جبروت انثى (مكتملة)

البارت الخامس

امين : ها ولج مكملتي تعزيل
ناريمان : لا كملت بقة بس المواعين انت شفت شلون جان البيت مكلوب كلاب
امين : عوفيهن باجر سويهن
ناريمان : لا اكملهن واروح انام وانت شعندك كاعد
امين : راسي وجسمي ياذني حيل
ناريمان : خاف فلاونزة يالله (ايدي جانت مبللة فمسحتها بخاولي ولزمت كصتة )
امين : (لزمت كصتي تشوف الحرارة واني صافن عليها وعلى لبسها.. جانت لابسة بيجامة برموده لزك وفانيلة نص ردن وشادة جاكيتها ع خصرها )
ناريمان ( انتبهت لنضراته وارتبكت ) مرتفعة حرارتك حيل الضاهر تغير الجو موالمك
امين:( ابتسمت ع ارتباكها ) اي عادي هسه شويه وتنزل
ناريمان : (رحت جبتله من جنطتي خافض حرارة ومسكن آلام ) هاك ذني اشربهن وانشالله ما على كلبك الة العافية
امين : الله يعافيج يلا تصبحين ع خير
ناريمان : وانت من اهلة(كملت المواعين بعد مراح ومسحت المطبخ ورحت دانام للفجر بس اتكلب بفراشي بالي يم امين حرارتة جانت عالية حيل كمت وكفت بباب غرفتهم اريد افتحها وادخل اشوفه بس مترهم شباب ثنين نايمين شلون ادخل عليهم هم ونايمين ضليت واكفة وافتر لحد ما اذن وكعد عمي سرمد بدون ما انتبهلة شافني افتر يم الباب مالتهم )
سرمد : ها بوية خيرج تفترين بهلوقت
ناريمان(فزيت) ها عمي شكعدك هسه
سرمد : كعدت اصلي وانتي ما كلتيلي شكعدج
ناريمان : والله عمي ما اجاني نوم وهسه قلقه ع امين جانت حرارته حيل عاليه اريد اروح اطمن عليه بس مستحية ادخل لغرفتهم وهم نايمين
سرمد : تعاي بويه اني ادخل وياج تطمني ع ابن خالج وروحي صلي ونامي
ناريمان: اي عمي( دخل عمي سرمد واني بقيت واكفه بباب الغرفة عمي سرمد غطة امين لان جان نايم بدون فانيله ولزم كصته)
سرمد : بوية مرتفعه حرارته حيل
ناريمان : هسه شلون انوب ماكو صيدلية هسه
سرمد : روحي لعمج علوان شوفي جايب مقياس الحراره
ناريمان ( رحت ركض اخذت من عمي مقياس الحراره وخطيه عمي علوان كام وياي لغرفه الولد) هذا عمي ( اخذة وقاسلة حرارته
سرمد :حرارته 41
كعد سلام على صوتنه
سلام : ها خيركم
علوان : امين مرتفعه حرارته واصلة 41
ناريمان : عمي خلي ناخذة مستشفى
علوان : لا كعدو يسبح بلكت تنزل واذا ما نزلت ناخذة
سلام( كعدته وخطيه مجان يكدر يكوم دخلته للحمام حطيته جوه المي سبحته )
ناريمان(من شفت امين بالكوه كعد من النوم وسلام كال اني ادخل اسبحه اني ركضت حضرتلة ملابس وانتضرتهم يطلعون من الحمام راخو عمامي يصلون وبعدين طلع سلام كال اخذلة ملابس )هاي ملابسه حضرتلهيا
سلام (ما انكر ضجت من اهتمامها بس مو وقت ادقق شفت محضرتله كلشي حتى ملابس داخليه اخذتهن ولبسته وطلعته ساندة نيمته ع جربايته وغطيته )
ناريمان: ها ابو اسد شلون حرارته هسه
سلام : زوينه نزلت شويه بس هم لازم ناخذة مستشفى
ناريمان : الله كريم خلي تصبح الدنيا شويه .(عمي علوان نعس وراح نام وعمي سرمد نام هو وكاعد ع الكرسي. سلام ضل يكلب بالتلفون واني ضليت كل شويه كايمه ع امين الزم كصته اشوف حرارته جانت متقبل تنزل وكل ما اقيسها40/41 لو تنزل درجة لو تصعد درجة ضليت ع هلحال لل7. ) صارت ب 7يلا راح اكوم ابدل حتى ناخذة (بدلت ع السريع لبست هيح