#واقع_حال
#10#
نور" مر شهر ع زواجي عندي غرفتي مثل السجن من اروح الأهلي يلة أتنفس سمعت عزيز مسمي بنتة نور انكسر گلبي ادعي بكل صلاة كون أنساه واحب بهاء يارب شكو محبة بگلبي تصير الزوجي طلع عزيز من گلبي عزمونة أهلي ورحت فرحانين شهودة حامل بقيت لليل ورجعت،،،
أم بهاء" هلا بيكم شرفتو.
نور" تسلمين.
أم بهاء" عيني نور ترى ميصير كل يومين راكضة الاهلج هم عندج بيت ورجال.
نور " ممقصرة اني دا أخلص شغلي واروح.
أم بهاء" لا عيني مقصرة تدرين البنات طالبات ومرت حماج عدها توم متلحك خليها كل عشر ايام وروحي.
نور" أهلي فرق شارع واحد علينة ومن اروح ما إبات اروح العصر ارجع بليل.
أم بهاء" لتردين الكلمة بعشرة وانت مو واكف متحجي.
بهاء" لتدخلني بسوالف النسوان آنتن حلنها.
نور" دخلت غرفتي بعد المحاضرة واجة بهاء لزمني فزيت.
بهاء" شبيج خايفة مني؟
نور" لا بس تعبانة وأريد انام.
بهاء" ترى مو عيشة هاي نور احسج تكشين مني شنو الفلم فهميني؟
نور" اوووف صدوك تلعب نفسي من يتقرب بس هوة شنو ذنبة. لا ليش اكش بس تعبانة هسة.
بهاء" الي يشوفج يحسدني عليج وانتي مخلصتها تعبانة ونعسانة طلعت روحي ترى اروح اسهر وي جماعتي احسن.
نور" طلع عصبي ويصيح ولا اهتميت قفلت الباب وطلعت موبايلي اسولف وي البنات كالت مروة عمر خطب وتبجي كسرت خاطري خفت اكوللها باجر اجيج خاف بهاء وأمة ميقبلون مرت الأيام صار 3 شهور ع زواجي يومية عركة مكدر اتقبلة كزوج تلعب نفسي،،،
بهاء" نوووور نوووور.
نور" خير شبيك فززتني.
بهاء" ليش نايمة غير تنتظريني .
نور" اتأخرت انت الساعة 12 خلصت شغلي ونمت.
بهاء" گومي سوي عشة وبدلي مثل العروس وتعالي خل اشوفج اليوم شلون تتحججين بالتعب والنعاس.
نور" بهاء شبيك سكران؟
بهاء" لا بس شربت شوية حتى ارتاح.
نور" عزة العزاني شلون تشرب بهاء مو حرام؟
بهاء" اهوووو دكومي عيني أم الحرام من تعرفين تنطين حقوق زوجج تعالي احجي بالحرام.
نور" وخر مني روح اسبح وصحصح.
بهاء" كوتلج بدلي وتعالي يلة.
نور" وانت صاحي تلعب نفسي منك نوب شارب والله ولا اتقربلك.
بهاء" شبيج تحجين وي روحج كومي سويلي سم.
نور" گمت سويتلة عشة خليتة يمة دفع العشة واجة يمي.
بهاء" شبيج خايفة مني لج أني زوجج.
نور" بهاء وخر مني شبيك اصحى.
بهاء" ماااا وخر وهسة شكولج تنفذين نسوان متجن آلة بالعين الحمرة.
نور" اروح انام بالاستقبال احسن ردت اطلع جرني من شعري وضربني راشدي وگعني!
بهاء" ليييش تزوجتيني اذا تلعب نفسج مني ليش وافقتي؟
نور" اااخ عوف شعري تخبلت.
بهاء" ما اعوف وخل اشوف يا حقير يطلعلج.
نور" تمد ايدك علية بهاء والله لروح اكول البابا عليك.
بهاء" روووحي كوليلة وإني اعرف شلون احجي بس اذا طلعتي نور مترجعين آلة ازوج عليج واكسر خشمج.
نور" تخبلت من ضربني وغلط علية لبست وطلعت الأهلي خفت بالشارع الساعة قريب الوحدة ولا واحد برا آبجي ومهضومة وصلت الأهلي شفت سيارة عزيز بالباب زدت بالبجي كولت خل أدخل من باب المطبخ ما اريدة يشوفني بهاي الحالة فتحت باب أهلي تلگاني عزيز،،
