#واقع_حال
#13#
شهد" نور والله قلقتيني تاخذين الحوش وتجيبينة .
نور" خايفة شهد خايفة اذا صار شي ع عزيز آموت والله.
زينب" ها بنات شنو الأخبار؟
نور" ولا واحد يرد على الاتصال.
زينب" رح اتصل ع علي .
بابا" شنو دكتور بعدة مصاحي؟
الدكتور " أي بعدة ليش هية سهلة خمس طلقات وعملية كبرى .
ماجد" دكتور نسفرة خارج العراق؟
الدكتور " ميحتاج ان شاء الله رح يجي اليوم دكتور شاطر من الخارج ويشوف حالتة.
علي" يا الله ان شاء الله خير.
حسن" علي موبايلك خمسين مرة دك.
علي" جان رديت ياحسوني اكيد الناس قلقانة. الو .
زينب" شسالفة علي متنة خوف.
علي" والله جنة يم الدكتور والأجهزة يم حسن.
زينب" طمني ع عزيز؟
علي" لحد الآن بالعناية شفنا من بعيد .
نور" سألي شكال الدكتور.
علي" هاي نور يمج لتخافون الدكتور يكول حالتة مستقرة.
نور" الحمدلله ياربي الحمدلله.
شهد " مو گوتلچ گلبي بارد شبيج قلقتينة.
نور" گعدت آبجي والبنات يمي.
لليل اجو بابا وعلي وحسن بس سعد باقي يم ماجد بالمستشفى.
نور" بشرو ؟
بابا" بعدة مكاعد والدكتور كال احتمال يبقى الباجر بعد گعدتنه مابيها فايدة.
علي" شفنا من بعيد كلة صوندات وأجهزة.
نور" يحجون وأني دموعي تنزل وحدها.
راحو نامو تعبانين والبنات نامن رحت گعدت بالمطبخ.
حسن" بعدچ منايمة؟
نور" لا حبيبي مگدرت.
حسن" نروح أني وياج الفجر وتشوفين عزيز.
نور" ان شاء الله حبيبي روح نام.
بقيت للفجر أصلي وادعي گعدت حسن ورحنة للمستشفى بعد ما أتحمل أريد اشوفة وصلنة لگينة سعد بالممر.
سعد" خير شو جايين من الصبح؟
نور" سعد احجي وي الدكتور خل أدخل العزيز قبل لتجي الناس.
سعد" نور شسالفة شكو ؟
نور" ماكو شي بس أريد اسويلة تسبيحات يم راسة ما اتأخر.
حجة سعد وي الطبيب ودخلت للعناية گوه كاتمة صرختي سدين حلكي ودموعي تجري.
نور" عزيز لزمت ايدة بهدوء گوم عزيز لتخوفني عليك اموت بدونك گوم الخاطري الخاطر بنتك ريت نومتك آلية ريت الله يأخذ من عمري وينطيك احجي وابجي اجتني الممرضة.
لتخافين حبيبتي ان شاء الله يگوم زوجج بالسلامة.
نور" زوجي ههه مشكورة حبي .
الممرضة " يلا حبيبتي طلعي الدكتور ميقبل.
نور" طلعت بالشارع گعدت اني وحسن وشفت سيارة وگفت نزلو حامد أخو عزيز ودلال والطفلة.
سلمنة عليهم ودخلو للمستشفى خطية زوجتة تبجي بس مو مثلي!!
سعد" أهلا وسهلا الحمدلله على سلامتكم.
حامد" الله يسلمك ما كعد؟
ماجد" لا بعدة لتبجين أم نور عزيز قوي.
دلال" ان شاء الله خوية يگوم بسلامة.
الدكتور " عزيز رجع الوعية الحمدلله عدت مرحلة الخطر.
نور" گعدت ع الكرسي وبجيت الحمدلله.
سعد" نكدر نشوفة؟
الدكتور " مو كولكم هسة خل يدخلون المقربين اثنين بس .
حامد" أي انة أخو وهاي مرتة.
نور" المقربين أخو وزوجته وأني شنو اني مو أقرب إنسانة علي مو من حقي اشوفة واسمع صوتة😞
دلال" خية بلا زحمة لزمي الطفلة شوية.
نور" أي حبيبتي تعالي هلا بالغالية بنت الغالي تعرفين حبيبتي ابوج سماج ع اسمي يعني يحبني أكثر من امج بس مو أكثر منج انتي بنوتة الحلوة.
حسن" انطيني اني اشيلها.
نور" انطيت الطفلة الحسن ورحت اباوع من بعيد دلال واكفة يم عزيز ولازمة ايدة وتبجي وحامد واكف يم راسة ردت بس اشوفة مشفتة شيصير لو اني بمكان دلال اوكف يمة براحتي آبجي علي براحتي بدون خجل من احد.
سعد" اعرف شنو بگلبچ نور.
نور" التفتت ع سعد شنو قصدك؟
سعد" عيونج فضحتج لهفتج البارحة ع عزيز حاس بيج نونة بس ديري بالج عزيز عندة عائله وأنتي عندج رجال صيري قوية وابتعدي.
نور" حضنت سعد وبجيت.
سعد" اعرف صعبة عليج بس اذا مشيتي بما يرضي الله راح ترتاحين والله راح يعوضج.
حسن" اجو بابا وعلي.
علي" ها گعد عزيز؟
ماجد" اي يخوي الحمدلله.
بابا " الف الحمدلله . يخلونة نشوفة؟
سعد" يمة حامد ودلال.
نور" بقى عزيز أسبوع بالمستشفى وأني اشوفة من بعيد وأرجع أهلة وعمامي كولهم بيتنا وبهاء يومية مرزلني . عزيز ضاج من المستشفى وقعوا ع مسؤوليتهم وطلعو بابا ذبح وعزم وناس تروح وتجي مرت الأيام وبدة يتحسن شوية بس ميمشي يمشونة بكرسي صعدت تعبانة من الشغل وكولهم نايمين ردت انام اندك علية الباب.
نور" تفضل.
حسن" همزين گاعده.
نور" شكو ؟
حسن" بصوت ناصي عزيز يريدج هسة!
نور" ما جنها عزيز يريدج كأنما كلي عزيز خطبج گلبي رجف ودموعي نزلت.
حسن" خرب حضي شبيج صفنتي گومي يريدج.
نور" أي أي جاية روح أنزل وراك.
يتبع
