#واقع_حال
#2#
نور" الولد نايمين واذا فتحت الباب شكو بيها؟
عزيز" نايمين تگعديهم يجوز رجال ع الباب عمي يرضى نسوان تفتح الباب؟
نور" واذا رجال أني دائماً افتح الباب.
عزيز" نصي صوتج وفوتي جوة انة افتح الباب!
نور" دخلت بس ادردم واغلط علي سمعت بيهم معقدين اوي شدعوة.
سعاد" ها خية شبيج؟
نور" شنو هذا عزيز شدعوة هيج رحت افتح الباب شسوة بية.
سعاد" ولج ماعدنة بت تفتح الباب ولدنة مايرضون.
نور" أي هاي عدكم عدنة عادي.
زينب زوجة علي" نور كافي عيب مصار شي"
نور" كعدت ضايجة من عزيز كلت اروح يم شهد بس عيب اعوف البنات وحدهن دخلن سعاد وزينب سون عشة وبابا والشباب طلعو ع اقربائنا كملنة العشة اتصلو كالو تعشن احنة معزومين تعشينة وضمينة الباقي نضفت البيت صارت ب 11 وهم ماكو سعاد نامت وزينب راحت البيتها بقيت وحدي انتظرهم من الضوجة سويت كيك وفرشتلهم وسمعت الباب انفتح ركضت للمطبخ.
سعد" تفضلو نور سوينة جاي .
نور" أي صار مسوية كيك تردون؟
سعد" والله هواي اكلنة بس كيكج ميتفوت خلينة .
بابا" اني رايح انام أنتم براحتكم.
ماجد" شني هاي ريحة الكيك واصلة للشارع.
نور" صبيتلهم جاي وكيك اكلو ونامو طلعت أدخل الملابس خاف تمطر وسمعت واحد يكح وراية التفتت شفت عزيز.
عزيز" بعدج كاعدة خوش ردت كلاص مي حار الگحة كتلتني.
نور" أي تدلل هسة اسوي.
دخلت الملابس ورحت للمطبخ فورت مي دكيت باب الاستقبال.
عزيز" تعاي نور الولد نايمين.
نور" هذا المي.
عزيز" تعبتج نويرة.
نور" اهوو هم كال نويرة لا مصار شي هوة مي.
عزيز" جا ليش ضايجة اذا ع الظهر انة هذا طبعي ما ارضة بت تفتح الباب.
نور" لا نسيت هاي بس ما أحب أحد يكولي نويرة.
عزيز" هههههه جا هاي سهلة حكج علية بت عمي نور هههه.
نور" كلت بگلبي خوش هم يعرف يضحك. تصبح ع خير .
رحت نمت تعبانة وفزيت الصبح ع أصواتهم يردون يرحون عدهم معاملة كمت اسوي ريوك لكيت سعاد مخدرة جاي وسالكة بيض.
نور" صباح الخير.
سعاد " صباح العافية"
نور" لو مكعدتني ليش انتي سويتي؟
سعاد" لا خية هوة ريوك بس راح اكلي طماطة آل عزيز ما ياكل بيض.
نور" اكو اجبان بثلاجة.
سعاد" حتى جبن ماياكل.
نور" اوك اني ح اسوي طماطة كعدي انتي. سويت الريوك وتريكو وطلعو كالو للعصر يلة نرجع نظفت البيت ورحت يم مروة اليوم نكعد يمها.
شهد" ولج نور الصبح شفت رجال ابابكم والله شخصية اول مرة اشوفة.
نور" شلون شكلة عدنة ولد عمو اثنين خطار.
شهد" طويل واسمر وعندة لحية وشامة بخدة وعيونة كبار.
مروة" ههههههه خرب حافظتة كلة.
نور" هههه هذا عزيز ابن عمي صدك شخصية بس معقد ومكروه.
مروة " تعالن دورن وياي ولجن باقي عشر أيام ع زواجي ودا ابحث ع بدلة حلوة .
نور: أخذتني السوالف نسيت نفسي واسمع أذان المغرب طفرت ولجن اتأخرت و ممسوية عشة والله عيب بس لا اجو.
مروة" شبيج لو جايين جان خابروج.
نور" طلعت موبايلي لكيتة صامت ومتصلين علية بابا وسعد. عزززة لج صامت ومتصلين علية يلا باي.
طلعت مستعجلة وشفت بالطريق جيرانة بهاء يووو شيخلصني من نظراتة نوب يمشي وراي وصلت للباب شفت عزيز واكف بالشارع شافني امشي وحدي خزرني.
نور" هلو عزيز شوكت اجيتو؟
عزيز" عوفي الهلو وفوتي جوة!
نور" شبيك رد السلام؟
يحجي وياي بضوجة وعينة ع بهاء !
عزيز" نووور كلت جوة!
نور" دخلت بعصبية لكيت سعاد وزينب بالمطبخ ديسون عشة.
سعد" شسالفة نور نتصل وماكو؟
نور" جان صامت ومسمعت وين بابا؟
حسن" يصلي بالاستقبال.
بابا" ها نور اجت؟
نور" آسفة بابا اخذتني السوالف.
عزيز" عمي عندي وياك حجي اذا تسمحلي.
نور" يحجي وي بابا وعينة علية.
بابا" أي تفضل ؟
عزيز" ترى زحمة بت مثل نور تطلع وحدهه دنيا مغرب وشباب تارسة الشارع.
نور" بابا يعرف اني جنت يم صديقاتي ودائما ارجع وحدي شكو بيها؟
بابا" نوور عزيز ابن عمج عيب هيج تحجين روحي ساعدي البنات .
نور" شكد كرهتة وكرهت تصرفاتة عفت بابا يحجي وياه ورحت حضرت العشة وصبيت تعشو ونامو طلعت الملازم وكعدت اقرة اني سادس أدبي والامتحانات جاية وكولشي مقارية.
تعبت وجعت رحت للمطبخ اسويلي لفة اسمع التلفزيون يشتغل مديت راسي بالاستقبال وصارت عيني بعين عزيز رجعت ركض للمطبخ.
عزيز" نور بعدج كاعدة؟
نور" أي رايد شي؟
عزيز" ردت جاي اذا تكدرين.
نور" أي هسة تشرب هنا لو بالاستقبال؟
عزيز " لا هنا كعد ع كرسي بالمطبخ كلما التفت اشوفة يباوع ومن يشوفني يدنك.
نور" تفضل تصبح ع خير.
عزيز " كعدي شوية نور احجي وياج دقيقتين .
نور" گعدت أي تفضل دا اسمعك
عزيز" اسمعي بت عمي انة باجر راجع البيتنة وماريدج تضلين زعلانة.
نور" اني مزعلانة بس ممتعودة أحد يصيح علية.
عزيز" انة مو أحد انة ابن عمج وطبعي كلش حريص عمي والولد الله يحفظهم هواي مطينج مجال.
نور" شنو قصدك الحمدلله واثقين بية وممسوية شي غلط.
عزيز " لا مسوية طلعتج وحدج غلط اليوم تمشين و واحد يمشي وراج عيب هاي التصرفات وشعندج ماشية الصاحبتج ليش ما هية تجيج؟
نور" احنة يومية يم وحدة وبابا يدري وقابل.
عزيز" ابوج راضي انة ما راضي!
نور" انت جاي تعتذر لو تتعارك؟
عزيز" يابة انة ماتعارك بس متعود احجي بصوت عالي نور بعدج زغيرة والدنيا ما تتأمن انة احجي المصلحتج.
نور" اروح انام محتاج شي؟
عزيز" لا روحي بس گبل لا ما امشي باجر كون اشوفج.
نور" ليش؟
عزيز" يعني شني ليش هيج بس أسلم عليج ولا يضل ابالج علي.
نور" ههههه اوك.
عزيز: شمالني من اشوفهه ارتاح وانسى انة منو نوب من ضحكت أحس مي بارد طاح ع گلبي أروح انام وراي كعدة.
نور" شبي هذا شو ساعة عصبي وساعة يضحك وأني شبية سمعت كلامة ومزعلت اني مو جنت اذا بابا يعلي صوتة علية ازعل وابجي ليش من عزيز مزعلت هسة اني عليمن مدوخة روحي انام احسن.
يتبع
#منقولة
