جبروت انثى (مكتملة)

البارت الثاني

امين : يعني هسه اني اجذب
ناريمان : تقريبا😂
خالي محمد : امين جوز من البنية وعوفها خطية تعبانة
سارة زوجة خالي مهند : جبتي ملابس الج لو ادز واحد من الولد يشتريلج
امين : هو تاخيرنة كلة بسببها كعدت تحضر جنطتها وساعتين لبين ماكملت
ناريمان : امين راح تنكتل .. اي خالة جنطتي بالسيارة مال ابو لسان
اسراء : امين روح جيب الجنطة ويلا بنات اخذوها خلي تبدل وفرغولها الغرفة البصف غرفة بيبيتكم الها
ناريمان( راح امين جاب الجنطة وهو يتأفأف😂 ودني بنات خالتي اسراء للغرفة بدلت ملابسي لبست فستان بنفسجي واصل شوية جوة ركبتي واسع وحلو وفليت شعري بس لفيت ع ركبتي شال اسود لان ركبتي طالعة واشوفها زحمة بس اني لبسي كلة فري وضميت مسدسي وية الزي بالكنتور الفرغوه الي وقفلت الكنتور واخذت المفتاح وطلعت )
خالتي (اسماء ) يمة ماشاء الله اللهم صلي على النبي .. شوف الترتيب والاناقة تروحلج فدوة اسماء وطويفها
منى (زوجة خالي احمد الاولى ) اش لج اسماء خجلتي البنية نكلبت طماطاية
سيف (ابن خالي محمد ) شوف يالله ضابطة جبيرة وتخجل لعد شمالة حضي ضباطنة كلهم عديمين خجل لا وانوب واحدهم شوفتة تكطع النفس ☹😂
سجى بنت خالتي اسراء : دسكت بربك لتروح تسمعك مريم وتتخبل
سيف : ماخاف خلي اسمع 😒
ناريمان : 😂😂ليش هي منو مريم
سيف : يمعودة طليقتي بس لحد هسه تلحكني من مكان لمكان وخابصتني لتباوع ع هاي وعوف هاي وكل شوية تدك ع البنات تكوللهن راقبنة ليروح يباوع ع غيري
ناريمان : اي سجاوي قبل شوية مو كلتيلي مريم تريد رقمي
سجى : ها اي صحيح 😂
ناريمان : انطيهيا والباقي علية 😂
سيف : والله اسف وحاضر سجى وحق الله اوصلج انتي وجهالج ورجلج لبيتكم بس لتحركون علية يمها ماصدكت اليوم عافتني
ناريمان : الهزيمة نصف المرجلة 😂
ضلينة ضحك وشقة  وبيت خالي مهند وخالي احمد وخالي سامي للعصر وراحو بقى بس امين ابن خالي سامي وخالتي اسماء هم راحت لبيتها بقة خالي محمد وخالتي اسراء وخالي محمود

اسراء : سجى وسما اخذن جهالج ورجولتجن وروحن لبيتي افرشنة ورتبن اليحتاج ترتيب لان راح ننقل هسه كلنة هناك لان كل الموجودين حينامون ببيت واحد
سما وسجى: حاضر يمة 
ناريمان : بس شعجب مو هنا انام
ميساء زوجة خالي محمد : لا ميكفي المكان وببيت اسراء اكو 4غرف واستقبال واسع حتى نكدر ناخذ راحتنة بدون دوخة الولد
ناريمان : تمام لعد (جنت ضامة المفتاح مال الكنتور يم خالتي اسراء لان اعرف روحي اضيعة اشرتلها تنطينياه دخلنة للغرفة وقفلنة الباب ورانة  )
اسراء : يمة شلج بي شايلتة وتفترين بي ترة هم اكو جهال خاف واحد بيهم ياخذة وتصيرلنة مصيبة
ناريمان : خالة اامن وبعدين هياتة بجنطتة اخذي الجنطة انتي ومن نروح لبيتج حطي بكنتورج واقفلي علية
اسراء : ماشي انطيناه (ضمتة جوة العباية وطلعت ) يلا بنات ساعدن بيبيتجن تكوم (رحت اني ورقية بنت خالي محمد كومنة بيبتي وحطيناها ع الكرسي لان متكدر تتحرك هواي وكال سيف ابن خالي محمد راح ادفع الكرسي مال بيبي
امين : الشباب وجدي كلهم راحوا بقينة بس اني وسيف هنا يلا تاخرتن ترا
ناريمان .. رحنة كلنة لبيت خالتي اسراء طبعا هناك حيل راحة لان المكان واسع ومريح جنت اني كاعدة وية البنات ونسولف
رواء (بنت خالي محمد) شعجب ما متزوجة لحد هسه
ناريمان : مامفكرة بالزواج واذا ازوج ما ازوج تقليدي لازم اعيش قصة حب يالله
سجى : اسكتي بربج ليروحون يسمعوج وين اكو شي اسمة قصة حب هنا 😂
ناريمان : ترا لا عيب ولا حرام واذا حبينة
رقية : لج لكفني بابا اخابر بزميلي بالكلية كسر الفون ع راسي واسبوع منعني من الدوام لحد ما تدخل سيف وهو الرجعني للدوام بعد ما راح للولد وتاكد مابيناتنه غير الدراسة
ناريمان : هذا خالو محمد معقد بس مو كل الناس مثلة
سما : عوفج من التعقيد وكوليلي معجبج واحد من الشباب
ناريمان : دنجبي حبيبتي هو شلحكت اعرف عنهم حتى يعجبوني
سما : ها صدك نسيت اليوم اجيتي 😂
(دخل امين بدون ميدك الباب وجنت ذابة الشال من فستاني ودلعة صدري مبينة بس مامنتبهة ع روحي )
امين : اسف نسيت ادك الباب
سما : ليش تعتذر هو منو اكو غريب
امين : لاهيج انسي بس كومي ناريمان خوالج وجدج يردون رقم امج يدكون عليها
ناريمان : عزا نسيت لابتوبي
امين : وين نسيتي
ناريمان : ببيت جدو وبي صورنا عبالي اشوفهن الكم والسكايب مال ماما حتى نخابرها كامرة وبنفس الوقت نخابر نيران لان قبل شوية دزتلي رسالة واتساب تكول من تكعدون سوة خابريني حتي احجي وياكم
امين : اروح اني اجيبة عادي بس كوليلي وين حاطتة
ناريمان : لا خلي اجي وياك لان لازم اجيب بيجامة خوما انام بهلملابس
امين : يلا كومي
ناريمان (كمت طلعت للطرمة لبين ما امين يجيب مفتاح بيت جدي من بيبيتي )
امين : وين وين رايحة
ناريمان : شكو خيرك ضربك زهايمر مو رايحين نجيب الغراض
امين : اي بس حطي شي ع جسمج شنو هذا الفستان ربع ردن واديج ورجليج طالعات منة وشعرج نازل وصدرج واضح
ناريمان : مامنتبهة تمام هسه ادخل (شكد لوكي شهلتعامل بالقليل يحجي باحترام .. دخلت واني ادردم علية والبنات ماتن ضحكن عليه لان ماعرف اسكت حسيت روحي راح انفجر عليه .. لبست جاكيت من البنات فوك الفستان وحطيت الشال ع شعري بس هيج شمرتة شمر  .. طلعت جان ساند روحة ع دنكة بالطرمة مباوعت بوجهة بس انتبهت ع نضراتة ) ها خير اكو شي
امين : لا ماكو يلا خلي نمشي
رحنة لبيت جدي طلعت اللابتوب واخذت بيجامة وكريمات استعملهن قبل لا انام .. ورجعنا كعدنا بالاستقبال وصحنا النسوان حطيت اللابتوب وفعلت بي نت ودكيت ع امي لامريكا .. ضلت تبجي وتشاهك وجدي وبيبتي الة شوية يتخربطون صارت مو مكالمة الكل يبجي بيها اخر شي هدئو وضلو زيد ودانيا ورانيا يحششون حتى يغيرون نفسياتهم وبعد تقريبا 4ساعات من الاتصال سدينا وانطيتهم رقم امي واخواني وبعدها دكينا ع نيران جانت بالمطعم هي وزوجها حجينا وياهم وعادي همات بلشو يبجون بالاخير عطت بنيران خليتها تبطل بجي وزوج نيران تعرف ع كل الموجودين المهم همات نطيتهم رقم نيران وزوجها وصارت ساعة ب12 فرشولنا البنات بالغرف والزلم كلهم بالاستقبال كعدت ثاني يوم ب7الصبح لان هنا متعودين يكعدون من وكت المهم للضهر نهاري طبيعي ضحك وشقة
وراحو بيت خالي محمود ومحمد واحنة رجعنا لبيت جدو احنة وخالتي اسراء وخالتي اسماء هم اجتي
ناريمان : خالة وين الغراض
اسراء : بالكنتور مالتج رجعتهن وقفلت عليهن
اسماء : يا غراض ذني
ناريمان : مسدسي والطلق
اسماء : شعندج تسالين عليهن 😳
ناريمان : راح اروح لبيت عمي علوان اريد اشوف ليش عمي اسعد سوة بينة هيج شي
اسماء : مو هسه ترحين خاف يجلبون بيج تبقين يمهم خليج لباجر عود روحي
ناريمان : بس يخالة كلبي محترك اريد اعرف ليش هيج سوة بينة حرمنة منكم كل هلفترة
اسراء : عادي حبيبتي اهدي باجر اني اخلي واحد من الولد يوديج
ناريمان : لا خالة اروح وحدي ...ضليت لثاني يوم الصبح سلمت ع جدي وبيبيتي واخذت جنطتي واجرت تكسي وجنت لابسة هيج رغم انو منطقتهم ريفية حيل لان هم باطراف بابل 👇