جبروت انثى (مكتملة)

البارت الرابع

سلام : الطيارة ب5 العصر
علوان : تمام على خير بس كولي وين نكعد هناك
سلام : عود من نوصل الله كريم
ناريمان : ( كمت خابرت ع صديقتي عدها شقة للايجار اليومي بانقرة كلتلها عن موعد الطيارة كالت اني ادزلكم سيارة توصلكم للشقة )  هاهيه اجرت شقة
امين : الله يستر منج شبسرعة اجرتي
ناريمان : شسالفة نسيت عندي معارف بانقرة وبعدين انت المتعرف منو بنت عمتك عبالك هينة وشلون ما جان 😂
امين : لا انتي حكومة مينكدرلج😂  
عماد : اي الله يسهللكم 😒
الكل : امين يارب
الشيخ : بوية سرمد بس توصلون طمني وديرو بالكم ع ناريمان ولتزعلوها
سرمد : حاضر يابة ناريمان بنيتي وبعيوني
عمي علوان : لتقلق عمي خلي ايديك ورجليك بمي باردة ناريمان بعيونة وبعدين هي بنت الغالي محد يزعلها
ناريمان ... ثاني يوم اخذنا جنطنة اني وعمي علوان وعمي سرمد وامين وسلام وطلعنة بعد ما ضلو يوصون بعمي سرمد وعمي علوان علية ماعرف ليش كثرة التوصيات بس فعلا حبيت انو هلكد خايفين علية .. وصلنا انقرة راسا اشتريت من المطار الي ولكل واحد بيهم شرايح خط دكيت ع صديقتي كالت السايق كبال المطار جان السايق تركي جانت السيارة صالون جبيرة عمي سرمد كعد بالصدر واني ورة يم الباب وبالجهة الثانية عمي علوان وليورة امين وسلام ضلو يضحكون ويكولون هذا وين مشة بينا واحنة منعرف العنوان 
ناريمان : ترة يندل البيت
امين : واذا طلع بينة لغير طريق وخطفنا
ناريمان : تفكيرك حيل بوليسي ع كيفك 😂
عمي علوان : ناريمان دكي ع صديقتج خلي تدزلج عنوان الشقة او نروح لاقرب فندق نبات بي اليوم عود سهلة باجر
ناريمان : تريد اسألة عمي حتى اتاكد اذا يندل الشقة
سرمد: اي اسالي خلي نتاكد
ناريمان (حجيت وياه بالتركي وطلع يندل وكال بعد ربع ساعة نوصل للشقة ) عمي بعد ربع ساعة نوصل الشقة والولد مثل مكلتلكم يندلها بس اذا حابين نروح لفندق اكولة
سلام : شنو السالفة اخذج الواهس تحجين تركي ترة كلنة نعرف بيج تعرفين تركي بس سكتي 😂
جان امين وراية ضل خربان من الضحك
ناريمان : ع كيفك لتروح تختنك ونت تضحك
امين : اخخخ فرحت من رزلج
ناريمان : شكد لئيم عمو سرمد سكتة ☹😂
سرمد : كافي شباب جوزو من البنية
سلام : هو احنة شمسويلها هي مايعة
سرمد : سلام بطل 😒
سلام : حاضر خوية 😑
وصلنة للشقة لكيت صديقتي فطم تنتضرنا بيها كعدنا ونطتنا المفاتيح مال الشقة وانطاها عمي علوان فلوس الايجار  .. الشقة جانت 3 غرف ومطبخ وحمام وتواليت والشقة طابق ارضي وفوكانة 5طوابق بس الحديقة مالتها تابعة لشقتنة ومن عرفت انو نريد نحول قبر ابوية للعراق كالت ادزلكم ولد يشتغل بالمعاملة مال التحويل وميكلف هواي ، اتفقو وياها عمامي باجر تدزة وعمي سرمد كال الشيخ سالم انطاه كافة تكاليف كعدتنا وصرفنا
فطم (صديقتي) : ياجماعة اي شي تحتاجو مني تلكوني موجودة وحاضرة وبالنسبة لاجور الولد هاي علية اعتبروها هدية مني
ناريمان : فدوة لكلبج حبيبتي
فطم : والعمرج  كلبي
ناريمان (بهمس) انطيني رقم مطعم ادز ع عشة
فطم : عوفي الرقم تعاي وياي للمطبخ جبتلكم عشة من المطعم بس خلي نصبة بالمواعين
ناريمان : اي تمام ... ضلو كاعدين بالاستقبال يسولفون واني وفطم كمنة للمطبخ نرتب العشة ونصبة
فطم: لج منو هلحلو الوياج
ناريمان : منو بيهم 😂
فطم: هذا ابو الاحمر الي كعد بصف عمج
ناريمان:  لج هذا ابن خالي
فطم :  والله حلو ومرتب وكشخة همات.  خوما مثل ولد خوالي واحدهم شايل جسم عبالك مدرعة من السمن
ناريمان : ترة ابن خالي واغار علية اسكتي احسلج
فطم: انتي اخذي هذا الثاني اكلج بعيونة وشكلة يحبج اصلا وخليلي ابن خالج الي. واوعدج فترة وتلكينا مزوجين
ناريمان : دنجبي نجبي الثاني سلام زوج المروحة وانتي تعرفين لو يموت ميوصل للي يريدة وبعدين ابن خالي ميوكع وعيونج
فطم: نحيسة 😓
ناريمان : هههه يلا خلي انودي الاكل
نقلنة الاكل اني ومريم للميز الموجود بالاستقبال وكعدنا ناكل  بس طول فترة الاكل واني مرتبكة لان العين علية من امين ومن سلام والمصيبة انو سلام انتبه امين يباوعلي وضل يخزر بي وكالب وجهة علية والمصيبة الثانية انو العلة فطم ضلت تضحك ع حالهم وتهمس باذني هنيالج يتكاتلون عليج .