أرهابي

أنفَجار 2

#ارهابي..

___

عمر ....وقت الأنفجار..

ديانا.. فتحت عيوني بدهشه واني اسمع كلامه معقوله راح ..يفجرون درت وجهي لچام اباوع لشارع..
دخيلك ياربي متروس ناس.. اريد اصرخ اريد اگول روحو منآ.. احس بالساني انعقد.. نزلت دموعي بحراره على خدي.. اباوع عليهم اجه شاب يقترب من شباك.. دگـة فتح چام عمر اله.. سلمه جنطه.. انطا اله هز رأسه وراح.. شنو هاي شديصير..

ياسر.. واحنا شنو شغلنا بعد ؟.. سال

جاوبه عمر برود " راح نتوگل وبعدين يصير الانفجار ..

محمد.. زين منتفرچ شويه.. ؟ ضحك

رد العار " عاجبني اشوف الدمٌ والجثث!"

حسيت نفسي داخل قوقعه داخلها دم شاركتهم اني الانفجار.. لا ياربي معقوله يموتون اباوع من چام وگلبي ينبض بسرعه وقـوه لازم اسوي شي..
ممعقوله اترك شباب بعمر الورد تموت.. اكو اطفال اكو نسوان اباوع ضربت على باب..

" الله ياخذگم الله ياخذگم "!! بچيت بقهر

حسّيت شعري انچر بقوه ..

ياسر بقهر.. ياخذچ ويانه موو"!

لطنشي بالگرسي عضيت آيده بگل قـوتي واني اسمع صوت صراخه..

" اخ بنت الچلب عوفيني "!! صرخ

اجه يضربني صديقة مديت رچلي ودفعته من صدره.. وهو يريد يچر شعري فتحت الباب بسرعه وطلعت اركض حافيه مثل المخبله.. وحلگي مليان دمٌ من عضته.. تفلت بالگاع دمه.. اسمع صوتهم ورآيه وعمر كاعد بالسيارة وعيونه عليه بجمود.. آجه يركض محمد ..

يحجي من بين سنونه..

" تريدين تموتين چلدج يحگج مو؟ اصعدي وبدون شبهه لا اطلع خبالي عليج اصعدي "

اباوع لعمر عيونه علية وما تحرك من مكانه مثل الشيطان يآمر من بعيد نزلت دموعي واني امشي ..
للسيارة جرني محمد من ايدي وصعدني شمرني داخلها قفل الباب.. صرخت واني احسّ بشعري انجر...

ياسر.. بنت القندره نهايتچ على ايدي"!! صرخ

ضرب راسي بالگشن توجعت واني گتم صوتي ..
احاول افتح ايده ماگـو.. اجيت اعضة بسرعه ..جرّ سلاحة وخلا بگصتي

" امـوتج اليوووم "!!

اجآ صوت عمر " نزل سلاحك احنا بمنطقة شعبيه نزله وارجع لمكانك " امـره

ضربني بسرعه بسلاحه على رآسي لزمته واني اتوجع.. الله ياخذك يا حقير!

ياسر.. مشفت سوت "! برر

عمر ..حسابها بعدين مو هنا وانت الزم لسانك والزم آيدك لا تخليني اشوفك وجهي ثاني ياسر اكيد متريد تشوفه مو؟ ..

بلع ريقه ياسر " اقصد انـي "! تلعثم

رجع حچه " بدون خربطة سـوق وانت ساكت "