أرهابي

البِصرة

#ارهابي

____

ديانا.. مّرت ساعات طـويله واحنآ بطريق للبصره..
احـسّ طريق مراضي يخلص عمر يسوق والجد..
كاعد بصّفه وياسر بصفيّ وعيّن عمر ما تنزل دقيقة
من يمي يخـزر صار وكـل شويه يعيط.. بيَه لـو بياسر.. خلبني تماماً وما اعرف شنو بعد اسوي ويآ
محتاره كـلشُ منآ افكر شلون اشرد ومنآ عمر وحبَه..
الآبده يگبر ويدخل بدون استاذآن ارفض فكره انو
اني وگعت إله ولأزم اشيله هل شي من راسي..
وارجع اشـرد واليوم ﻻزم افكر بهل طريقة..
كافي صرت انانيه هـواي ونينه نسيتها حتئ...
اباوع من چام سيارة دنيآ صارت لليل والبرد..
بدإ يضرب بضلوعي وعلى لحم بطني من الغده..
عقدت حاجبي واني اشوف منطقه ريفية.. رن فون
الجـد..

'' وعليكم السلام ابو ضياء " رد التفت عليه..
'' اي الله يسلمك شي نصُ ساعه ونـوصل " رجع حچة " ويآيه عمر اي وياسر هم محمد شلونة؟" سآل
محمد موجود اشتاقيت لهل فطير " ان اشاء الله تمام اي ماشي مسافة طريق " قفله دآر وجهه لعمر
" يريدون يستقبلونآ كتلهم ماكو داعي وصلنا"

هـز راسه عمر " اي احسن " اختصر برود..
انتبهت عليه بالمرآيه عيونه عليَه بجمود..
رفعت حاجبي إلة خـزرني بحـده.. رديت الخزره إله ..ودرت وجهي من كله عقله شبي هذا!

١٠ :٨ م البصرة..

واخيرأ وگفنآ كـدام شط اعتقد نزلوأ ونزلو اغراضهم
بجنط سـوده ذني جنط دخلن الرعب بگلبي..
فتح الباب عمر ونـزلني من آيدي جـرني ورآ ..
بارده كلشُ المنطقه باعتبارها ريف '' شلون راح نعبر؟" سال العار

ابـاوع اجـوي اثنين سيارات من هاي جگسارت ..
عالية وگفُو يمنه نـزل اول شي حجي ولابس زي عربي وسلاحه بگتفه وعگال ورآ اثنين شباب ضخمين .." يا هلآ ابو عثمان هسه يلا نورت البصره"
ابو عثمان؟ منو اقترب من الجـد وحظنه " منوره البصرة بـ اهلها ابو ضياء" رد الجـد عليه لحظه هو ابو عثمان! يا عيني..

انتبه لعمر واجأه '' هلا بالبطل " حظنه وضَحك..
حظنه عمر بيد وحـده وآيده ثانيه عاصرني بيها ..
" هلا بيك ابو ضياء شلون الصحه" رد عمر بهدوء..
" بخير بويه اذا انت بخير" جاوب ابو ضياء انتبه عليه وعقد حاجب رجعني عمر لورآ ظهره لزمته من سترته الورآ سّلم اسمعه على ياسر " يلا خلينآ نتوكل'' حچه هل بصرواي..

" شنو مراح نصعد بالبلم؟ " سالت عمر هامسه..
دار وجهه عليه " تريدين تصعدين؟" ابتسم..
هزيت راسي " آي حابه اجربه " ضّحكت..
تنهد بعمق " تمام يّمهره " رد بهدوء..

" ابو ضياء " وگفَهم من صعود سيارة.. دار وجهه علية " امّر يبطل " رد عمر " ما يمّر عليك ظالم بس اكول لو نصعد بالبلم ههههه احسن " ضحك..
ضحكت على ضحگته بخفَه.. " والله جَو بارد وظلمه ما يساعد نصعد هسه خليهآ لباجر وانه بيدي اجيبكم تصعدون شنو گـلت؟" حچه ابو ضياء..