#واقع_حال
#3#
بابا" نور نور بابا كعدي بيت عمج رح يرحون.
نور" اي بابا كعدت صباح الخير.
سعد" لو باقين بعد مشبعنة منكم.
ماجد" ان شاء الله هم نجيكم وأنتم هم تعالوا لينة .
بابا" ان شاء الله بالعطلة نجيكم.
عزيز" يلا جاهزين؟
سعاد" أي يلا خية مع السلامة تعبناكم.
نور" لا حياتي ونستونة.
طلعو ماجد وزوجتة وبابا طلع وراهم سعد طلع الجنط وبقى عزيز يلبس بجاكيتة.
عزيز" أنة ماشي نور لا يضل ابالج علي.
نور" توصلون بالسلامة لا عادي:
عزيز" انة رح ارجع بعد شهر هم عندي معاملة وان شاء الله جية خير.
نور" مدري شيقصد بس نظراتة متطمن. أي هلا بيك.
عزيز" ديري بالج ع روحج ولا تطلعين وحدج في أمان الله.
نور : مرت أيام امتحانات وخلصتهه قراية خلصت الامتحانات الحمدلله واليوم حنة مروة ورحنة وياهه للصالون اني وشهد سوينة شعرنة ومكياج وفساتين ورگصنه لحد ما وكعنة هههه صار الليل أجة عليه سعد.
شهد" ولج نور سعد بالباب أخ گلبي.
نور" هههههه خبال يلا تعالي ويانة نوصلج.
سعد" ها نور جاهزة؟
نور" أي بس نوصل شهد بطريقنة.
سعد" اي بخدمتهه يلا امشن.
شهد" تشاور نور ولج نور شو اني بالكعب أطول من سعد .
نور" هههههه شسويلج اذا حابتلج واحد قزم.
شهد" فديت القزم انة شوفي مشيتة مدنك والنظارة الطبية كيوت كيوت.
نور" وجع ثگلي سعد يحب الثگيلة.
وصلنة شهد ودخلنة البيتنة واشوف عزيز واكف يغسل بالحوش.
نور" سعد عدنة خطار؟
سعد" لا بس عزيز نسيت اگلچ.
نور" مساء الخير.
عزيز" مساء النور يانور.
دخلت شفت زينب مرت علي خطية مسوية العشة وغاسلة مواعين ودتسوي جاي.
زينب " ولج نور تعالي خبر بشدة.
نور" شكو ولج؟
زينب" علي يكول عزيز محاجي عمي عليج.
نور" شنو يعني؟
زينب" ولج يريد يخطبج.
نور" صدوك تحجين ومن كل عقلة أوافق علي؟
زينب" ليش عيني شبي شخصية وشيخ وابن عمج.
نور" ع روحة لو اموت ما أقبل معقد ويخنك.
زينب" لتصيرين غبية متلكين احسن منة.
نور" ولج تعبانة خل اروح انام .
نمت مگعدت آلة بالعشرة الصبح لكيت بس حسن بالبيت كاعد ع اللابتوب .
نور" ها حسوني زينهم؟
حسن" بابا وسعد راحو بشغل وعزيز عندة معاملة.
نور" اوك خل اسوي غدة والله حيرة شسوي.
حسن" بابا كال عزيز يحب تمن مطبك بسمك.
نور" اوك ح اسوي.
حسن " أي طبعاً تسوين خطيبج هههه.
نور" أنجب شهل الحجي؟
حسن" شعلية اني سمعتهم يحجون بليل.
نور" أي اسكت مو بكيفهم اروح اطبخ احسن.
دخلت المطبخ سويت غدة واندك الباب رحت افتحة.
نور" منو
عزيز" انة عزيز.
نور" فتحت الباب أهلا تفضل.
عزيز" انة مو كتلج لا تفتحين الباب شني محد بالبيت؟
نور" حسن موجود كاعد ع اللابتوب وو
قاطعني. حسسسن حسسسن
حسن" ها تفضل.
عزيز" انت مو هنا ليش اختك تفتح الباب؟
نور" هسة شسوينة كفرنة هوة باب وفتحتة.
عزيز" صوتج ما يعلى بعد والباب ممنوع ينفتح فهمتي؟
نور" وانت شنو تنطيني أوامر؟
عزيز" أي اطيج انة ابن عمج.
نور" بابا واخوتي موجودين انت خطار مدخلك!
عزيز" نوور للمرة الألف انة ابن عمج وتسمعين كلامي مو عزيز المرة تعلي صوتها علي كلت الباب ما ينفتح وطلعة وحدج ماكو !
نور" خلصت محاضرة عندي شغل؟
عزيز" خوش نور ماباقي شي وتجين يمي وهذا السانج اكصة!
نور" حجة هيج ودخل بقيت صافنة هذا شبي من كل عقلة اتزوجة والله يا الله .
اجو بابا وسعد وصبيت غدة ع السريع مروة وشهد الف مرة اتصلن عرس مروة اليوم اجت علية شهد بدلنة ردنة نطلع شفت عزيز برة.
عزيز" خير ان شاء الله وين؟
نور" استغفر الله ربي عرس صديقتي ورايحة بابا يدري.
عزيز" لحظة اوكفن حسسسن.
حسن" ها .
عزيز" وصل البنات البيت العروس وتعال.
نور" ميحتاج قريب وشهد وياي.
عزيز" سمعت حسن؟
حسن" أي بس البس.
عزيز" خلي جهازج يمج من يخلص العرس تخابرين علينة نجيج.
نور" اي صار يلا شهد اتأخرنة .
