#واقع_حال
#8#
نور" بدة الدوام لهيت نفسي بالكلية اروح وأرجع أحاول أنسى عزيز بس شلون اقهرة آلة أتزوج واكسر خشمة وابينلة أني ممهتمة مشت الأيام عادية وصلت عطلة نص السنة وحددنة عرس سعد وشهد صار 3 شهور مشايفة عزيز صدوك أحاول أنساه بس اشتاقلة باجر حنة سعد اجو عمامي وخوالي جنت يم شهد بالصالون رجعت شفت سيارة عزيز بالباب،،،،
نور" حسوني منو عدنة؟
حسن" ماجد وزوجته وعزيز.
نور" ودلال زوجة عزيز؟
حسن" مجاية .
نور" الحمدلله.
دخلت فرحانة بيهم سلمت ع سعاد وبقية النسوان زينب سألتها ع دلال.
سعاد" خطية رادت تجي بس حامل مكدرت!
نور" اااخ من سمعت حامل عايش حياتك عزيز ورح تصير آب وأني باليوم اموت الف موتة! بس هية زوجتة بعد أني مالي حق احجي الله يسعدهم وينسيني.
سعد" ها شلوني؟
زينب" كللللوووش أحلى عريس عين الباردة.
نور" لحظة سعد اصور وياك.
صفكنة ورگصنه ورحنة يم شهد حضرنة الحفلة واجت مروة.
نور" شبيج مروة مو ع بعضج؟
مروة" عمر ضايج يريد طفل يكول صار سنة انتظر ليش ماكو.
نور" أي وشنو سنة هواية.
مروة " أمة بس تحجي براسة وتكولة من طرحت مرتك بعد متخلف واذا مصار عدها اجيبلك بنت أخوية.
نور" استغفر الله ربي شنو قابل بيدج هذا رزق رب العالمين بعدكم زغار.
مروة" مليت نونة مخليت دكتورة ابغداد مرحتلها خاف ميصير عندي وصدوك يتزوج يمكن اموت.
نور" لتفكرين هيج ان شاء الله يصير عندج يجوز لأن طرحتي اتأخرتي ابقي راجعي والله كريم يلة گومي تونسي لتبقين تبجين.
شهد" شلون طالعة الله عليجن؟
نور" تخبلين حبي خل نأخذ سيلفي وندزها السعد هههه.
زينب " يلة نور صيحي للبنات حسن بالباب منتظر.
نور" كوليلة روح احنة شوية ونجي.
زينب" يكول علي وعزيز كلولي مترجع آلة تجيبهن.
نور" اممممم هاي سوالف أستاذ عزيز. يلة شوشة باي باجر نجي ناخذج😍 .
طلعنة الحسن استلمنة حجي طويل الطريق .
نور" هسة شبيك اسكت افتهمنة.
حسن" انتن جوة ترگصن وأني منتظر بالشارع هسة أوصل الكة الحنة مخلصة.
نور" ومنو كلك تعال احنة شنو زغار نجي وحدنة.
حسن" غير عزيز ماترد آلة هنة وياك.
نور" يقلد صوت عزيز ضحكت بصوت شفت علي وماجد وعزيز بالباب عزيز خزرني سلمنة ودخلنة.
عزيز" نور دقيقة.
نور" نعم .
عزيز " نعم الله ضلوعچ هاي هم ضحك بنص الشارع مو تدرين شباب واكفين؟
نور" مدخلك مو اخوتي واكفين ليش محجو؟
عزيز " اتدخل وغصبا عليج منا ورايح مايطلع صوتج بالشارع فهمتي؟
نور" هههه روح حاسب دلال مالك حق تحاسبني باي.
خليتة واگف ودخلت جوة الله مشتاقة العصبيتة رافع حاجب ومنزل حاجب اووف ربي طلعة من گلبي. من التعب نمنة گعدت الصبح نظفنة ورحت وي شهد للصالون سويت شعري ومكياج خفيف لبست بنطرون وبدي وجاكيت طويل وشال طلعت كيوت هههه العرس بالقاعة اجو علي وعزيز ياخذونة للقاعة.
