جبروت انثى (مكتملة)

نبذة

مرحبا اني ناريمان اصلي من بايل بس جنت ساكنة بغداد شخصيتي باول فترات عمري جانت ضعيفة وماجان الي قرار وهذا الشي خلة الكل يتحكم بية بس من كبرت تغيرت وفهمت وعقلت وصارت كلمتي الها الف حساب وشخصيتي الكل يخاف منها ووجودي هيبته قوية
مواصفاتي حنطاوية عيوني سود ورمشي اسود ثخين طويل ورسم عيني واسع ويخبل خشمي ناعم وشفتي وردية متروسة وحجمها وسط وشعري اسود ناعم زيتي طويل يوصل شوية فوك ركبتي
جان عندي اخت اكبر مني بسنتين (نيران)
واختين واخ اصغر مني (رانيا : اصغر مني ب3سنوات .. وزيد اصغر مني ب5سنوات .. ودانيا اصغر مني ب9سنوات
بلشت معاناتي من جان عمري 14 سنة جنت ثاني متوسط استلمت خبر وفاة المرة الحاسبتها امي اخر يوم امتحانات بدال لا اكون فرحانة للعطلة استلمت هيج خبر
ماتت بعملية قلب جان عدها ٤ جهال (اسد : 5سنوات ...وشهد: 3سنوات ونص ... وعسل : سنة ونص  ...وفهد: 5شهور ) جنت عايشة بحالة انهيار وبالذات انو بعد الاربعين مال المرحومة انخطبت لزوجها اللي جان اكبر مني ب١٢ سنه وجنت حايرة بين عيشتي ومستقبلي وبين الجهال اللي كلبي ماردني عليهم بس بالنهاية اني ماكدر اسويلهم شي لان صغيرة وابوهم مينطاق يعني بدال مراح اعينهم راح ادمرهم وادمر روحي فاختاريت ارفض وبعدها بتقريبا شهر سافرنا لتركيا هناك مادرست اول سنة وثاني سنة بابا توفة وضلينه وحدنا ومحد يمنا دفنا باحد المقابر بتركيا وصارت ماما تشتغل بمحل عقارات من الصبح لليل وبعدها اتزوجت اختي نيران وراحت وية زوجها للسويد وهناك كملت دراستها وصارت مهندسة وبعدها اني واهلي طلعنة لامريكا وصار زوج اختي يدزلنا راتب كل شهر ..اني دخلت جامعة قانون وصرت ضابطة تحقيق واخواني كلهم يكملون دراستهم رانيا سنة اولى طب وزيد اخر سنة ثانوية ودانيا اخر العنقود ثاني سنة ثانوية