جبروت انثى (مكتملة)

البارات الثامن

سلام :ضحكتج ما تبشر بالخير بينكم شي
ناريمان : لا ما بيناتنه بس ضحكت لان زيد ميغار علية مثلة
سلام: جا زيد تربة بامريكا ومخليكم براحتكم
ناريمان: اي فدوة لكلبة ما بيوم شرط علينة شي ما نحبة وجان يحترمنا هواي واحنة منطي مكانة الجبير ونسمع كلامه رغم هو اصغر منة
سلام : الله لا يحرمكم من بعض
ناريمان :امين يارب ( وصلنة قبل بقية السيارات باكثر من ربع ساعة وداني سلام راسا لقبر المرحومة شفتة مزروع وفوكاه وردة حمرة وكبرها الكبر الوحيد المزروع ورد باوعت لسلام بنضرة تعجب)
سلام: هاي وردة الجوري تحبها الله يرحمها فوصيت الولد اليشتغلون هنا كل ما تذبل وردة يزرعون جديدة وما يمر يوم بدون ما تكون وردتها ع كبرها
ناريمان (شميت الوردة اوووف شهلريحة ) ها يمة شلونج. اعرف تاخرت عليج ومازرتج اول ما اجيت للعراق بس انتي جنتي وياي اول باول وشفتي كل المر وياي. يمة وينج ليش صارلج 3ايام ماشفتج بحلم! زعلانة مني مو؟ اعرف وحقج وهياته ابو اسد واكف ويعرف انو الصار مو بايدي والله ومراح اكلج هو جبرني عليه لان جنت كادرة اقاومة بس ماقاومته
هذا غلطي يمة واني اعترف بغلطي وعهد عليه الج ما افكر بابو اسد دامج تزعلين عليه اذا فكرت بي
يمه ما جيتج علمود هذا الشي
يمه اجيت اكولج ابويه اليوم راح يندفن هنا قريب منج
حطي بالج عليه ترة مريض حيل والسرطان اكل جسمه اكل
يمة ولدج بامانتي ويشهد ربي عليه راح اخليهم بكلبي وعيوني

سلام : (سمعت كلامها وحسيت بذنب على السويته بس ريحتني من كالت اني جنت كادرة اقاومه بس ما قاومت معناها هي ممكن تحبني بس حاطه خاطر للمرحومة ... حسيت صوت ناريمان ارتاح بعد ما سولفت وياها حبيت اجرب شعورها كعدت بصف ناريمان )
شلونج ام اسد
شلونج بسمتي
تذكرين بيوم وفاتج شكلتي !
كلتيلي ولدي امانه بركبتك وركبه ناريمان
هاي جانت اخر كلماتج ووراها عفتيني ورحتي
بيومها ردت اكول لناريمان عن وصيتج بس ما سمحتلي الضروف اكوللها
وبيوم الاربعين رجعتي زرتيني وكلتيلي( بعد كم يوم روح اخطب ناريمان ولدي يتامه بدونها مو بدوني )
رحت اريد اخطبها وانفذ طلبج بس شفتي ناريمان مجانت مستوعبه انو اني اريد اخليها بمكانتج ومجانت تعرف اني جنت رايدها كلام ع ورق
بيومها حتى اني ما كدرت اكوللها لان كرامتي جانت واكفة بوجهي وتمنعني بعد ما ناريمان طردتني
بهذا كلامي ما الوم ناريمان لا والله بس اريد اكولج ترة الدنيا وكفت ضدنا اني وانتي وناريمان
زين تذكرين بيوم الاجيتيني بحلم كلتيلي وافق ع زواجك من امل والخير يجيك هسه او بعدين!

بوقتها وافقت لخاطرج وافقت علمودج وعلمود جيتج الي بالحلم بس حتى تعرفين شكد احبج وافرح بشوفتج
عشت ويه امل واني اتخيلها انتي
جنت دائما وكل ما تصيرلي مشكله اني وامل اتحملها ومرات اعتذرلها لان اذكر من مرة كلتيلي (الرجال الحقيقي هو الرجال اللي يعتبر مرته طفلة ويربيها ع ايده واذا خطأت يتحملها واذا زعلت بفرحها ولو بشي بسيط المهم ما يخلي الزعل يسكنها، واللي يسوي كل هذا هذا يستحق ينگال عنه رجال )
اتذكر كلامج كلمة كلمة واذكر ضحكتج وبقيت احبج بكل نفس يطلع مني
تتذكرين من كلتيلي امنع ناريمان من السفر بس ما كدرت امنعها لان ما لحكت لان سافرت
وبيوم وعلى غفلة رجعت ناريمان
بس مو نفسها الطفلة رجعت انسانه ثانيه بس تنشاف تنحب
وقبل 3 ايام اني اعترف الغلط مني اني جنت مو بوعيي وخليتها بهذا الموقف
اسف واوعدج ولدج احطهم بنص عيني
بس ما اوعدج اطلع ناريمان من كلبي لان هذا الشي مو بارادتي
زيارتي الج هلمرة قصيرة مو مثل كل مرة بس صدكيني راح اجيج وعن قريب وهلمرة اجيب الجهال وياي
(كمت وكفت نطيت ضهري لناريمان مسحت دمعي اللي صار شلال وانداريت شفتها مدنكة )
ناريمان ( جان يسولف واني ابجي ... شكد ضلمته من حطيت ابالي هو يفكر بشهواته وبس اوووف، كرهت روحي من نزلت دمعته وكل كلمه يحجيها يحط سجين بكلبي
اما هو جان ميحس بكلامه يحجي بكلبه مو بلسانه وبايدة يرتب التراب وكانو يرتب تفاصيلها
ضلن دموعي ينزلن كمل كلامه انطاني ضهرة مسح دموعه دنكت راسي)
سلام: يلا ناريمان كومي راح يوصلون
ناريمان : (كمت وكفت باوعت بعيونه بعدهن حمر هو مشة باوعت السيارات مالتنه اجني من بعيد) هياتهم وصلو
سلام: حاولي ما تبجين واذا حسيتي روحج ما تكدرين سيارتي تندليها او بس اشريلي اني اخذج
ناريمان (بقيت واكفة صافنه بوجهة يعني شكد انسان طيب ما ما يريدني انكسر واني سبب عذابه اوووف الله يسامحني) مشينه باتجاه مكان القبر وصلن السيارات ونزلو التابوت النسوان بقن واكفات بعيد بس اني وامي ودانيا ورانيا وكفنه قريبين صلو ع الجنازة ونزلوها بالكبر امي فقدت تقدمت نيران حضنتها واخذتها واخذت دانيا ورانيا ليورة اما اني جنت البنيه الوحيده واكفة يم الزلم )
عماد : بويه روحي غاد يم النسوان
سلام. عوفها عماد اني يمها
عماد: شنو عوفها واكفة بنص الزلم
ناريمان( اسمعهم بس عيني ع التراب اللي دينزل فوك بابا)
جنت احجي وية عماد وهي واكفة بصفي ونزلت دمعتها ع ايدي هنا احترك كلبي باوعتلها تباوع ع القبر وبلش لونها ينخطف اخذت ايدها وسحبتها اريد اوديها للسيارة جرت ايدها مني وركضت بين الزلم وخرتهم ومنعتهم يكملون دفن وكامت تشاهك وتوخر التراب من الكبر وتصيح ما راح اخلي التراب يبوك ملامحك ما راح اخليهم يدفنوك.هلمرة اني موجوده ما اخليهم يحرموني منك باوعت عماد وامين يحاولون يجروها متنجر صاح اخوها بدانيا ورانيا ياخذوها ما كدرولها فقدت فد مرة اني بقيت واكف لحد ما حسيت كلبي يوجعني ويعصرني حسيت راح يصير شي تقدمت عليها بعدني ما لزمتها اغمى عليها ووكعت بحضني شلتها وركضت بيها لسيارتي ركضن النسوان وسيار وياي بس منعت احد يجي غير اختها رانيا صعدتها ليورة بحضن اختها وكلت لنيران ديري بالج ع امج ومشيت بالسيارة بسرعة للمستشفى اختها تحاول تصحيها ما تصحة وصلنا للمستشفى اخذوها من ايدنا ورة نص ساعة اجة الطبيب كال انهيار عصبي بسبب صدمة وصفلنا علاج كال بس تصحه تكدر تطلع نقلوها لغرفة وضلت اختها تبجي ع الكرسي اني لزمت ايدهها وحطيت راسي ع السدية ورة ساعة تحركت اصابيعها بايدي رفعت راسي شفتها تحرك براسها)
سلام :رانيا ركضي صيحي الطبيب كعدت
رانيا : الف الحمدلله ثواني اجيب الدكتور
سلام : ناريمان تسمعيني بس سوي شي اذا تسمعيني
ناريمان :(اخر شي بالمقبرة اذكرة عماد جان واكف يريدني ارجع اوكف يم النسوان وراها ما اذكر شصار وسمعت صوت سلام يصحيني فتحت عيوني) وين امي
سلام: الف الحمدلله ع سلامتج ، كلهم رجعو للبيت بلشت الفاتحة
ناريمان : مابيه شي كومني خلي نرجع
سلام: انتضري يجي الدكتور يشوف وضعج ونرجع
ناريمان : كتلك رجعني هسه 😡
سلام (اجة الدكتور فحصها وهي تصيح طلعوني بالاخير كال الاحسن تطلع للبيت بس ريحوها. سويت الخروجيه وطلعتها )
ناريمان: (طلعني سلام من المستشفى ساندني تذكرت جانت وياي جنطتي ) جنطتي وينها
رانيا: هياتها يمي
ناريمان :(باوعت لسلام ) هو اني اختي ما اعرف بيها موجودة انوب اسال عن جنطه 😁
سلام : مريضة وتنكتين والله زين😂 يالله لعد اصعدي خاتون
ناريمان (صعدني بالصدر وصعدت رانيا ليورة وطول الطريض يحجون وياي ويحاولون يضحكوني بس بالي مو يمهم لحد ما وصلنه شفت زلم بالباب الكل دنك راسه من. وكفت سيارتنه يمهم وجان سلام لابس شماغ وعكال ع راسه نزع العكال ذبه بالسيارة ونزل من السيارة اجه من باب الصدر لبسني الشماغ ع راسي ولفة ونزلني شايلني )
امين: (ما كدرنه ناخذ ناريمان من فوك ابوها لحد ما اتقدم سلام علمود ياخذها اشو هاي راسا اغمى عليها بحضنه هنا اجة ابالي انو اكيد كلبة خلاه يحس راح يغمى عليها لان غريب حيل انو اول ميوصل يغمى عليها بحضنة المهم شالها وداها هي ووياها رانيا للمستشفى انوب من راحو بلش عبود ابن عمهن يفتر ع روحة سالته شبيك بيمن تفكر
عبود: مو برانيا، ، 🤭😐هاااا لا مو باحد كمت اجفص يجوز ضربتني شمس
امين 😂 خلص بويه لا تخاف حبيبتك اقواهن
عبود منيه حبيبتي هاي شبيك ماعندي حبيبه
امين اي اي ماعندك رانيا اقصد ماعندك حبيبه 😏
خطيه ضل يفتر يريد يعرف اخبارهم انوب يدك عليها ما ترد دكيت اني على سلام طمني عنهن كتله فرح حيل من رجعنا جنه واكفين بالباب اني وعماد لان خلونة نراقب الطباخين لان هواي يسختون وينسون الطبخ يكعدون يسولفون جان اكو هواي زلم اللي جاي واللي طالع واللي يطبخ واللي يودي مي وكهوة بحيث المضيف انترس اجتي سيارة سلام ونزل سلام حط شماغة ع شعر ناريمان لان واكفين شيوخ وعيب تطلع شعرها بالفاتحة جنت اباوع عماد احترك وبالكوه لازم نفسه لحد ما شالها سلام هنا عماد ما تحمل مشه يريد يهد عليهم وكفت كباله وكفته طبعا الكل انتبه والشيوخ كامت تهدي بعماد يكولوله مريضه وضرف صعب لتهتم واكو واحد كله اذا تريدها اخذها ولا تضل تتعارك ويه اليتقربلها بالعكس خليها ع اسمك وانت راح تشوف محد راح يتقربلها ،، عماد كللهم خير انشالله باوعت للسيارة واكفة يمها رانيا رحتلها
امين : شعندج هنا ما تفوتين
رانيا :ياذكي شلون افوت والزلم كلها واكفة 😏
امين : هسه اصير عبود يشيلج حالج من حال اختج وهلمرة خلي اشوف روحي منو هذا اللي راح امنعه يقتلكم
رانيا: اسمالله من لسانك بس تدري شي صدك صيح عبود يدخلني
امين: يدخلج لو غير شي 😂
رانيا: لا بس يدخلني 😂
امين. حاضر بويه
رحت لعبود جان جوة كاعد بالمضيف كتله رانيا اجتي طلع يركض ودخلها جوه بعد ما صاح بالزلم
عبود : بعد اذن الكل خلو طريق للبنيه تفتوت للبيت
طبعا هنا الكل دنك ودار ضهرة عكسها دخلت هي ويا واني اضحك شلون عائلة مخابيل )
ناريمان :( كعدت بالاستقبال الجوة جان موجود بي النسوان امي اول ما شافتني حضنتني ضلينا كاعدين جو كئيب لحد ما اجت ملاية ضلت تنعي هن يبجن واني ساكته ما بجيت لحد ما حسيت روحي راح اطك لازم ابجي وارتاح كمت كلتلهم اريد اشوف الجهال طلعت شفت امل)
ناريمان : امل وين الجهال
امل: جهالي لو جهالج(بضحكه خبيثة )
ناريمان: أستغفر الله العضيم امل اجفي الشر وكليلي وينهم
امل :جهالج فوك بغرفة جهالي 😂(بضحكه عالية )
ناريمان: ضحكه عنزة على باب المصلخ كولي امين
(عفتها وصعدت لغرفة الجهال شفت فهد نايم والبقية كاعدين ع الايبادات كعدت ع الجربايه اجتي عسل. باستني وحطت راسها ع رجلي نزعتها قرصتها البشعرها وضليت امسدلها شعرها لحد ما اجتي شهد همات نامت ع رجلي وهمات مسدتلها تذكرت كلامنه ويه المرحومة كمت اشاهك بالبجي كمزو اسد والبنات يحضنوني ويمسحون دموعي)
سلام : (بعد ما دخلتها وصيت نيران عليها، نيران سباعيه احسنهم قويه فعلا مو تمثل القوة وبعدها ضليت بالمضيف ناس داخله وناس طالعة واني نسيت روحي بدون شماغ وعكال وعيب م̷ـن الشيوخ من اذكرت رحت للبيت استاذنت من الحريم وصعدت راسا لغرفتي طلعت شماغ وعكال لبستهن وحطيت عطر وطلعت مريت من غرفة الجهال سمعت صوت بجي دخلت مفزوع شفت ناريمان صايرة طفلة بحضنهم تبجي رحت اخذتها م̷ن حضن الجهال وحضنتها)
سلام: كافي بجي حرام هيج السوين البجي يعذب الميت
ناريمان: عوفني اطلع قهري تعبانه والله تعبانه الله ياخذني ويريحني
سلام: (شاورتها باذنها) كافي الجهال كامو يبجون على بجيج
ناريمان (طفرت من حضنه من كال هيج حضنتهم ) كافي لحد يبجي ما بيه شي 😘😘😘😭
اسد: انتي تدعين على روحج تموتين وتردين تعوفينا مثل ما امنا عافتنه شلون ما تردينا نبجي😭
ناريمان: لا يروحي انت خلص بس لحد بيكم يبجي واني اوعدكم ابقى يمكم لو كلفني هذا الشي عمري كلة😭
شهد : لعد ابقي يمنه وابقي دائما تحضنينه ولتخلين احد ياذينة
ناريمان : ماشي وعد باقية ( من حضنوني اندفعت رجعت لحضن ابوهم عاد هو ما صدك همات حضني ومن شميت عطره حسيت روحي ارتاحيت شويه ووخرت منه ) يلا كافي كومو كعدوا اخوكم الدنيا مغرب خلي ننزل
سلام. (عطرها صار بملابسي من كامت اني همات كمت نزلنا كلنة هي سوتلي طريق اطلع ورحت للفاتحة بقيت لحد ما راحت الناس بقت بس البياته فرشنا للزلم بالمضيف وللنسوان بالاستقبال (للاصح فراشنا ما يكفي فاني رحت اشتريت كل اللي يكفينا )

ناريمان : (كعدت بالمطبخ يم البنات ضلن يسولفلي عن السويته واني مستغربه على روحي زلم ما كدرولي من كثر ما فاقده المهم.بالنهايه صبو العشة سفرة شطولها اني ما اكلت بس وكلت الجهال وكمت دخلت بغرفة المرحومة شفت اطفال نايمين فتحت كنتورها طلعت دشداشتها وصعدت لغرفة الجهال نمت ساعة اني واشم بعطر المرحومة وكعدت فوك راسي امين وسيف ولد خوالي وعبود ابن عمي. ونيران ودانيا ورانيا وحور وزينب وزيد وسيار وسلام واكفين جانو كلهم فوك راسي)
خيركم شبيكم ملتمين (كمت كعدت وتربعت)
سيار : ياناس اريد افهم اكو وحده بفاتحة ابوها تتحول رجال ومحد يكدرلها وانوب تنام بجربايه اطفال والثالثة الاهم تشتم بدشداشه المرة المعتبرتها امها رغم الفاتحة لابوها
عبود. طاكه فيوزاتها شبيكم لحد هسه محد مصدكني هاي خبلة من الرئيسي
حور : لا واللي يقهرك تكعد ما عاجبها فوك ما احنه جايين نطمن عليها
زيد: انتو متاكدين البنيه ناريمان اختي
زينب: لا صراحة مستحيل هاي اختك بس اخوك بيها مجال
سيف : اي صح هي الرجال وزيد انت صير من جماعتهن
امين : ولك سيف احنه جايين نضوج ناريمان مو زيد بطل تشمر
دانيا : اخويه لحد يحجي عليه بس ناريمان احجو واخذوا رحتكم ع كلبي ابرد من الثلج
رانيا: اي مخابيل عوفو زين وشوفوا فريستنه لازم ناكل لحمها مثل الضباع
نيران : اي صدك شوفوها شلون كاعده ومعاجبها عبالك مسويه علينه فضل كاعدة كبالنه
ناريمان: كلكم حجيتو وصنفتو بس سؤال واحد. رئيس عصابتكم ليش لحد هسه ما حجة وصنف حالة من حالكم؟
سلام:ميهون عليه زعلج كلبي يوجعني من اشوفج زعلانه
عبود: يا جماعة احد يصيح عماد
سلام: شنو قابل اخاف وبعدين بكيفيي خطيبتي واغازلها براحتي