#واقع_حال
#5#
نور" صار الصبح الشباب طلعو للصيد وقسم طلعو للزرع والنسوان كل وحدة ع شغلها بابا رح المعارفة والحجية بغرفتها دخلت ع عزيز لكيتة يتريك.
نور" صباح الخير شلونها ايدك؟
عزيز" هلا بيج الحمدلله تعاي تريكي.
نور" لا بالعافية اتريك وي البنات.
رحت للمطبخ لكيت البنات هوسة وطبخ كالن اليوم منخلص من الناس كلها رح تجي تشوف عزيز ساعدتهن ومن الصبح لليل ناس رايحة جاية تشوف عزيز تعبنة كولش حضرنة جنطنة الصبح نرجع البغداد آني مكدرت انام ورأي سفر طلعت برة اشبع من جوهم الحلو صورت الحديقة طلع عزيز.
نور" محتاج شي بس لا مصخن؟
عزيز" لا الحمدلله باجر ماشين؟
نور" أي ان شاء الله.
عزيز" ماشبعنة منكم.
نور" ان شاء الله هم نجيكم.
عزيز" أي ان شاء الله.
نور" أحس اكو كلام بعيونة بس ميحجي. اروح انام وراي گعده.
عزيز " أي براحتج انة هم رايح انام.
نور" دخلت اتكلب بفراشي لزمت الموبايل ردت ادزلة رسالة استحيت تعبت ونمت گعدت الصبح بدلنة وتريكنة ماجنهن اربع أيام حبيتهم كولهم ناس طيبين وگلوبهم نظيفة سلمنة عليهم وطلعنة طلعو أولاد عمي ورانة عزيز ضايج يباوعلي وأني أتمنى يحجي شي بس ما حجة مدري شبية طول الطريق اصفن جن عفت گلبي يمهم ورجعت وصلنة للبيت ضايجة صعدت سبحت وصليت ونمت فزيت ع صوت الرسالة فتحتها من عزيز الحمدلله على سلامتكم.
نور" جاوبتة الله يسلمك انتظرت يكتب بعد ماكتب.
كتبت شلونها ايدك؟
عزيز " الحمدلله مابيها شي.
نور " مرت الأيام وإني أتمنى بس يتصل ماكو عيونة متفارك بالي وعطرة بخشمي وصوتة بذني،
اجاني سعد كال اني فكرت ورح اخطب شهد فرحت من كل گلبي بشرت شهد وحددنة يوم الخطوبة بعد أسبوع.
نزلت انضف الاستقبال واشم ريحة عزيز قريب ع التلفزيون اجيت ادور لكيت شيشة عطر بيها شوية أي هذا عطر عزيز ناسيهه شميتهه اوووف ردت روحي ضميتها بغرفتي وكل ما اشتاقلة اروح اشمها مرت الأيام وصلت خطوبة سعد وشهد اجت مروة يم شهد وزينب وياي نرتب ومخبوصين وشهد طايرة من الفرح صارت الخطوبة والعقد بنفس اليوم اجو عمامي كولهم واخوان عزيز بس عزيز ما اجة😢 كالو مشغول أسبوع ويجيكم،
زينب" نور ح تصيرين عمة هههه
نور" صدوك حامل😍
زينب" أي الحمدلله وانتي اول وحدة بشرتج.
نور" حضنتها الف مبروك حبيبتي.
بابا " نور بابا باجر يجي عزيز هم يبارك السعد ويكول عندي الك ابشارة كون تكعدون من وقت تسوين غدة.
نور" مدري ليش من كلي بابا دكات گلبي زادت وضحكتي ترست وجهي. ان شاء الله بابا.
زينب" تعالي ولج شكو؟
نور" شكو؟
زينب" عيونج فضحتج فرحتي وصرتي حمرة وعيونج تلمع خاف طمستي بعزيز.
نور" ههههه ميعبر عليج شي
زينب" ها مو جنتي تكرهينة؟
نور" كرهتني العافية اذا اكرهه.
زينب" سمعتي عمي من كال اكو بشارة؟
نور" اي وشنو؟
زينب" ولج اكيد جاي يخطبج.
نور" يمكن بس اني رفضتة خاف بعد ميحجي.
زينب" دنجبي هوة الي يحب يرفض مرة ومرتين.
نور" ولج گلبي ح يوكف معقولة جاي يخطبني.
زينب" دكومي خل نرتب وابات يمج حتى نكعد الصبح وننتظر العريس وهلا هلا.
نور" كمت مثل الفراشة أحس الدنيا كولها ألوان وردي وسعادة متنوصف خلصنة شغلنة ومكدرت انام جبت شيشة العطر خليتها يمي ونمت الله أحلى نومة الصبح اشوف عزيز صار شهرين مشايفتة نوب يخطبني الحمدلله يربي.
زينب" نور كعدي عيني عروستنة.
نور" ههههه لج خل نتأكد وكولي عروس.
زينب" واضحة عيني ميحتاج نتأكد.
نور" وصل عزيز؟
زينب" وصل وصاير يخبل والكشخة يسلام.
نور" طفرت من فراشي سبحت وبدلت ونزلت أريد أسلم واستحي بس مشتاقتلة شلون زينب دبريني.
زينب" ولج الولد طالعين وعمي بالحمام روحي سلمي.
نور " دكيت الباب. السلام عليكم.
عزيز " أهلا وعليكم السلام شلونج نور؟
نور" اباوع بعيونة وگلبي يرجف ولا كأنه هذا عزيز الجنت اضوج منة ليش اليوم متغير ليش أحس نفسي بحلم. الحمدلله أنت شلونك؟
عزيز" بخير اذا أنتم بخير شخبار الدراسة؟
نور" الحمدلله نقبلت بكلية التربية بعد أسبوعين ابدي اداوم.
عزيز" الله يوفقج. ولو اتعبج أريد كلاص جاي وسط .
نور" أي تدلل🙂.
زينب" ها بشري؟
نور" شنو بس سلمت وراد جاي.
اتصلت شهد كالت ح نجيكم اني ومروة فرحت بيهن صعدنة فوك سوالف وضحك ومروة كالت طرحت وبجت كونالهه الله كريم الله يعوضج بعدكم زغار.
زينب" نور اسمع عزيز وعمي يحجون.
نور" أي مسمعتي شگالو؟
زينب" لا بس اكو طاري خطوبة.
شهد" اكيد عليج عمري الف مبروك.
زينب" بعد ما أصبر رح أسأل علي.
نور " أي وتعالي كوليلي.
نزلت زينب تسأل علي وأني أخذ الغرفة واجيبها شهد ومروة يضحكن عليه بس شسوي مو بيدي مكدر اكعد صعدت زينب كل باية من الدرج أحس گلبي يوكف تعالي زينب خلصينة شكو.
زينب" اني رح اسوي عشة.
نور" شبيج زينب شو فجأة ضجتي؟
زينب" لا حبي مابية راسي يوجعني.
نور" سلامتج حبي سألتي علي؟
زينب" أي سألتة ورا العشة نسولف.
نور" زينب احجي شكو؟
زينب" عزيز خاطب وحدة من ديرتهم واجة يبشر عمي!!
نور" أريد أسد حلك زينب أريد اكوللها فدوة لتكملين هوة جاي يخطبني گلبي يكولي صارت الدنيا سودة بعيني محسيت بوجود زينب وشهد ومروة دخت أحس واحد ضربني ع راسي وگلبي عصرني.
مروة" نور شبيج بنات شوفن وجها أصفر.
نور" مبية شي أريد انام.
أريد انام وكأنه أريد اهرب من الواقع أريد أنسى الشي السمعتة أريد انام وكأنما ما أريد اكعد بعد نزلت زينب ومروة خلت راسي ع رجلها وشهد تقرالي آيات غفيت.
يتبع
