جبروت انثى (مكتملة)

البارت السادس

ناريمان: يلا ازحلكو خلي اشيل الاكل ( سديت منهم ودزيت مسج لعبود كتلة بي: عبود اريدك تقنع رانيا توافق ع رجعتها للعراق لان رافضة خايفة لا اجبرهم يسكنون بالعراق وامي مستحيل تجي بدونها وهم لازم يحضرون فاتحة ابوهم ودير بالك احد يدري بيهم راح يجون ترة ذبحك يصير ع ايدي .... سديت التلفون وكمت بدلت لبست تراك مال بيت وشلت شعري كباية براسي وطلعت لكيت عمامي يصلون الضهر والولد بغرفتهم شلت الاكل وغسلت المواعين رجعت نمت للعصر كعدت ع دكة الباب .. تفضل
سلام: ناريمان زين اجة والموعد بعد 3 ايام كال اهل البلدية هم يتكفلون بكلشي وهسه راح اروح احجز بعد 3 ايام نرجع للعراق وويانة ابوج
ناريمان: ومنو ياخذك تحجز
سلام : زين واكف ينتضرني ابدل ونطلع
ناريمان :لا اني جاية وياك (كمت اريد اطلع من الغرفة علمود اكول لزين يروح اني اخذ سلام بس لزمني من زندي) ها شبيك
سلام: باوعي لبسج وزين وابن خالج برا شلون تطلعين هيج
ناريمان : اهوووو علينة هاي شبيك وبعدين لتنسة حضرة جنابك شفتني بهلبس لو حلال عليك وحرام عليهم
سلام: اي حرام عليهم وحلال علية ومرة ثانيه متكولين اهو بوجهي
ناريمان (كام يضغط ع زندي وجرني علية حطيت ايدي الثانية ع صدرة ارتبكت حيل من تقاربنة)
سلام: (جريتها علية لان جنت عصبي بس تندمت لان انفاسها وارتباكها خلت جسمي يرجف وعطرها دوخني وبدال ما تبقة عكدة الحاجب رخة وجهي وصارت عيوني ناعسة ) ءءءبدلي ولتخليني اتعصب ازيد عليج
ناريمان (صحاني صوته وحاول ادفعة بس جانت لزمتة اقوه مني) ابو اسد اذا ممكن توخر ايدي دتاذيني
سلام: (هديت ايدها بس بعدها قريبه مني وايدها ع صدري وعينها بالكوة فاتحتها)
ناريمان: (مرتبكة حيل واذكرت ايدي ع صدرة ابتعدت بهدوء ونطيتة ضهري مسحت وجهي اللي كام يصب عرگ ونداريت علية بعدة عايش بالجو ، حجيت بصوت عالي) اذا ممكن تطلع حتى ابدل
سلام : 😏 اي ولتتاخرين راح اخلي زين يروح
ناريمان:( فتح الباب وطلع اني بدلت لبست هيج

وفليت شعري ع طولة بس سويت بف وحطيت عطري ومكياج خفيف كلش واخذت جاكيت جلد اسود خاف يبرد الجو رحت لغرفة امين خطية علاجة بس منوم فنام غطيتة وسديت شباك الغرفة)
امين:( جنت نايم لان ماخذ علاج بس من اجتي حسيت ع عليها لزمت كصتي وغطتني ووخرت كفشتي من عيني وراحت دتسد الشباك حبيت اخرعها كمزت عليها وهي جانت ناطيتني ضهرها ) ها لج شسوين هنا
ناريمان: 😳😰 ووجع ليش هيج خرعتني
امين : بكيفي وشعندج بغرفتي
ناريمان : خايفة عليك افندينا وجيت اطمن
امين: ما اموت كاعد بكلبج😌
ناريمان: على كلبي مو بي 😝
امين: ولي زعلت ولتسدين الشباك بلكت اتمرض واموت وتخلصين مني
ناريمان: لا لا بكلبي بس لتزعل وليدي ويلا اغوو اغوو روح نام(سحبته من ايدة لجربايته وغطيتة )
امين: عود جيبيلي عثير ونثتلة ماما (عود جيبيلي عصير ونستلة ماما)
ناريمان: حاضر ماماتي يلا نام غمض عيونك
امين: تفي الدوة وروحي انتي وعمو ثلام حتذولنة حتى نلوح بالتيارة( طفي الضوة وروحي انتي وعمو سلام حجزولنة حتى نروح بالطيارة)
سلام: (شفتها من دخلت غرفة امين ضليت واكف شفت كلشي ومن ضلو يحجون اني اضحك هو شافني وكللها روحي انتي وعمو سلام هنا متت ضحك) لك عار عمو سلام شنو وانت بكد الثور 😂
ناريمان: كملت العصابة 😂
امين: خاب نجبي ولي من يمي اريد انام
سلام: اي صدك تاخرنة كومي ناريمان
ناريمان اي يلا ..(كمت طلعنا وسدينة الضوة ورحنا حجزنة طيران بعد 3 ايام رحنا اني وسلام نتمشى وخابرت سيار)
ناريمان: سيار الموعد مال الطيران بعد 3 ايام شلون راح تلحكون تجون انتو واهلي
سيار: اني احلها
ناريمان: شلون تحلها شبيك انت تعرف ذني معندات
سيار: 10 دقايق واخابرج
ناريمان: انتضرك باي
(ضليت انتضر مكالمة سيار )
سلام: منو سيار!
ناريمان: زوج نيران
سلام: يعني انتي ترديهم يحضرون فاتحة ابوج صح
ناريمان: اي لان امي خطية جانت امنيتها تسويله فاتحة بس من توفة مكدرنة لان ماجان عدنة احد هنا. وهمات اسوي جيتهم مفاجئة الكم ولبيت اهل امي وهذا الحجي ماريد امين يعرف بي
سلام: اي بس شيلحكون خلال 3 ايام يجون
ناريمان: ماعرف سيار كال شوية واخابرج، ، 10 دقايق ردك سيار ، الو ها بشر(فتحت سبيكر)
سيار : حجزت طيارة بعد ساعتين طيارتنة لامريكا اني واختج المصون ومناك انشالله نجي
ناريمان: لعد من توصل اخذ كارتي مال البنك من امي والرمز (......تاريخ وفاة المرحومة ابتسام  ) ورجعهم ع حسابي
سيار: اني متكفل برجعتهم مالج علاقة
ناريمان: لا سيار فدوة الكلبك فلوسي اللي بالبنك تكفيهم يرجعون انت اهم شي تكفلي باقناع البنات والباقي علية انت مقصرت
سيار: مثل متردين هسه راح ارجع للبيت الحك الم الجنط لان بقة ساعتين ع الطيارة
ناريمان: تمام وسلملي ع نيران ولتكول لامي عن حملها خليها مفاجئة
سيار: هي همات كالت مراح اكوللها من نروح للعراق يالله تكول
ناريمان: تمام مشكور مقصرت
سيار: ولو واجبي(سدينة الخط)
سلام: امم مفاجئة جديدة نيران حامل
ناريمان : اي خطية صار 4 سنين مزوجين ما اجاهة طفل هسه يالله حبلت
سلام: يوم الالج
ناريمان: اي من اتخبل
سلام: وجع😂 يالله نرجع!
ناريمان: اي ( رجعنا وكلنالهم فرحو عدة عمي علوان خايف لا اللي نسوي يعذب ابويه بس بالاخير فتح قران وصلى استخارة كال هاهيه استخاره خير ارتاح وبعدها سويتلهم عشة وكعدنا نباوع تلفزين لحد ما نعسو واطشروا نامو اني دخلت سبحت ورجعت لغرفتي بالبرنص لان نايمين سديت الباب علية وانداريت سلام بوجهي)
سلام :( بعد العشة راحو نامو وهي دخلت سبحت اني لعبت شويه بفوني وكلت اروحلها اخذ رقم سيار منها حتى اني اتكفل بموضوع اهلها خطيه تعبت هي.  دكيت باب غرفتها مردت اكثر من مرة دكيتها وهم مردت  كلت يجوز نامت دخلت فتحت الضوه شفتها ماكو وشفت صورتها ويه 3 ولد ع الميز  شلت الصورة ضليت اباوع عليها جانت الصورة هي كاعدة وبصفها ولد دياكل شامية وواحد واكف ورة الولد يطش علية مي وواحد واكف وراها حاط ايدة ع ركبتها وهي تضحك ( الصورة حلوة ك شكل بس الغيرة اكلتني وشعلت نار بداخلي) دخلت هي للغرفة بالبرنص اللي رجلها كلها طالعة منها منتبهت علية قفلت الباب واندارت انصدمت بية)
ناريمان: ها ابو اسد شتسوي هنا
سلام: ذولة منو 😠(حطيت الصورة كبالها)
ناريمان: وانت شدخلك وشلون تدخل تلعب باغراضي اذا ممكن تطلع برا
سلام: جاوبيني ذولة منو لتخليني احرك الدنيا عليج!!
ناريمان :(بعصبية) وانت باي اساس تدخل بحياتي منو انت حتى تحرك الدنيا على راسي لو نسيت روحك ترا لحد هسه متحملتك ومتحملة تصرفاتك لتخليني اطلع غضب سنين بيك فاستر ع روحك واطلع
سلام : غضب سنين شنو ليش هلكد محملة علية بكلبج
ناريمان: اي لان ما انسة شلون نزلت روحك وخطبت وحده عمرها 14 سنة حتى ترضي شهواتك وتخدمك بحجه الجهال ترة خاف عبالك اني بعدني ذيج القديمه التبجي من تصرفاتك لا والله غلطان كافي كبل جنت اسكت لنضراتك هسه مستعده احفرلك كبر بصف ابويه
سلام: اي لان جنت متاكد انتي اكثر وحده حريصه ع جهالي وجنت مستعد اخدمج واحطج بعيوني وبيوم الطلبناج تذكرين من اجيتج وردت احجي وياج شسويتي
ناريمان: لا ما انسه هيج سالفة ما انسه شلون طردتك وهنتك لان بيومها اول مره احس روحي اخذت حقي بايدي
سلام: بس لو منتضرة بوقتها وبدال متهينيني كبال الكل جان كدرت اكولج انو اني اريدج مجرد ام لجهال وجنت جاي اكولج انو مراح امد ايدي عليج ولا المسج اله برضاتج لان مقدر انتي طفلة بس خوفج ع الجهال جان حالج حال امهم فاامن عليهم يمج احسن ما هسه همه يم مرة اب ماعرف شتسوي بيهم واني متاكد معاملتهاا وياهم مو زينة لان اني مو غبي اعرف من هددتيها بية وخليتيها تبطل الولد من الشغل اللي ما جنت اعرف بيها جابرتهم يشتغلون وانتي كلش زين تعرفين لو اني اعرف مجان سمحتلها
ناريمان: وهسه شنو المطلوب مني(ببروووود)
سلام : تكولين البصورة منو
ناريمان: ميخصك
سلام: (تقدمت عليها صار وجهي ووجهة قريبين من بعض ) تحجين لو لا
ناريمان: (يلبكني بتقربة واكوم ماعرف شاصرف) اصدقائي
سلام :( بلشت اهدء لان من ترتبك انفاسها تصير قويه وسريعة تجبرك تهدء وانوب شعرها بنكط ومنضرة يخدر) واصدقائج يحضنوج!
ناريمان: (بلش هو هم يرتبك وبالكوة يطلع الكلمه حطيت ايديناتي ع صدرة حاولت ادفعة) الحاط ايده عليه هذا اخوية زيد
سلام :(حطت ايدها ع صدري حاولت تدفعني بس اني اقوة منها ) حتى اخوج ممنوع يحضنج
ناريمان: (رفعت حاجبي وعوجت شفتي) ليش بله
سلام (حركتها شلتني وخلتني افقد السيطره ع روحي ) لان انتي ملكي (قربت شفتي على شفتها. هي غمضت طخيتها بشفتي بس ما بستها نزلت شفتي ع ركبتها بستها جسمها اختض رجعت بستها اكثر من مرة اديها اللي جانت ع صدري بلشت ترخة )
ناريمان: (ضليت مصدومة من كلامه بس من تقدمت شفتة ع شفتي هنا حسيت فقدت السيطرة وماكدر اقاومة لان جسمي رخة حيل انوب من كام يبوس بركبتي كام جسمي يطلع حرارة وهو هادء حيل ،، جنت مغمضة عيوني بس لمحت المرحومة بطيف،  فتحت عيوني بعده حاط راسه بركبتي وتصرفاته متخليني ارجع اجمع قوتي حتى ادفعه ضليت احاول لحد ما وكعت دمعتي)
سلام: (استسلمتلي واني تخبلت ع ركبتها بس اعاملها بهدوء ضليت ابوس بركبتها واشم بيها وانفاسي بلشت تصعد حيل وصارت حارة هي ذبلت بس ع غفلة نزلت دمعتها ع خدي حطيت كصتي ع كصتها)اسف حيل اسف
ناريمان: (حط كصتة ع كصتي ويحجي هو ومغمض اني اباوع لوجهة واحجي دمعتي بلشت توكع من خدة ع شفتة حطيت ايدي ع خدة مسحت الدمعة) ليش هيج سويت
سلام:(وخرت لان نزلت دمعتها ما ردت اجبرها ع شي بس بعدني خدران ومن مسحت الدمعة ايدها صارت ع شفتي ردت ارجع ابوگ بوسه بس صوتها صحاني) ماكدر اقاومج
ناريمان: (عينة صارت بعيني باسني من كصتي ولان هو اطول مني يصير راسي بركبته حطيت وجهي ع ركبته ماعرف ليش هيج سويت بس يمكن لان محتاجة حضن بالذات بهلضروف )اممم
سلام: (حضنتها لان اعرفها فاقده حنان بس متعترف )
ناريمان: (ثنيناتنة فزينا ع صوت تلفوني دك وخرت منة بس مو حيل لان التلفون بالميز البصف الباب وهو همات كام يمسح بوجهة بس بقة بمكانة اخذت الفون شفتة سيار انطيت الفون لسلام لان صوتي ميطلع)
سلام (انطتني الفون رديت واني اباوع عليها محمرة وخجلانه وتقدم شعرها ع وجها حتى ما يبين خجلها ) الو
سيار: الو منو وياي
سلام: اني سلام
سيار : اهلا بيك اخويه لعد ناريمان وين!
سلام: (باوعت عليها) انطيتها مهدء ونامت
ناريمان: (باوعت علية صفح لزمني من ايدي رجعني بمكاني بين ايديه ما قاومته او سحبت روحي منة راسا رجعت كبالة هو يحجي وية سيار بس عينة ع شفتي كمت احاول اتجاهل هاي النضرات)
سيار: خير بيها شي
سلام: لا بس راسها يوجعها
سيار: انشالله خير بس كوللها وصلنة امريكا وحاليا احنا بسيارة اخوها زيد متجهين لبيتهم
سلام: الحمدلله ع سلامتكم وانشالله من تكعد اكوللها
سيار: تمام اعتذر ع الازعاج يمكم دنيا ليل يلا ثيمالا
سلام: الله وياكم ..(حطيت الفون ع الميز وبقيت ايدي فوك الفون وتقدمت عليها بحيث بدال متطخ بالباب صارت ع الحابط الصغير المسافة اللي بين الباب والميز تقدمت عليها رجعت كصتي ع كصتها هي رجعت غمضت )وصلو وهم وية زيد راح يرحون لاهلج
ناريمان : اممم الحمدلله
سلام: (عيني ضلت ع شفتها اريد اكلها بس لزمت نفسي) ليش تباوعيلي صفح قبل شوية
ناريمان: (ماكدر افتح عيني لان انفاسه مسيطرة علية) لعد ليش تكولة انطيتها مهدء فبكيفي
سلام :(شفتها ترجف بس كلامها مال قويات @مخبلة ) بكيفج مو!
ناريمان اي ابكيفي
سلام (حضنتها من فوك اديها بحيث وحدة نحبست بايدي والثانية هي راسا رفعتها تريد تدفعني بيها بس شابكت اصابعي بيها ورجعتها نزتها قربت شفتي من شفتها بس طخيتها بلش جسمها يرخة فقدت مصيت شفتها انفاسها تتصاعد وسريعة وحارة وهذا الشي الخبلني رجعت مصيت شفتها بس بدون ماضغط عليها )
ناريمان: (اجذب اذا اكول اكدر اقاومه يعني انسان عندة قوه خارقة انفاسه تكدر تربطني انوب جسمي صار بداخل جسمه لان هو ضخم وايدي لازمها واصبعة الابهام جان يتحرك ويه حركة شفته بحيث جسمي كام يحتر ويبرد ودمي نشف واحس جسمي من جوه البرنص كام يطخ بجسمة انكطعت انفاسي )
سلام: (ماعفتها لحد ما انكطعت انفاسنه) هذا المهدء اللي جنت اقصدة
ناريمان: (حسيت ع روحي وكمت ادفعة) كافي
سلام: (وخرت ما حبيت اضغط عليها اني مجرد عبرتلها عن حبي مو غايتي وياها شي باوعت عليها مرتبكه وبايدها تغطي صدرها الطالع من البرنص وخرت ايديها هي تفاجأت وكامت تباوع بوجهي واني عيني بعينها بدون ما اباوع لصدرها سحبت البرنص غطيت صدرها وجهة رجع بي لونة بعد ما جانت خجلانة وعينة بيها نضرة فرح ع التصرف ) مرة ثانية متطلعين من الحمام بهذا وبالبيت زلم غربة
ناريمان: (عجبني تصرفة حيل خايف علية من عينة محبيت اعاندة من حجه بس هزيت راسي بمعنى اي)
سلام:(طلعت من غرفتها واني اصب عرگ رحت للحمام غسلت وجهي وتعوذت بالله شداسوي اني البنيه طفلة واني شكبرني ومزوج ليش دا افقد كدامها اوف متي رجعت لتلفوني شفت مسج من امل (صار يومين مخابرت ولا سالت لا علية ولا على جهالك ماكلت يحتاجون شي شياتين اهم شي عندك حبيبة القلب ناريمان افندي المهم ابنك فهد متخربط واخذة محمد ابن اخوك للمستشفى وقبل شوية رجعو مو تكول ما كلتلي ولتحاول تدك ما ارد عليك) قريت المسج ودكيت مترد تسد الخط لحد ما قفلتة بالاخير دكيت ع محمد
سلام : انطيها التلفون لا احركها
محمد:(حاول ينطيهياه تصيح ع محمد تكولة ما اخذة لو يموت ) مقبلت تاخذ الفون
سلام: عوفها طبها مرض وطمني عن فهد
محمد: الدكتور كال شارب حبوب ضغط
سلام: حبوبيش يالله 😱
محمد :مال الشيخ سالم بدال علاج الفلاونزة
سلام: اي وشصار علية
محمد: صار زين مبي شي بس شوية تخربط ضغطه وهسه رجع طبيعي
سلام: محمد جهالي بامانتك وخلي امك تبقى يمهم اخاف هاي الساق.. تسويلهم شي
محمد: ليضل بالك امي نايمة يمهم هسه
سلام: تمام يلا تصبح ع خير
محمد: وانت من اهل الخير
سلام ( ضليت افكر يعني فهد جبير معقول هو حاط علاج ابوية بحلكة لا مستحيل اكيد هاي العكربة امل مشربتلهيا بس ارجع اني اتصرف .. دك المنبه مال امين علمود وقت العلاج سديته وكمت جبتله كلاص مي وكعدته شرب العلاج ورجع نام واني هم ضليت افكر لحد منمت)
ناريمان : (ماعرف شصار بية بس طلع اجتي كل الافكار براسي.  السواه غلط واني شلون سكتتلة وشلون راح اباوع بوجهة اكيد اذا عرفت امي تزعل ..عزاا بس خاف امين كاعد وحس علينا ، عمي علوان شيسوي لو يدري ، اووف هو مزوج ليش هيج سوه وياي،  هسه شنو اني بنضرة ،، الله يعلم شنو يفكر بيه هسه، ،، ضليت ع هاي الافكار لحد ما نمت ودمعتي ع خدي ليش نزلت ما ادري بس الاعرفة انو خدي ترطب بدمعه.   مر يومين طبيعي بس اتجاهل وجود سلام ووبقيت وية امين اكعد وياه ناكل ونشرب ونباوع تلفيزيون ونطلع سوه نتمشة ومرات سلام يطلع ويانة واني فرحانه لان احسه يحترك من يشوفني كلامي كله ويه امين المهم ثالث يوم كعدت ب3 الفجر لبست فستان اسود كلوش ومحطيت مكياج وشمرت شال اسود ع راسي بس شمر ما لفيتة ولميت جنطتي وخليتها ع الجربايه حتى بس ناخذها قبل لا نطلع اجتي ام زين خطيه عزلت البيت ونطيتها بقية المسواك البثلاجة ورجعت ساعدت عمامي بالجنط وامين يمشي وراي لان خايف ع نفسيتي وبالذات انو اليوم راح نفتح قبر بابا ونطلعة وننقلة للعراق خطية حس بية ضغطت ع نفسي بالشغل حتى اتناسة الموضوع)
سلام : ( ثاني يوم كعدت لكيتها بالاستقبال صبحت عليها ردت من وره خشمها وما رفعت عينها عليه فهمت راح تضل هيج وبالذات بعد ما كامت تطلع وتفوت وتكعد وية ابن خالها وما معبرتني ضليت متحمل بس من يطلعون يتمشون اطلع وياهم واحس روحي احترك نار من اشوفها تضحك وية امين ضلت هيج يومين ثالث يوم كعدنا من ال3 الفجر لان ب7 نروح للمقبرة ضلينة نحضر جنطنا واجتي ام زين ساعدت ناريمان بالشغل بس انتبهت ناريمان مدترحم روحها تشتغل هواي وتركض يمنة ويسرة عرفت الدتسوي)
امين:  اذا اكو مكان بجنطتك حطلي ذني الملابس لان جنطتي انتسرست علاليك هدايا ناريمان حطتهن بيها
سلام: اي جنطتي فارغة حط التريدة بيها.  اريد اطلب منك طلب بس لا تردني يخوي
امين:  ماتنرد حشة كول
سلام:  روح اكعد ويه بنت عمتك تراها تتعب نفسها حتى تنسة ابوها ترة اليصير مو سهل عليها ومهما يكون هي بنت مستحيل تتحمل هلكد ضغط
امين:  اعرف وحسيت عليها تبجي بالمطبخ بس من شافتني مسحت دمعها ماتريدني اشوفها تبجي
سلام: خليك يمها وقويها انه اذا رحتلها راح تصدني بس انت ما تصدك ابقة يمها ولا تبينلها شايفها ضعبفة بس ابقة وراها وهديها
امبن :لتوصي حريص هسه رايحلها بس لا تنسة ملابسي حطهن بجنطتك
سلام: لا ما انسة بس روح انه احطهن
ناريمان: (كملنا كل الشغل  ضليت كاعده ويه امين يدخلني بسالفة ويطلعني من سالفة بحيث راسي انسطر بين تفكيري وبين سوالفة بالاخير عفته يسولف دخلت بالحمام غسلت وبجيت بس بدون صوت وبعدين سمعت الباب يندك امين كال اجتي السيارة يلا ..طلعنا من البيت ب7 رحنا للمقبرة ودخلنه بداخلها وصلنه لقبر ابويه مو حيل بعيد لان القبر صاير بالطرف  شفنة موضفين البلدية موجودين ينتضرونا ووياهم الشرطة تقدمو عمي علوان وعمي سرمد  وكفو يم القبر بس اني متحملت وكفت بعد مسافة وبيمنتي امين وبيسرتي سلام اول ما بلشو يفتحون القبر نزلتلي دمعة وتكتفت بقوة اعصر بروحي وامين خطية لزمني من جتفي يهديني لحد ما شفت الكفن  طلع من جوة التراب هنا صرخت بعلو صوتي بااااباااا ودفعت ايد امين اللازمتني وردت اتقدم بس لزمني سلام مخلاني)
ناريمان:  عوفني اريد اشوفة والله مراح اسوي شي😭 لتحرمني منة انتة مثل ما حرموني  من شوفتة قبل😥
سلام:  ناريمان اهدي وكافي بجي لتخلي يتعذب😭😭😭
ناريمان:  والله راح اهدة بس ابوس ايدك عوفني اريد اشوفة بغلات لمرحومة عليك بغلات ابتسام عليك (ابتسام زوجتة المرحومة اللي هي جانت اعز من امي)😢😭😩
سلام ( رخيت ايدي عنها بس بقيت لازمها كامت تتقدم بخطوات ثكيلة.  اهل البلدية عافو تكملة الشغل بامر من الضابط.  ذبت نفسها بصف القبر كعدت ولزمت الكفن المغطي رجل ابوها وضلت تشهك وتنعي كطعت كلوبنة) 
ناريمان :(جنت احجي واشاهك بحيث احس صوتي يختفي بنهايه الكلمه ويتحول لشهكه تعصر كلبي)  ليش هيج! ليش عفتني! ليش خليتني بالدنيا وحدي؟ شلون اجة من كلبك تعوف بنتك وحدها !! مكلت شلون راح تعيش بدوني! مكلت شلون راح تحارب بدوني! مكلت شلون راح تتخطة مشاكلها بدون استشارتي؟  ليش قبلت يدفنوك واني بالمستشفى دا اموت من وراك؟ شلون سمحتلهم يحطون التراب عليك واني ما مودعتك ما حضنتك وما شميتك ! شلون قبلت تندفن بمكان مو الك وانت جنت تكول قبري سوه بنص اهلي!!  انت عبدالله تستسلم لدنيا!  ما اصدك عبدالله جان يوكف بوجه الموت لخاطري.  عبدالله جان عندة اهلة ثم نفسة!  انت مو عبدالله لان عفتنا وريحت روحك وخليتنة وراك نتعذب! تعال وشوف وين وصلنة تعال وشوف ناريمان بنيتك حبيبتك صارت ضابطة تحقيق مثل ما انته جنت تحلم تخليها 😭بابا نيران ازوجت ورانيا ودانيا مشتاقاتلك ودزن سلام الك وزيد خطيه اول مرة اشوفة يبجي ، جان يبجي بالختلة بس البارحة بجة علمودك ووصاني ادفن هذا (العلاج مالتة) بهذا كبرك يكول اسف مالحكت اجيبلك العلاج قبل وفاتك 😭😭  الله يسامحك على السويته بينه من عفتنه ويسامح اخوك الحرمنه من اهلنه ، بابا اترجاك لتزعل مني وارجع انت وابتسام مرو علية پالحلم يوميه ترة مالي ذنب بالصار يشهد الله علية ما بيوم ردت ززعلكم.  اشتاقيتلكم بابا ،اوووف.خايفة اكولك سلملي ع ابتسام وتطلع زعلانة مني بس فدوة بابا كوللها ولدج بامانتي بس خلي ترضة عني وترجع تزورني بالطيف، راح ابقة انتضركم ،،، كمت اشهك وابجي،   بابا انت جنت  تكولي وكت البجي بجي ووكت القوه قوة .. كمل وقت البجي واجة وقت القوه (مسحت دمعي من عيوني وكمت وكفت وحاجيت الضابط التركي ) كملو شغلكم واعتذر تاخرت(نطيت ضهري للكبر شفت عمي علوان سانده واحد من الشرطة وامين يبجي وعمي سرمد كاعد ع واحد من الكبور ودمعة ع خده انداريت شفت سلام متحول لمكسور والدمع نازل من عينه دم وبعده لازمني من جتفي نزلت ايد سلام مني ع كيفي ومسحت دموعة بايده ) كافي بجي وراك جهال ينتضرون اب قوي يسندهم لتصير مثل ابويه ضعف كبال المرض وخلانة وراح ( تقدمت لعمي علوان بست ايده وراسة واخذته من الشرطي ومشيت وياه للسيارة كعدته ع الكراسي ) عمي ترضاها تبجي واني جنت متاملة استمد قوتي منك بعد ما راح الغالي! 
علوان:  عهد علية ماخليج تحتاجين شي وكل اللي ربي يكدرني عليه اسوي الج بس خليج گويه ولا تنكسرين خليج ناريمان تربات ابوج
ناريمان:  انشالله عمي ( رجعت شلت ايد عمي بستها وانداريت امين بعده واكف يم الكبر ) امين عمي سرمد
امين:  يمي لتخافين( رحت لعمها سرمد كومتة ومشيته للسيارة استقبلتة هي وصعدته كعد بصف عمها علوان
ناريمان:  ابو اسد انت ابقة ويه زين ، اني وعمي علوان وعمي سرمد راح نرجع للشقة يرتاحون شويه واطلع غراضنة وانتو سبقونة للمطار
سلام:  امين روح وياها ساعدها
امين:  اي جاي وياج سلام يكفي ويوفي ليضل بالج
ناريمان:  تمام (حاجيت السايق تركي كتلة يرجع للشقة ورجعنا كلت للسايق يجينا ب9 دخلنا للشقة كعدو عمي علوان عمي سرمد يرتاحون وخطيه دمعتهم بعدها ع خدهم تنزل عفتهم وكمت كعدت بالحديقة نص ساعة تنفست ودخلت  شفت امين مطلع الجنط وكاعدين ينتطروني طلعنا الجنط حطيناهن بالسيارة ورحنا للمطار شفنا سلام والسيارة مال البلدية وتابوت اسود حاطي فوك السيارة نزلت وساعدت عمي علوان ينزل ودخلنة واهل البلدية هم الشايلين التابوت الضابط اللي جان موجود هو اللي مشالنة بالجوازات وما عافنا لحد مصارت ب10 خطيه صعدو التابوت بالطيارة تشكرت منة وراح وركبنا الطيارة وطرنا للعراق)