جبروت انثى (مكتملة)

البارت الثاني عشر والاخير

عسل : ماما مو احنة هذا نمر وبابا جانو يتشاقون ووكعو استكاناتهم
ناريمان:  والله يا عسولتي ابوج يرادلة تعليك بالبنكة
سلام:  عندي نمر ينزلني ورة ما تعلكيني
اسد : اني احبس نمر بالغرفة وما اخلي ينزلك
سلام:  لايانذل على هلدكة ولك اني ابوك
ناريمان: ههههه عفية اسودي ، سلام اصعد بدل حضرتلك ملابسك ع الجرباية
سلام (صعدت لبست اللي محضرتلياهن ونزلت)  ها نمشي
ناريمان:  اي يلا انطلقو للسيارة (راحو الجهال يتسابقون للسيارة كعدتهم كلهم ليورة واني بالصدر تحركت السيارة) فهد :بابا شغل المسجل
سلام: حاضر بابا (شغلت وبالصدفة جانت طالعة مال مهند العزاوي

هل يا تُرى ؟
لو مت انسى ماجرى ؟
هل يا تُرى ؟
لو كان عندي غيركم قلبي اليكم ما سرى ؟

هل يا تُرى ؟
يحتاج مني كرهكم قلباً قوياً ثائراً وتمرداً وتجمهرا ..
ها قد افأضت أجفني والدمع منها قد جرى ...
والدنيا ضاكَت والنفس باقي على كَد الحسرة ...
فرحان داويت الغصن ثاري المرض بالشجرة ...
مرت سنين من العطش ...
مو شفتي روحي تفطرت ومتاني حبكم كَطره ...
وما كَلت ليش اتعذبت !!
جنت ادري اليحب من صدك يرتاح بس بكبره ..
وصار المعارك بالحجي ..
وبين الضجيج المرتفع فرزنت منكم نبره ..
حنيت كَمت اكتب شعر ..
ديوان كامل بس غزل ..
كملته وانطيته الشخص لايكتب ولايقراءه ..
أمست جروحي معطفاً .. 
وأحتل لوني نزفها والحزن بي قيثارةً يُبكي جماداً عزفها ...
صارحتكم بمشاعري وأزداد فيكم صدها ..
لو كان فيها كذبةً ما كان منكم ردها ..
مو صوجكم طبع البشر يرتاح للي يغدره ..
لو غاب يومين الرمح يشتاق ويفك صدره ..
وشكد اجو رادوني احب ..
علمت كَلبي وماعرف ..
يعني اني احبكم من طرف واحد وصنت العشرة ..
وشكد فضول اتحملت و وجوه مابيها طعم ..
واني بكثر ماغيمت يرعبني لون الكَمره ..
مليت وكلش من صدك و يبست الروح الخضره ..
احتاجُ بيتاً هادئاً ..
احتاجُ بيتاً هادئاً يوماً اذا فيه ارتمت ينسمع صوت الابره ..
احتاج صدراً واسعاً ما عاد صدري يحتمل كسرت ضلوعي العبرة .. 
وبالضحكة حيل استعجلت فرحان داويت الغصن ثاري المرض بالشجرة ..

باوعت لناريمان جانت عيونها مدمعة ليش مادري ولاحبيت احاجيها وبالذات الجهال موجودين
ناريمان:  (القصيدة جانت كلماتهة كلها تحسسني بذنب تجاه سلام اكتفيت بالسكوت وحتى الجهال سكتو ماحجو بعد ، ورة تقريبا اقل من ساعة وصلنة بيت عمي نزلو الجهال يركضون دخلو بالحديقة اني وسلام نزلنة سوة دكينا الباب شوية وطلع عبود)
عبود (كام يمسح بعيونة)  هاي صدك لودا احلم؟ ناريمان وسلام اجونة !
سلام:  لا مدتحلم صدك اجيناكم وهسه شنو تستقبلنة لو تكمل نومتك
عبود:  (باس سلام والجهال وبوسني ويحجي) يما ياهله الف ياهلا. جا شبيكم واكفين بالحديقة
سلام: (ضجت م̷ن بوسها بس هي باوعتلي بنضرة اسكت فماحجيت شي)
ناريمان:  غير انت تكول تفضلو
عبود:  من فرحتي ماكمت اجمع احسن حل اصيح امي (دخل يركض يصيح اجتي ناريمان وسلام اكعدو) 
سلام:  احلفلج ابن عمج خبل عافنة بالباب وركض جوة يصيح 😂
ناريمان : النوم الزايد ماثر علية 😂 (دخلنا وبقينا واكفين ورة باب البيت ثواني واجني البنات وعمتي وبيبتي بوسوني اني والجهال وسلمو ع سلام وسلام باس راس بيبيتي ) 
حور:  تعالو تفضلوا البيت بيتكم
سلام:  لعد وين علوان والولد
زينب:  ابوية اقل من نص ساعة ويجي لان البارحة جان بايت ببيت عمتي وعماد موبالبيت وعبود شفتوه مديجمع وبعدة منعس وهسه يغسل ويجي
ناريمان (كعدنا بالاستقبال وضلينا نسولف وعبود جان يسولف وية سلام لحد ما اجة عمي اول ما دخل شافنة انصدم ووكعت علاكتة من ايدة،  ركضت كمته بست ايدة وهو صار يبوس راسي ويبجي)  شبيك يعمي ليش هلبجي مشكلة ماتسوة نخسرك م̷ـــِْن وراها
علوان :  اني ماعرفت اربي وبسبب تربيتي  جنتي راح تخسرين حياتج وتخسرين اختج واللي ابطنها
ناريمان:  ماصار شي يعمي والولد مجان بوعيه والغلط مو منة الغلط  منة احنه، احنة اللي خلينا تحت الامر الواقع وما انطيناه فرصة يعرف انو هو خسر الانسانة الجان يحبها الغلط منة بس صدگ احنة همات جانت النة ضروف خلتنه نمر بهالمواقف ونتصرف هيج تصرفات ماحاسبيلها حساب
علوان:  لا يبنتي الغلط راكبنا من ساسنة لراسنة
ناريمان : محشوم عمي من الغلط واني مسامحة عماد ويشهد ربي ماشلت بكلبي علية
علوان : حتلو انتي تسامحي اني مستحيل اسامحة شلون نزل راسي كبال زلم العشيرة
ناريمان : كلبك جبير ياعمي وانشالله يجي يوم يعتذرلك وتسامحة
علوان:  ماريد لا اشوفة ولا يعتذرلي وراح ابقة غضبان علية ليوم الدين
ناريمان (باوعت لعمتي وبيبيتي يبجن باوعت للبنات اريد وحدة تفسرلي)
زينب:  من يوم ماصار اللي صار بابا طرد عماد من البيت وغضب علية ويومية يجي عماد يعتذر بس ابوية ميقبل يشوفة
ناريمان (عيني كامت تخر دموع بسببي اني السبب لو اني ما موجودة مجان عمي غضب على عماد)
سلام (بقبت واكف ع صفحة واسمع الحجي وخطية علوان من فرحتة بناريمان ماشاف احد من الواكفين بقة يسولف وياها ومامنتبه لاحد ومن زينب كالت لناريمان انو ابوها طرد عماد ناريمان بجت وكامت تباوع علية) 
ناريمان:  سلام اني السبب عمي غضبان على ابنة بسببي لو الله ماخذني ماجان صار اللي صار ماجان لا انت طلكت امل ولا حرمت نمر من امة ولا عماد تاذة ولاجان خافت نيران ولا جان حرمت عمتي من ابنها ولا عمي يغضب ع ابنة  ولا جان اجيت للعراق اصلا،  كلة بسببي الله ياخذنيييي
سلام: (رحتلها حضنتها وهمست باذنها)  بالج تبجين وتشوفين دمعج لاحد وانتي مالج ذنب وكلشي يصلح هسه اروح اجيب عماد واصالحة وية ابوه وميبقة زعل انشالله
ناريمان: (رفعت راسي من حضنة وباوعت عمي مدنك راسة رحتلة بست ايدة)  عمي لخاطري اذا تريدني ارتاح سامح عماد،  عمي تانيب الضمير دياكلني صحة مابقت بية،  عمي سامحة وخلي جبال الهموم اللي على كلبي تنزاح،  عمي اول مرة اطلب منك لا ترفضني
علوان : بس لا تبجين ومستعد اسامح الدنيا كلها مو بس عماد
ناريمان؛: (من فرحتي حضنت عمي ولبنات وعمتي هلهلن كعدنا شوية وبعدين اجة عبود جايب وياه عماد ، عماد نزل لرجل عمي باسها وعمي سامحة وكام بوس سلام واعتذر منة ونزل راسة ماباوعلي وحجة هو ومدنك)
عماد : مبروك زواجج وسامحيني على سوايتي ومن تضيق بيج الدنيا تذكري عندج اخ اسمة عماد
ناريمان:  الله يسامحك. يارب ويوفقك ببنت الحلال وانت همات سامح اختك الصغيرة
عماد:  مسامحة ويوم الاشوف على ايدكم الولد الصالح
ناريمان : فدوة لكلبك
ام عماد : بنات بسرعة سون الغدة
البنات:  حاضر يمة
سلام: (بعد صفت الكلوب تغدينا وطلعنا رحنا لكربلاء ) 
ناريمان (من وصلنة كربلاء وكفت بصف كبر المرحومة وصرت احجي وياهة بس بداخلي لان الجهال موجودين )  شلونج يمة،  يمة جيت وجبتلج وياي جهالج،  يمة اريد اكولج شي وخجلانة منج بس يايمة اني صرت احب سلام واعشقة وماكدر بدونة وبدون الجهال،  يمة اني وعدتج من ذيج المرة احاول ابعد روحي عنة بس ماكدرت كل ما اكعد الكة روحي افكر بية وصار صعب علية اصدة وامنعة مني لان هو همات حقة رجال ويريد حقوقة ،اوف يا يمة، ، يمة درتي بالج على ابوية!  شتاقيتلكم انتو الثنين ويعلم ربي شكد متمنيتكم تكونون وياي بحياتي بس الله يرحمكم ويجعل مثواكم الجنة،  يمة  زوريني ولو مرة اريد بس اطمن انو انتي راضية علية(قريتلها الفاتحة وورحنا زرنة قبر بابا حجيت وياه شوية وقريتلة الفاتحة وخليت سلام يوصي الموجودين بالمكبرة يديرون بالهم على كبر ابوية ويزرعو  )
سلام (بعد مازرنة ابوها وابتسام رجعنا وحسيتها ارتاحت اني طلعت وية سرمد للمضيف ورجعت بليل للبيت سالت ام محمد عن ناريمان والجهال كالت كل واحد بغرفتة نام خطية سوتلي عشة تعشيت و صعدت )
ناريمان :(من رجعنا الجهال جانو تعبانين بالكوة صبرتهم لحد ما انتهت المغربية يالله نامو اني صعدت لغرفتي فتحت الضوة وضليت اتامل بيها وهاي جانت اول مرة اركز شكد حلوة فتت سبحت وطلعت رتبت الغرفة وشغلت بيها شمعدان ورشيت ورد على الجرباية ولبست سيت نوم مرتب وخليت مكياج وفليت شعري وحطيت عطر وكعدت اتصفح بالفون لبين ما يجي سلام ورة تقريبا نص ساعة سمعتة ديصعد الدرج ركضت حطيت عطر وطفيت الضوة ووكفت ورة الباب)
سلام (بعدني بباب الغرفة وشميت عطر ناريمان دخلت وشفت مسوية اجواء رومنسية وورود وشمع بس هي وينها! دخلت وسديت الباب بايدي بدون ما اندار شوية تقدمت خطوة جان تسد عيني باديها)
ناريمان:  احزر منو اني واذا حزرت الك ليلة من العمر
سلام : سؤال صعب بس اتوقع ناريمان (وخرت ايديها من عيني ويحبتها صارت كبالي شفتها طالعة تخبل ولبسها جريء بقيت اتامل بيها)
ناريمان (حاوطت ايدي على رگبتة وهمت باذنة)  احبببببببك سلام احبك
سلام (فرحت حيل وحسيت روحي ملكت الدنيا، لزمتها من خصرها وهمستلها)  واني اعشقج واعشق تفاصيلج
ناريمان:  (قدمت شفتي علية بجرئة صارت انفاسنة مختلطة بس ما بستة نزلت لركبته بستها بهدوء وصعدت ابوس بي شفته ذبل بستة من شفتة بوسة هادئة ووخرت حطيت كصتي ع كصتة )
سلام (خبلتني بحركاتها وجنت اريد اكمز عليها اطلع قهر حبي بيها بس حبيت جرئتها ورخيت روحي بيدها صارت تبوس بركبتي بهدوء وبعدين باست شفتي هنا متمنيتها توخر بعدين حطت كصتها ع كصتي ) انتي كد الدتسوي!
ناريمان : اي كدة
سلام : معناها جنيتي على روحج (اخذت شفتها ببوسة قوية وهي متفاعلة وياي لحد ما انكطعت انفاسنة يالله وخرنة كمت ابوس بركبته ونزعتها الروب ووووو
(سوالف مزوجين شتردون منهم! 😂 تعالو خلي نطلع من غرفتهم خليهم ياخذون راحتهم 😂)

ناريمان:  ( بيومها من نمت شفت المرحومة وبابا بالحلم بابا باركللي وابتسام قدمتلي طفل وكلتلي هذا ابنج بس لتفرقين بينة وبين ولدي،  وعدتها ما افرق وبتركتلي وراحت. ،،عشت احلى ايام حياتي وية سلام وحبي الة يوم عن يوم يزيد ويكبر طبعا الجهال كلهم نجحو بمدارسهم وامل جابتلنة نور لان ازوجت وسلام فدوة لكلبة مامر يوم زعلني ، اهلي رجعوا للعراق وامين تزوج حور لان طلع يحبها،  وسيف تزوج دانيا لان همات يحبها   وعبود تزوج رانيا، وزيد تزوج وحدة م̷ـــِْن بنات خالي محمد حبها واخذها ونيران وسيار اجاهم توئم ولد وبنية ونيران ،  وعماد اتزوج بنية وياه بالكلية وبقو يومية مشاكل وعركات لحد ماطلكها واتزوج بنية حبها وسالار اخو سيار تزوج زينب وسحبها لفرنسا واني طلعت حامل بتوم  خطية سلام فرح حيل وصار يكمز وشالني كبال المستشفى ويفتر بية وبيومها همس باذني وكلي حسي بمعنى فرحة الاب من يجي توئم اطفال من البنية اللي يحبها وعشنا ايام حلوة،  اكيد ماتخلة من المشاكل بس من نحط ايدنة بايد بعض نتخطى كل شي )
لهنا تنتهي قصتنة واتمنى تنال اعجابكم
واعتذر عن الاخطاء الاملائية الحاصلة بسبب السرعة
لا تنسون تصوتون للقصة اذا عجبتكم وتكتبون كومنت حلو مثلكم
احبكم 😘
الكاتبة نوشاية