني اطمن خية ما راح توافقين على عزيز.
نور" اطمئني حبي .
دلال" انة اعتذر منج وفدوة لا تجيبين طاري ترى عزيز يطلكني.
نور" لا مراح اكول لتخافين.
دلال" الله يستر عليج ويرزقج ببن الحلال في أمان الله.
نور" تسلمين حبي الله وياج.
سديت الموبايل وأني مصدومة عزيز كل هاي الفترة ساكت وبعيد ثاري مخطط يتزوجني اذا اجة باجر شكولة اني روحي بي بس زوجتة كسرت خاطري احسن شي ادوس ع گلبي وارفضة خطية زوجتة وبنتة.
عزيز " يلا يمة طلعت الشمس .
دلال" ما الله هداك امشي وياكم ؟
عزيز " لا نوب من امشي اخذج أم نور لا يضل بخاطرج علية انة نور من زمان رايدهه وان شاء الله ما قصر وياج انتي هنا معززة مكرمة ونور اخليهه بيتنة البغداد.
دلال" حجيت هواي عزيز بس ماسمعتني.
عزيز" جا هذا شرع ربج وانة البنية رايدهه مو بيدي والخلقج.
ماجد" يلا خوية جاهزين.
عزيز" خابرت عمي كتلة لا تسوون غدة نأخذ من المطعم.
ماجد" اي خوش سويت.
زينب" ولج نور تعرفين شنو جيتهم؟
نور" أي اعرف.
شهد' عزة وليش مفرحانة ؟
نور" على شنو افرح ع خراب البيوت ؟
زينب" ياستار شهل الحجي.
نور" المهم شنسوي غدة؟
شهد" عزيز كال لتطبخون نجيب ويانة.
نور" وصلو بيت عمي جنت أتمنى عزيز ممتزوج جان هسة اني أسعد إنسانة تغدو وبعد الغدة دز علية بابا .
نور" السلام عليكم.
الجميع " وعليكم السلام.
بابا" تعالي بابا يمي ماكو غريب ويمكن عرفتي الجماعة شنو جيتهم.
نور" اي بابا عرفت.
عزيز" انه فهمت عمي الشباب عندي هنا بيت ابغداد يعني قريب ع اهلج وشتردين انة حاضر.
نور" وأني مدنگه .جيتكم ع راسي بس اني مموافقة.
عزيز" نور شني هذا الحجي صاير شي ؟
الحجية" ليش يمة عزيز رايدج وشاريج؟
نور" ادري عمة بس زوجتة شنو ذنبها مكدر اخرب بيتة.
عزيز" انة ما راح اطلكها وهية راضية وذيج ابيتها معززة مكرمة.
نور" مستحيل وحدة تقبل زوجها يتزوج اكيد ضغطتو عليها.
زينب" نور ديكلج قابلة البنية وانتي هنا وهية هناك مو يمها يعني.
نور" عكسيها عليج زينب تقبلين علي يتزوج عليج لو انتي شهد تقبلين سعد يتزوج.
بابا" براحتج نور اني ما اجبرج القرار الج.
علي" فكري زين نونة.
عزيز" بس من رخصتكم احجي وي نور شوية بالحديقة.
بابا" براحتكم احجو.
عزيز" شبيج نور وانة كلت اسويهه مفاجأة واخليج تفرحين جا انتي ما تحبيني مثل كبل لو اكو شي ما عرفة.
نور" دنگت وبجيت.
عزيز" لا تبجين حاجيني باوعي بعيوني وكولي ماريدك عزيز هسة آرد البيتنة وبعد ما تشوفيني .
نور" اي ماريدك روح البيتك وبنتك.
عزيز" رفعي راسج وحاجيني انة اقرة عيونج ولو صدك شفت بيهن ماترديني امشي واعوفج.
نور" عزيز فدوة اروحلك لتصعبها علية.
عزيز" عوفي الخطبة بس احجيلي شبيج شصاير؟
نور" مصاير شي عزيز .
عزيز" احلفي يلة نور احلفي ماصاير شي .
نور" عزيز انت تبقى عزيز علية وابن عمي بس ما اكدر اتزوجك.
عزيز" ليش نور شني التغير رفضتيني كبل وشفتي شصار تدمرت حياتي وحياتج بسبب غلطة.
نور" بس حياتي الي تدمرت انت عايش حياتك.
عزيز" وحق علي عايش بس گلبي هنا اكدر من يوم العرستي انهي عليج واخذج بس ما ردتج بالقوة ولو رجلج ذاك بي خير ما جان طلكناج جا دست ع گلبي وسكتت واتحملت صار سنين متاني هذا اليوم اجي ملهوف تكليلي ما أريدك.
نور " عزيز اني أريدك بس ما أريد اخرب حياتك.
عزيز" اوكفي دقيقة طلع موبايلة اتصل ع دلال وفتح سبيكر الو دلال هاي نور جاي تسمعج انة مو حجيت وياج وما اجيت اخطب نور آلة من رضيتي؟
دلال" أي.
عزيز" علي صوتج انتي مو راضية بهذا زواجي من نور؟
دلال" أي راضية.
عزيز" سمعتي نور هاج احجي وياهه.
نور" عزيز اكيد متريد تكسر خاطرك.
عزيز" لا إله إلا الله. عمي دلال احجي انة مقصر وياج؟
دلال" لا ما مقصر.
عزيز" جا شكو بعد نور اسألج آخر مرة راضية بية لو امشي.
دلال" عزيز تريد الصدك بس لا تزعل علية؟
عزيز" احجي شكو ؟
دلال" احلف ما تزعل علي؟
عزيز" وروح ابوي ما ازعل احجي؟
دلال" انة أمس خابرت نور وترجيتها ما ترضى بيك.
عزيز" أخذ نفس وطلع جگاره خوش دلال يصير خير في أمان الله.
يعني هاي السالفة دلال حجت وياج؟
نور" أي حقها تخاف على بيتها وزوجها.
عزيز" خوش نور يعني مصرة ع عنادج؟
نور" صدكني أحبك أكثر من روحي بس مكدر إكسر خاطرهه.
عزيز" براحتج دخل للاستقبال يلا نرد للبيت.
علي" كول يا الله دنيا مغرب.
الحجية" خير يمة وكت سفر؟
عزيز" تضلين انتي وماجد وانة ماشي.
سعد" كول يا الله يخوي وين رايح بهل الليل.
الحجية" يمة نورة ليش تكسرين خاطرة عزيز شاريج.
عزيز" كافي يمة سدو هذا الموضوع.
نور" اوف ربي ليش مدتفهموني والله ميهون علية إكسر خاطرة بس ما أريد اخرب بيتة.
الحجية" والله جنت ما راضية ع هذا العرس بس من شفتج أصيلة وتخافين ربج انة ما امشي منا آلة ازفج ال عزيز.
نور" ههههه انتي الأحسن عمة.
سعد " وحق الله نور موافقة اختي واعرفها ها نور تتذكرين الحجي الي بالمستشفى؟
حسن" مو بس موافقة اصلا طايرة من الفرح بس تدلل ع عزيز .
بابا" ههههه هاي كلكم ع نونة.
الحجية" ها يمة شكلتي ماعندي خاطر يمج؟
نور" بست ايدها خاطرج ع عيني وراسي.
عزيز" طلع برا يدخن.
نور" طلعت وراه وين راح تروح؟
عزيز" مالج شغل .
نور" لا عيني منا وهيج تسمع كلامي ههههه.
عزيز" ايي شكالولج علية امشي بكيف النسوان .
نور" شتحب اسويلك ع العشة؟
عزيز" أكلها أريد امشي تكلي عشة.
نور" والله اذا مشيت امشي وياك.
عزيز" ها شغيرج مو ما ترديني؟
نور" ليش اني شعندي غيرك.
عزيز" يعني ما توافقين ع عزيز آلة يقنعوج؟
نور" اصلا موافقة عليك قبل أربع سنوات 🙈
عزيز" ههههه جا آلة تشلعين گلبي؟
نور" ما عاش الي يشلع گلبك.
عزيز" باجر العرس شتكولين؟
نور" لا عزة أريد صالون وبدلة وقاعة.
عزيز" ولج والله مشتاگلچ وهاي السوالف تاخذ وكت.
نور" صبرت سنين متصبر شهر.
عزيز" خاف شهر وتزعلين هنة عشر ايام ويصير العرس.
نور" اوك يلة ندخل.
نور" مشت الأيام تحضيرات وفرحانين خابرت دلال وشرحت موقفي حسيتهه اقتنعت وصل يوم العرس اباوع بالقاعة واكول يعني هذا عرس وعرسي وي بهاء عرس لا طعم ثاني الي تأخذ حبيبها تشوف العرس بطعم ثاني ممصدكة عزيز كاعد يمي خلصت الحفلة و وصلت البيتي ماشاء الله حلو وجبير واثاثة جدید واكولة عزيز اگرصني حاسة نفسي بحلم الحمدلله تزوجنة وتحقق الحلم وعزيز مدللني عايشة مثل الأميرة واذا حسيت بي مقصر وي دلال احجي وياه ويروح يشوفها هم خطية زوجتة صرت حامل واجاني ولد يخبل يشبه أبو وعايشين بسلام ومحبة وانتهت قصتي😊
النهاية
#منقولة
