#واقع_حال
#12#
علي" طمني دكتور؟
الدكتور " الحمدلله ماكو شي خطر بس كسر برجلة ورضوض بأيدة.
بابا" الحمدلله نكدر نشوفة.
الدكتور " أي تفضلو بس الأفضل بليل تطلعونة خاف تصير عندة مضاعفات.
نور" حبيبي حسوني الحمدلله على سلامتك.
گعدنه يمة لليل طلعناه سودة علية بس يون بقيت يمة بغرفتة ناس تروح وتجي اخذتلة إجازة مرضية وادرسة بالبيت اجو عمامي ماجد وزوجته وعزيز وزوجته وبنتة دلال مثل الخايفة ع عزيز وين ميروح راحت وراه وكلما نسولف تبدي تسولف شلون عزيز يحبها وشلون يحب بنتها مدري ليش حسيتها تريد تقهرني بهاء من سمع عزيز موجود تخبل بقى يتصل تعالي للبيت من يرحون روحي ميرتاح العزيز شهودة عليها سبع شهور اني وزينب نساعدها بالشغل مروة خطية شابعة قهر زوجة عمر حامل وهية مخلصتها بجي مريت عليها حجيت وياهه غيرت جوها شوية. وأني من اكعد الصبح لليل بس أركض من الكلية الشغل البيت وطلبات بهاء وادرس اخواتة بالاعدادية ومحاضرات عمتي متخلص وتوم شالعين گلبي 24 ساعة بغرفتي يخبصوهه خبص ومن احجي يزعلون بهاء زين وياي يخاف من أهلي داير بآلة علية حسوني الحمدلله تحسن ورجع يداوم بدت الامتحانات طلعت معدل مو الجنت احلم بي بس هاي هية الحمدلله بدت العطلة گال بهاء نروح نغير جو بأربيل حضرت ملابسنا اتصل سعد گال شهد عدها ولادة احنة بالمستشفى رحنة وراهم جابت بنية ،،،
سعد" نور كون تبقين يمها هاي اليومين.
نور" أي عادي معندي شي.
زينب" وين جنتي هاي خطيبة حسين.
شهد" ههههه أي وين نلكة مثل حسوني.
علي" ماشاء الله شسميتوهه ؟
سعد" أني عاجبني أسم فرح.
شهد" وليش فرح جنت تحب وحدة بهل الإسم؟
سعد" لا إله إلا الله شسالفة بس عاجبني.
نور" هههههه هاي شبيج شهد؟
شهد" شاورت نور. ولج عزيز مو سمة بنتة نور .
نور" دنجبي سعد ميحب اني اكولج.
شهد" اوك فرح بكيفك.
علي" هههههه بعد المشاورة تمت الموافقة.
بابا" ما شاء الله تتربى بعزكم تشبه الامكم الله يرحمها.
نور" أي صدوك نفس العيون.
حسن" اني أخاف اشيلها ابوسها من بعيد.
زينب" حسن شوف حسوني ضاج من بست الطفلة.
حسن" تعال حبيبي انت الأصل فروحة شنو.
سعد" ها حسن ها ههههه.
بابا" بمناسبة ولادة فروحة عشاكم ع حسابي شوفو شتحبون سعد يروح يجيب من المطعم.
سعد" باس راسة. الله يحفظك ويطول عمرك.
علي" اني مشتهي كباب
بابا" وأنتم؟
نور" مثل علي .
سعد" اوك تعال حسن وياي.
نور" كولنة بغرفة سعد وأطفال اخواني نايمين الله يديم لمتنة أنسى الدنيا من اكعد بنصهم جابو العشة وتعشينة وكل واحد راح نام بمكانة صعدت الغرفتي ردت اطلع شيشة العطر بس ترددت كافي نور أنسي عزيز طلعت موبايلي گلبي يكولي اتصلي وسمعي صوتة وعقلي يكولي لا نور عوفي كافي حرب بين قلبي وعقلي أتذكر من اجانة شلون شايل بنتة ويبوس بيها ما أريد اخرب حياتة.
بقيت اروح وارجع الأهلي لحد ما گامت شهد مر شهر علية بديت أنسى عزيز أو اتناساه!!
گاعده المغرب اسوي عشة وگلبي عصرني خفت اتصلت ع أهلي كولهم زينين شبية مخنوگه ما اعرف حتى مگدرت اتعشى صعدت نمت قبل ليجي بهاء گعدت الصبح نفس الشيء قلقة مدري شبية گولت البهاء ورحت الأهلي.
