#واقع_حال
#15#
نور" گعدتني الصبح مروة فرحانة حامل گتلها وزوجة عمر گالت مدخلني بيها المهم الله استجاب دعواتنا وحبلت هواية فرحت نزلنة سوينة غدة اني ومروة وزينب گاعدين بالمطبخ ونسمع الباب تفلش طلعت زينب.
زينب" نور بهاء بالباب يريدج.
نور" خير شبيك فلشت الباب؟
بهاء" امشي وياي للبيت .
نور" مو كوتلك ما ارجع وهسة بابا واخواني مو هنا .
بهاء" نووور امشي البيتج.
زينب" خوية فوت جوة وتفاهمو.
مروة" اني رايحة باي😘
نور" بهاء ما ارجع أريد اطلك.
بهاء" ههههههه تردين تطلكين وتروحين العزيز موو؟
نور" عيب عليك عزيز متزوج شهل الحجي.
بهاء" اعرف سوالفج نور وما اطلك وما اطلع منا آلة اخذج مو محبة لا بس أريد اذلج.
نور" ليش شمسويتلك ؟
بهاء" ممسوية شي بس تلعب نفسج مني اذا مترديني لييش تزوجتيني تضحكين علية ؟
نور" آسفة بهاء عبالي أحبك بعد الزواج بس مكدرت اني غلطانة صح واعتذر منك.
بهاء" لاااا مو بهاي السهولة لازم اسمم حياتج يلا ارتاح الزواج عندج لعبة مو ست نور ؟
نور" كوتلك آسفة طلكني وشوف حياتك.
بهاء" طلع حبوب مانع وشمرهن بوجها. هاي شنوووو نوور تاخذين مانع حتى ليصير طفل مني .
نور" دنگت وبجيت.
جرني من شعري وشمرني بالكاع.
زينب" خوية كول يا الله يمعود طفلة وغلطت حقك علينة عوفها لتموت.
بهاء" ووووخري لتدخلين تضحك علية نور عبالها غبي .
زينب" ادفع بي ماكو ركضت خابرت علي .
علي" ها زنوب شلونكم؟
زينب" علي واحد منكم يجي بسرعة.
علي" شكو شبيج؟
زينب" بهاء هد علينة وديضرب بنور ومحد يمنة.
علي" وگف شلووون هسة جاية هل الحقير.
بابا" خير علي؟
علي" گوم سعد طلع السيارة بهاء النذل هاجم ع البنات وضارب نور.
سعد" طيح الله حضة الطريق 3 ساعات وين نلحك رح اتصل ع آخو شهد يروح يكسرة.
عزيز" يااا آخو شهد انة رايح.
بابا" بسرعة طلعو السيارة يدوس بيتنة واحنة مموجودين هل التافه.
ماجد" عزيز انة امشي وياهم جرحك بعدة ماطاب.
عزيز" يلبس بملابسة بصعوبة طلع السيارة ماجد.
حامد" خوية احنة نمشي ارتاح انت .
عزيز " ماااجد طلع السيارة.
دلال" مو اخوتها وابوها ماشين انت المن ماشي؟
عزيز " يومين وارد في أمان الله.
الحجية " عزيز لا تتهور جرحك بعدة ما طاب.
عزيز " جرح گلبي يمة اكلف في أمان الله.
علي" الو ها زينب؟
زينب" اجة آخو شهد وطلعة وبقى يغلط گدام الجيران.
علي" ساعة ونوصل اني اعلمك بهاء.
سعد" اسألها ع نونة.
علي" نور شلونها؟
زينب" هاي نايمة ع رجلي وتبجي.
بابا" انطيني الموبايل. ها عمو انطيني نور.
نور" الو بابا وبجيت.
بابا" لا تبجين بعد ابوج هسة نوصل ونطلكج صوج القدرة وانطاه مرة.
ماجد" ها خوية خو ما متأذي؟
عزيز " أي متأذي ونار شابه بصدري.
ماجد" كتلك لا تجي الدرب بعيد وانت ماطبت.
عزيز " يدك بيدة ع گلبه انة هنا جرحي ماجد هنا.
ماجد" جا انت بعدك تحب نور؟
عزيز " مو بس احبها هاي النفس معلگه بروحي.
ماجد" وحرمتك؟
عزيز" عوف حرمتي هسة خل نحل سالفة الحيوان اااخ اذا الزمة بيدي.
زينب" نزلت راس نور ع المخدة وطلعت افتح الباب.
علي" اني زينب فتحي الباب.
زينب" ها هلا بيكم خفت وقفلتة.
بابا " نور وين؟
زينب" نايمة بالاستقبال.
ماجد" السلام عليكم.
سعد" تفضلو تفضلو.
عزيز" دخلنة شفت نور نايمة ع القنفة ومتغطية كسرت گلبي.
وين بيت بهاء؟
بابا" هسة ندز علي ناس ويجي يطلك.
عزيز " شني بس هيج مانروح ندگه ونكسرة گدام بيتة.
علي" اني رايح اعلمة.
زينب" علي فدوة كعدو مثل ماكال عمي يجي يطلك وهاي هية.
سعد" لاا ودوست البيت يدخل على النسوان وحدهن ويضرب هل الجبان.
عزيز" امشي حسن دليني بي.
علي" اني جاي وياك.
سعد" وإني هم يلا امشو.
أم بهاء" بهااء الباب يمة تفلش.
بهاء" فتح الباب ضربة علي ع وجها.
لزمو علي وعزيز شبعو ضرب.
ام بهاء" الله ليوفقكم ولكم ولية ع ابني عوفو.
عزيز" اسمع جبان لو ما أمك واكفة لخلي طلقة براسك وابرد نار گلبي.
علي" تضرب نور وتلم عليهن الشارع واحنة ما موجودين يا تافه.
بهاء" تدرون بتكم شسوت لو لااا؟
سعد" شسوت احجي شسوت؟
بهاء" تشرب مانع ماتريد طفل مني صار سنة عايشة وياي مثل المجبورة ليش قبلت بية لعبة بيدها اني .
علي" أي عدها أهل وتجي تتفاهم وياهم مو تطلع عضلاتك ع بنية.
عزيز" الحجي مو وياك انة كاعد يم بيت عمي الك ساعتين سمعت ساعتين بس تجيب عمامك وتجي لا وحق علي اليوم يصير آخر يوم بحياتك ولو تطير هم أطير وراك واجيبك.
بهاء" طلاك ما اطلك اذا ما ذليت نور ما ارتاح.
سعد" ضربة ع وجها جنك ماشبعت ضرب شنو نور تايهه تذلها.
علي" بهاء كدام أمك مثل ماكال عزيز ساعتين بس انت وعمامك يمنة.
عزيز " عذرينة حجية احنة مو ثوبنة ندوس بيت الوادم بس اجينة نحجي وي ابنج واذا تردينة عايش خل ينفذ ويجيب عمامة في أمان الله.
نور" گعدت حضنت بابا وبجيت.
بابا كال صعدي ارتاحي بغرفتج اليوم نطلكج ونخلصج اجو الشباب من بيت بهاء .
شهد " اجو ولج كولهم صايرين نار.
زينب" اي بلكي لازمينة وكاتلينة لو تشوفين شسوة بينة.
علي" زينب بعد ساعتين عدنة گعده حضرونة بس جاي.
زينب" أي صار .
نور" تفضل .
حسن" شلون صرتي؟
نور" زينة حبيبي سولفلي شصار؟
حسن" لو تشوفين شلون كتلو بهاء كتلة أوف مي بارد نزل ع گلبي.
نور" وشصفت.
حسن" وگف يوصف عزيز. شوفي عزيز هيج وگف وكلة انة ما احجي وياك بعد ساعتين تجيب عمامك واذا ما اجيت لو تطير أطير وراك.
نور" وقبل بهاء؟
حسن" غير هددو بقى يرجف مثل المرة.
نور" اوووف كون تخلص بدون مشاكل.
حسن" أي ان شاء الله اني نازل رح يجون خطار.
نور" ورا 3 ساعات بهاء جاب عمامة واجة وإني فوك اسمع الصياح وكل شوية أصيح ع البنات يسولفلي.
زينب" ها شو راحو؟
علي" الحمدلله بهاء طلك نور.
زينب" والله لو ما الجماعة هنا جان هلهلت.
شهد" اصعد أبشر نور.
نور" تطلكت الحمدلله بدة الدوام آخر مرحلة الي خلصتهه من البيت للكلية عزيز لا يجي ولا يتصل شسوي قابل أركض ورا الله يسعدة وي عائلتة تخرجت وگعدت سمعت بهاء تزوج اجة واحد من گرايبنا خطبني بس موافقت ما أريد أغلط مرتين .
مرة صعدت انام ودك علي رقم غريب.
نور" الو منو؟
دلال" شلونج نور انة دلال.
نور" هلا بيج حبيبتي شلونج.
دلال" الحمدلله اكلج عندي حجي وياج بس يطلع عزيز وخابرج.
نور " اوك حبي انتظرج.
يتبع
