أرهابي

سّفرِ

#ارهابي

_____

ديانا.. غمضَت عيوني بقهر واني اسمع گلامهم ..
راح تصير عمليه گبرى بـ احد شوارع نيويورك..
وعمليه سطوُ مسلح بنك سيتي بنك بأحد فروعة ..
هذا البنك يعتبرُ احد اكبر مصارف في امريكا..
والعالم .. وديحجون على خليه ارهابيه كبيره..
متعدده فروعها وين وكعت بيد قتله ومجرمين..
داحسّ نفسي ضعت وما اكدر الگه طريق بعد..
فتحت عيوني واني احسّ ايد انجرت لشعري..
رفعني العار ..وآخذني بالغرفه الشردت منها.. ما اكدر اقاومة ولا اعاركة واني جسمي تخدرت من المِ..
شمرني بالگاع.. وقفل الباب.. تگـورت علئ نفسي ..
واني ازحف بالزواية الغرفة دموعي تنزل بقهر وشهكاتي بدا تعلئ اريد اوخـر الوجع بگلبي..
ما اكدر الناس اليوم ماتت بـ انفجار واني مشاركة ..
وياهم شهگت واني احسّ بگلبي يوجعني ..ضغطت على صـدري فـاركه المِ بقوه .. مدا يروح شصار بيه.. بالكوه كمت للحمام فتحت الحنفيه وخليت راسي..
جوها غسلت شعري بميّ بارد اريد اتارح.. سديت الميّ.. نشفت شعري بمنشفه وطلعت ذبيت نفسي على فراش حظنت رجليه لصدري واحسّ بجوع..
ياكّلَ بمعدتي.. حسيت بـ جفنيّ نزل استسلمت ..
لعالم الظلام والنوم.. مدري لشكد نمت احسّ بواحد جـرني من زندي بقوه رفعني فتحت عيوني بنعاس..

ياسر ..گومي لچ ورانا طلعة ! صرخ بيه

جـرني ورا من زندي " اخ على كيفك "! عطت

لزمني من شعري وجـرني گدامة " صوتچ ما اسمعة "!! صـرخ

" تاكل تبن احسن "!! صرخت واني اضربه من ورآ..

لزمني من شعري لؤآ بيده وشمرني بالگاع اباوع لحذاء اسود رياضي رفعت عيوني عمر.. لابس اسود بـ اسود ..

عمر.. جيب الها حذاء " امرهمّ

اجه محمد وبيدة حذاء بيضه رياضية لبستها بسرعه..
واني اباوع عليهم يجمعون بـ اغراض وسلاح ..
وفلوس بجنط .. دخيلك ياربي احسّ اباوع لشقه ولا نفس بيها لعد هذولي وين روآحوو..

" الاسلحه ؟" سال عمر

جاوب العار ..

" كلها جاهزة "

" واقية للرصاص ؟ رجع سال..

" تم "

" ذخيره احتياطية ؟"

ياسر.. جاهزه "

" كلاشنكوف Ak.. "؟

محمد.. جاهزه..

قنبله مـوقته؟ "

ياسر بضحكه.. تم الكل جاهز ابو نار..

محمد .. اذآ توگلنا على برگه الله ههههه

فتحت عيوني عليهم واني اشوف الاسحله وغيرها ..
خلوهن بجنط.. وين وكعت اني بيد من لأ يرحم..
اجه عمر وهو يلبس شفقته السوده لزمني من زندي..
وطلعناا.. فتح الباب وهمه ورآنا بيدهم جنط واسحله.. تورطتي ديانا وانتهئ الآمر فتح باب المصعد.. صعدنا وكف نزلنا اباوع للشمس طالعه..
غمضت عيوني من قوتها رجع لزمني العار وعمر استلم القيادة.. سيارة جيب سوده مضلله ..
صعدت ورا ومحمد خله الجنط بـ الصندوق ورجع كعد وانطلقنآ...