جبروت انثى (مكتملة)

البارت الحادي عشر

سلام (صعدنا بسيارة وصعد سيار يمي بالصدر وناريمان كعدت وراي كمت اباوع عليها من المراية هي كل شوية تباوع علية وتنزل راسها)
ناريمان:  (من صعدنا بالسيارة جنت كاعدة وراه اكلني بعيونة خجلت حيل شوكت ما ارفع عيني اشوفة يباوع )
سلام (فتحت اغنيتي الاحبها وكعدت اغني واباوع عليها:
صورتلي الدنيا جنة
وعودت كلبي عليك
تعلمت عطرك اشمة
لمة تحضني ايديك
كلي شمسويلي انتة
احجي هسه الله عليك
بوم الي شفتك اني
ثاني يوم حلمت بيك
كملت الاغنية واني منطرب واغنيها اول ما كملت صفكو نيران وسيار)
نيران:  عمي هنيالها المقصودة وشهلصوت اللي يخبل طلع صوتك حلو واحنة ماندري
سلام:  المقصودة وحدة خبلتني وحبيتها😏،ولاتجاملين منيلة صوتي حلو
سيار:  ترة صدك صوتك حلو ماتوقعتك هيج
سلام : ممم مامجرب اغني كبل يجوز صدك صوتي حلو او صار حلو من دخلت ناريمان لحياتي (باوعتلها انكلبت طماطاية)
ناريمان (كام يغني باغنيتي الاحبها وصوتة يخبل خرافي انوب يخجلني بكلامة صرت حمرة ووجهي يطلع نار وصلنة لمنطقتنا نزلنة وفتح الباب سلام قبل لا ندخل صاح عماد انداريت شفتة شايل مسدس وموجهة باتجاهنة)
عماد: اخذتها وتهنيت بيها مو!! مبروك عليك بس نعمتك مراح اطول اكتلها واكتل روحي واكتلكم كلكم وماسمحلك تتهنه بيها
سلام : عماد اصحة ناريمان صارت مرتي ومراح تستفاد شي من هلمسرحيات
عماد (رمة طلقة بالجو)  مسرحية مو ؟ عبالك ما اسويها!
سلام (حسيتة مو بوعية سكران وماعلى السكران عتب يعني احتمال يقتلها صدك ، لزمت ناريمان حطيته ورة ضهري) 
اكتلني وعوفها خليها تعيش اني مستعد اموت بس هي ما يصير عليها شي
ناريمان: ( الناس كلها طلعو ع صوت الطلقة ومن ضمنهم الجهال وامي وخواتي وزيد كمت ارجف لان مبين سكران ومو بوعية وباوعت نيران واكفة قريب منة وسمعت صيحة شهد ماما وتريد تجيني باوعت لام محمد لازمتها  )
نيران:   (حط المسدس براس نيران وجرها من ايد سيار ) عماد اني اخليها تطلك وتاخذها انت بس نزل السلاح
سيار:  عماد لتتصرف تصرف تندم عليه عوف نيران البنية حامل
ناريمان:( طلعت من ضهر سلام وتقدمت صرت بعد متر عنة ) هياتني كبالك اكتلني وعوف نيران مو ذنبها
عماد:  اي اكتلج واكتلها واكتلكم كلكم محد يستحق يعيش
سلام:  ناريمان ليسويلج شي تعاي اني اتصرف وياه
ناريمان:  ما اخاف خلي يكتلني بس خلي يعوف نيران( تقدمت علية سحبت نيران من ايدة بالكوة جريتها انرمت طلقة اريد افهم بمنو صارت بية لو بسلام لو بنيران بس اطمنت من باوعت نيران ركضت بحضن سيار واني مابية شي باوعت سلام همات بخير وشفتها يم راس اسد تخبلت ردت اركضلة بس جرني والمسدس براسي  )
سلام: (تقدمت علية ناريمان جرت اختها هو كام يجرجر بيها وانرمت طلقة باتجاه الباب باوعت صايرة بالدنكة ولو شوية ايدة متحركة ع اليمنة جان صارت براس اسد ركضت دفعت الجهال والنسوان وسديت الباب وصحت بالناس )  لحد يبقة بالشارع الكل تدخل (دخلو بقو بس الولد ) عماد اصحة وعوف ناريمان
نيران:  اخخخ ااخخخ بطنيييي (لزمت بطنها وكامت تصيح)
ناريمان: ( ايدة خفيفة واعصاب ماعندة سهل اسيطر علية وخبلني صياح نيران خاف صار شي على اللي ابطنها
حطيت براسي اهم شي اخلصة المسدس
ضلو يحجون واني عيني ع سلام اخذت قوتي من نضراته الي وكلت (ياروح ما بعدج روح) هو بايدة اللازم بيها المسدس كام يمسح بالعرگ النازل من وجهة  دفعتة ولزمت المسدس كام يجرجر بي مني ورمة طلقتين بالجو  بس كدرت الوي ايدة واخليها ورة ضهرة واخذت المسدس منة) لشوكت اضل اعلمكم من تلزمون مسدس خلو ايدكم قوية ،، ترا المسدسات سوالف كبار المفروض الجهال ميلزموها. (جنت لازمتة ولاوية ايدة ورة ضهرة دفعته للتراب على الترابي)  تعالو اخذو غسلوله خلي يصحة (ركضو علية ولد سفيان شالو ودخلو ابيتهم )
سلام ( كمت احاول اقنع بي يذب المسدس اني وسيار بس فد مرة عاند ونيران صياحها بلش يعلة كعدت بالكاع وتصيح لبين ما حولت عيني من نيران لناريمان شفت ناريمان كامت تتلاوة وياه  وضرب طلقتين بالجو بس لوت ايدة وكامت تصنف علية ، رحت ركضت الها هي تمسح بوجهة وشعرها بايدها)  بيج شي ناريمان خوما صارلج شي
ناريمان:  لا لتخاف عليه سكران ميكدرلي بس اهم شي اسد ونيران بخير  ( ركضت لنيران) ها شبيج كومي كومي (كمت اكومها وهي بعدها تعيط ولازمة بطنها)
سيار:  جيبو سيارة بسرعةةة خلي ناخذها للمستشفى
سلام (ركضت دخلت للبيت النسوان بعدها واكفة والجهال متصركعين بجي)  ماكو شي محد تاذة بس نيران بطنها تاذيها
ام ناريمان:  يمة بنيتي  (وركضت للشارع) 
سلام: رانيا الجهال امانتج (اخذت السيارة وطلعتها ناريمان وسيار شالو نيران صعدوها وصعدت ام ناريمان بالصدر شخطتها ورحت للمستشفى وهي طول الطريق تصرخ )
ناريمان:  (صعدناها بسيارة سلام واني شوية مطمنة لان مانزفت بس صياحها يقلقني ضل سيار يبوس بايدها ويكوللها صبري هسه نوصل) الزم الخط السريع دخيلك
سلام:  هاهيه دقيقتين نوصل بس اصبروا ( وصلنا وركضو  الممرضات اخذوها بسدية الطوارئ)
سلام:  المسدس وين 
ناريمان:  بالسيارة (بقينة شوية واكفين واباوع لسيار يفتر بالممر ويطك باصابيعة واني بقيت واكفة يم امي اللي ماوكفت دعاء وسلام خطية يفتر ورة سيار يهدئة طلع الدكتور
الدكتور:  منو زوجها
سيار (ركض وكف كبال الدكتور)  اني اني بشرني دكتور
الدكتور : بشارتين الاولى مابيها شي بس الامها اثر خوفة والبشارة الثانية مرتك حامل بتوم
سيار:  صددددددك 😮
الدكتور:  اي صدك والف مبروك ☺
ناريمان:  (هلهلنة اني وامي وكام سيار يكمز بالهوة ويصيح صرت اب لثنين اب لتوم راح يجوني توم امي كامت تباركلة واني وسلام خربانين ضحك ) الف الف مبروك يتربون بعزكم يارب
سلام : الف مبروك الله يجلعهم صالحين وبارين يارب
سيار:  الله يبارك بيكم ويوم الالكم
سلام (باوعت لناريمان اكتفت بابتسامة ) امين ،، دكتور شوكت نكدر نطلعها
الدكتور : هسه يكملون فحوصاتها وبعدها تكدرون تطلعوها بس لا تتعبوها
سيار:  انشالله دكتور
ناريمان دخلت وية الدكتور اني وامي باركنه لناريمان وهدئناها لان بعدها خايفة وكملنة فحوصاتها وطلعناها اول ما شافها سيار شالها وافتر بيها ضلينا نضحك)
ام ناريمان:  ولك سوير نزلها لتروح تدوخ والناس صارت تباوع علينا
سيار: (نزلها وحضنها)  خلي يباوعون مرتي وبكيفي احبها احبههههههههها (بصياح) 
سلام:  جا شمالك عرفنة تحبها بس اسكت وامشي نرجع تلكاهم كاعدين ع نار بالبيت
سيار:  امي اهليي اريد ابشرهم تلفوني وينننن
ناريمان:  سيار راح اركعك شهلخبصة اسكت شوية وتلفونك هياتة بايدي بس ما انطيكياه اذا ما تسكت
نيران (بصوت تعبان ) ناريمان انطيه التلفون لخاطري
ناريمان:  اروح فدوة لخاطرج،  وانت هاك لك مخبوص بس وحق الله اذا عيطت بعد اركعك بتلفونك
سلام (همست باذنها)  حقه يصيح راح يجي توم من اللي يحبها ، يوم اللالي ياررررب
ناريمان : يعني انت همات صيحت من اجاك اطفال من ابتسام !!(جنت متعمدة اغثة)
سلام (سكتت وسيار دك لاهله بشرهم ورجعنة لكيناهم كلهم ينتضرونة وبلشو هلاهل النسوان والزلم تبارك)
ناريمان (رجعنة للبيت ومن دا انزل طلعت المسدس من جوة الكشن ونزلت لازمتة بايدي الكل فرحان ويباركلنه ويباركون لنيران وسيار ، اجوي الجهال يركضون لزمت ايد سلام وحطيت بيها المسدس وحطيتها ورة ضهرة بحيث ما ينشاف حضنتهم وجانت عسل تبجي) اش كليبي كافي بجي مابينة شي يلا وين الضحكة(ابتسمت ) ها اسودي خوما خفت
اسد:  اني رجال ما اخاف
شهد : واني همات مثل ماما ناريمان ما اخاف
ناريمان : ههههه ابطال عفية عليكم ما اريدكم تخافون
اسراء : الله يخليهم الج وما يحرمج منهم،  فضلج جبير يم الله تربين ايتام
ناريمان : فدوة لكلبج خالتو ، خالة اني ما معتبرتهم ايتام لان هم ولدي وجزء من كلبي وحياتي كلها مسخرتها الهم
خالي سامي:  جزاج الله خير بنيتي ، ابو اسد انت ماخذ ذهباية خطها بعيونك
سلام:  بكلبي وبعيوني
ناريمان:  الله يسلمك خالو
امين (شاورت ناريمان) ما اريد اخرب فرحتج بس خطية عمج مو ذنبة
ناريمان:  ليش شبي عمي
امبن:  عمج علوان اخذ عيالة وراح مستحي من سواية ابنة
ناريمان : يصير خير اني اتصرف (دخلنة وبقت الناس تباركلنة لحد الضهر تغدوا وخوالي وخالاتي وبيت جدي  راحوا واخذوا امي واخذت اخواني، واهل سيار راحو وراحت وياهم نيران صار العصر مابقة بس بيبي ام علوان ، جنت كاعدة يمها والجهال يسولفون ويضحكون وكاعد سلام يسولف وية عمي سرمد وام محمد كاعدة تضحك على الجهال اجة فيصل كال اجتي ام نور باوعت لسلام جان ينتضر رد فعل مني
الشيخ : جا فويصل شبيك مستغرب غير بيتها طبعا تجي
فيصل:  بس يا شيخ هي صعدت لغرفتها تجمع غراضها
سلام : تجمع غراضها شنو (طفرت ركضت للغرفة شفتها هي وامها يجمعن ويدعن الله يخرب بيت ناريمان مثل ما خربت بيتهم)
سلام:  شمالج يا حرمة وين تلمين هدومج
امل:  دقيقة وحدة بعد ما ابقة على ذمتك تزوج علية الكح.. سحرتك ام السحورة موووووو اني صوجي ما كسرت راسها اول ما اجتي
ام امل:  كون الله ليوفقها لهاي الساق.. بواكة الزلم
امل: العتب ع الزلم التتقشمر بكح....  ، هي همات ما قصرت تجي بلبسها وعطرها وطكة علجها وشعرها وضلت تحوم وراه لحد ما اخذتة
ام امل:  الله ياخذ حوبتج منها يمة
امل:  لا يمة وين تطلعلي حوبة وياهة وانتي تعرفين حظ الكحا.
سلام: (جانن يشتغلن ويحجن وانواع الفشار (ماكتبت كل الحجنة لان نزلن لمستوى دنيء حيل)  رحت لزمت امل من زندها وعصرتها حيل) الزمي حدودج امل لا تطلعيني من طوري
امل : رجال بعد كلبي رجال تتقاوة علية،  خاب كوووووم متحملتك ع وصخك انت وجهالك وساكتة تاليها تزوج علية مو؟ اسمع لك سلام ورقة طلاكي توصلني خلال اسبوع وجهالك تحلم تشوفهم
سلام : (اعصابي صارت فول وعقل ماضل براسي ضربتها راجدي)  هذا لان حجيتي على تاج راسج ناريمان (وضربتها الثاني ) وهذا لان فشرتي (ضربتها الثالث)  وهذا لان استصغرتيني (ضربتها الرابع) وهذا لان كلتي لك (ضربتها الخامس )وهذا لان صيحتي بوجهي وهسه ولي لمي وصخج وطلعي من البيت وجهالي اني اعرف شلون اخذهم