جبروت انثى (مكتملة)

البارت التاسع

الكل: شنووووووو
سيار: شلون صارت خطيبتك وبعدين اكو واحد يخطبها بيوم فاتحة ابوها
سلام: اولا بكيفي اخطبها وكت اليعجبني ثانيا خطيبتي لان اني ردت تصير خطيبتي ثالثا والاهم الكل معزوم ع خطوبتنا بعد اسبوع وحاضركم يعلم غايبكم
امين : سلام بس ابن عمها يريدها
سلام: مو بكيفة وناريمان لو الي لو مو لاحد
عبود: بس عماد مخبل ومستعد يسويها دم لخاطر ناريمان
سلام: واني ترة اعرف احط طلقه براس اخوك وما اخلي ناريمان الة
نيران: استهدو بالله وخلونا نضم الموضوع بيناتنه منا لبين ما تكمل الفاتحه وبعدين لكل حادث حديث
حور : اي هذا الموضوع ما يطلع من بيناتنه ولا يوصل لامل
سيف: امل منو
زينب : زوجة ابو اسد الثانيه
سيف: كرة عينج ناريمان راح تصيرين الثالثة
سلام: حتلو الرابعة المهم تكون حلالي
دانيا: عوع شكد تسولفون دوختوني اني نازلة وانتو ابقو تعاركو
سيف : شبكه الفضايح تريد تنزل منعوها ترة تفضحكم
دانيا: هذا ابن خالكم تسكتوه لو تخلوني اني اسكته !!😡
امين: بلشو مناكر دوختونة اسكتو وانتي لج فصعونة لسانج اذا لفض شي من الي حجيناه بيناتنه اكصه
سيف: امين لا ترزلها اني ارزلها عادي اما انت لع ممنوع
امين: بلش غيرة ابو الغيرة يلة ثنينكم نزلو وانت خلي ام لسان تسكت ترا ذبحها يصير ع ايدي اذا طلع حرف
دانيا: (كامت تريد تهد على امين ولزمها سيف والكل ضل خربان ضحك و يصيحون السبع يطلع دم)
زيد: خواتي تلاحظن يرادلجن تربية!!
سيار: لو صدك تريد تربيهن اخذ نيران بطريقك
نيران: رانيا وين الحزام
سيار: الهزيمة نصف المرجلة ثيمالا
زينب: زوجوني مثل سيار يخاف مني
عبود: تسكتين لو اطشر سنونج بحلكج
حور: خاب ما تنجب تبيع بطولات كبال الموجودين وانت بالبيت يوميه زينب كاتلتك ومخليتك تتوسل بامي وبيبيتي يفكوك منها
سلام: بسكم فضايح ونزلو خلي نتعشى جوة
رانيا: خايف ع الاميرة مو!؟ جا شمالة حضي ماجابلي مثل سلام يدور راحتي
عبود: ليش شبيه ما معبي عينج ولج 😒
رانيا: معبيها وزود بس ما تعرف تتلوك مثل سيار رسلام
حور: انتو ابقو تناكرو واحنه نازلين
ناريمان(بقو كاعدين ويحجون واني ما علقت بس اباوع وحتى من سلام كال خطيبتي ما تفاعلت هم يضحكون واني بالي مو يمهم بقت تدك براسي كلمة حتلو الرابعة المهم تكون حلالي. اتخيل لو صدك خطبني شراح اسوي راح اوافق لو ارفض كمت اباوع على امين شلون مستقبل الامور بضحكه وهو جان مبينلي حبة واهتمامه، كلت يجوز اني بيه عوق بمشاعري عبالي امين يحبني وهو ما معتبرني بحياته غير صديقة او اخت، انوب كمت افكر بابتسام شلون راح تزعل مني ورجعت فكرت بابويه وفقدانة واجتي ابالي امل خطية شذنبها ينخرب بيتها م̷ـــِْن وراي،  نزلو كلهم واني من شفهم كامو غمضت عيني احبس الدمعة لبين ما يطلعون ومن صارت هدوء فتحت عيني باتجاه الباب مسدود ومحد موجود هنا فرصتي ابجي بجيت ودموعي صارت شلال جنت كاعدة بطرف الجرباية انداريت اخذ كلينس امسح دموعي شفت سلام)
سلام: ( من كامو ديريدون ينزلون غمضت عيونها كلت يجوز خايفة تبقة وحدها بقيت كاعد بمكاني بس هي مامنتبهتلي ووجها للباب بقت تبجي بس بصوت ناعم واندارت ماده ايدها باتجاه الكلينس شافتني)
سلام: اعتذر بقيت بس حسيتج محتاجة احد يبقى يمج
ناريمان: دكتور نفسي😔
سلام: ما فهمت
ناريمان: اريد دكتور نفسي اذا ممكن وهمات اريدك تاخذني لبغداد للمقر اذب استقالتي واروح لشقتي اخذ غراضي واسلمها لصاحبها
سلام: دكتور نفسي شنو وليش والاستقالة ترة مو امر سهل من تكعدين تفكرين وتاخذين القرار اوديج وشقتج سهله اني اروح اجيب غراضج منها واسلملها لصاحبها بس همات مو هسه اله تاخذين قرارج بخصوص الاستقالة يالله