جبروت انثى (مكتملة)

البارت السابع

سلام:  (وصلنا للعراق تقريبا ب12 الضهر حاولت أأخر بطلعتنا من المطار وفعلا تاخرنا لحد مصارت ب1ونص)
ناريمان:  ابو اسد عوف جنطتك هسه الناس دينتضرونا بساحة عباس بن فرناس انت انطي خبر للشرطي عن مواصفات جنطتك وغير مرة نجي وناخذها هسه منلحك لازم نرجع (بعدني دا احجي وياه وشفت عيونة كامت تباوع على شي وراي ويبتسم أنداريت وانصدمت )
سلام (بيوم الرحتلها لغرفتها ما اخذت رقم سيار بس ضل الموضوع ابالي ثاني يوم خليت امين يجيب تلفونها الي بدون متعرف وحتى امين مجان فاهم اللي دا اخطط عليه ودكيت ع سيار اتفقت وياه يكوللها نجي ثاني يوم الفاتحة وكال لاهلها من تخابرهم ميكلولها وفعلا مشت الامور طبيعي صحيح زعلت لان مراح يكونون موجودين من ندفنة بكربلاء. المهم جانت طيارتهم توصل بعدنا بساعة وربع وومن وصلنا للمطار ضميت جنطتي يم واحد م̷ن الشرطة وضلينا متاخرين تقريبا ساعة ونص يعني تاخرت طيارة اهلها ربع ساعة لحد ما اجتي كلتلي خلي نروح وعود بعدين اخذ جنطتك شفتهم وراها اشرتلي نيران اششش لتخليها تحس بس متحملت ابتسمتب الذات من شفت امين كام يمسح بعيونه ممصدك اللي ديشوفها عمته هي  حست عليه اندارت شافتهم ركضت حضنتهم وتشبك بيهم، ، سرمد وعلوان جانو بعيدين عليه واكفين يم التابوت بس يشوفونه ومن شافو اهلها اجوي يركضون خطيه وامين ضل يحضن بعمتة الضاهر متعلق بيها اني بقيت واكف بمكاني وبس اوزع ابتسامات اهل المطاز كلهم الابتسامه نرسمت ع شفتهم بالاخير عفتهم ع حالهم بدون ما احجي طلعت اجرت 3سيارات  توصلنة للساحة وساعدوني السواق صعدت التابوت فوك السيارة ورجعتلهم شفتهم بنفس حالهم ناس تحضن ناس ويسلمون وميخلص سلامهم تقدمت بوست سيار زوج نيران وزيد وسلمت ع دانيا ورانيا ونيران وامها بستها من راسها خطيه مرة جبيرة وتعبانه بدنيتها ،، رانيا ودانيا المفروض كبار بس جانن يتعاركن علي عمهن علوان ثنينهن يريدن يبقن بحضنه وهو يضحك بالاخير لزمهن وحده من اليمنه والثانيه من اليسرة ومشينة للسيارات وهنه كل وحده بيهن تعيب للثانيه نيران زوجها بقة لازم ايدها ويمشون وسرمد بقة يسولف ويه نيران وزوجها وامين وناريمان حاضنين امهم وزيد يصور بيهم وشبعان ضحك لحد ما وصلنه للسيارات اختفت الضحكه منهم من شافو التابوت وتحولت دمعة ) 
سلام : بويه مو وكت دمعات ويلا ركبوا السيارات خلي نروح ترة ينتضرونة چوكة ناس (كومة ناس)  بالساحة
ام ناريمان:  اخواني موجودييين 😍
سلام:  اي وامج وابوج وبقيه اخوانج وخواتج سبقونه لبيت الشيخ بس ترا محد يعرف بيكم جايين هم اجوي علمود الفاتحة

ناريمان: (فرحت حيل بجيه اهلي وضليت حاضنه امي والينات وضحكنه ع الخبلات دانيا ورانيا ضلن يتعاركن ع حضن عمي علوان وسيار بقه يصنف عليهن واحنه خربانين ضحك وبقة زيد يصور وسيار يغطي بوجه نيران يكول اغار عليها طبعا هنا عمي سرمد خرب ضحك بحيث كل اهل المطار ضحكو ع ضحكته لان عاليه بس من مشينا تحولت دموع من شفنه الجثه بس هدئنه سلام وركبنا ب3 سيارات كيات جبيرة توزعنا ع سيارتين والثالثة فوكاها التابوت، خليناها تمشي ورانه من وصلنه سلمنة وضلو عبود وعماد وخوالي يحضنون بامي وبعدين تساعدو نزلو التابوت صعدو فوك السيارة اللي ركب بيها امي وعمي علوان وعمي سرمد وخالي سامي وخالي مهند وخالي محمود وعمي سفيان (ابن الشيخ سالم من زوجته الثانية)  والثانية كية جبيرة اني والبنات وزيد وسلام وامين ونيران وسيار وعبود وعماد وسيف  اللي ما نزل عيونة عني ( ركبو نيران وسيار يم السايق لان نيران حامل وخاف تلعب نفسها من الطريق الصدر احسن الها واحنة توزعنا ليورة على حبة الله 😂)
والسيارة الثالثة بيها الجنط بس ركب بيها سيف وغالب( ولد عمي سفيان)  ومحمد ابن عمي سامي   لان عبود يريد يبقى يم حبيبة الكلب رانيا افندي